Share on Social Media

முன்னோர்கள் போன்று உணவை மருந்தாக்கி எடுத்துகொண்டாலே பல நோய்களை தடுக்க முடியும். பெரு நோய்கள் தீவிரமாகாமல் தடுக்க முடியும். நோய் தீர்க்கும் மருந்துகள் உணவாகவே நம்மிடம் உள்ளது. அந்த வகையில் வாய்ப்புண்ணுக்கு மருந்து என்ன என்பது குறித்து பார்க்கலாம்.

வாய்ப்புண், வயிற்றுப்புண், குடல் புண் என எல்லாமே ஆரம்ப கட்டத்தில் கவனித்தால் அதை எளிமையாக போக்க முடியும். கை வைத்தியம் மூலம் இதை போக்க முடியும் . அதிலும் இவை எல்லாமே உணவு மருந்துகள் என்பதால் பக்கவிளைவுகள் இல்லை. பாதிப்புகளும் இல்லை.

​கொப்பரை தேங்காய்

தேங்காய். மருத்துவ குணங்கள் நன்மை நிறைந்தது. அதிலும் கொப்பரை தேங்காய் வயிற்றுப்புண், வாய்ப்புண் குணமாக்கும் வல்லமை கொண்டது. காலையில் வெறும் வயிற்றில் தேங்காய்ப்பால் குடிப்பதன் மூலம் வாய்ப்புண், வயிற்றுப்புண் குணமாக்கமுடியும் என்பதை அறிவோம்.

வயிறு எரிச்சலா இருந்தா அதுக்கு வீட்டு வைத்தியம் இதுதான், எளிமையானதும் கூட!

தேங்காய்ப்பால் போன்று கொப்பரை தேங்காய் மென்று சாப்பிடலாம். தேங்காய்ப்பாலை காட்டிலும் கொப்பரை தேங்காய் இன்னும் பலனளிக்க கூடியது. கொப்பரை தேங்காய் மென்று சாப்பிட கடினமாக இருக்கும் என்றாலும் இது வாய்ப்புண்ணுக்கு உடனடி தீர்வாக இருக்கும்.

கொப்பரை தேங்காயை வெதுவெதுப்பான நீரில் சில நிமிடம் வைத்து வாயில் இட்டு மென்று அதன் சாறை விழுங்கினால் போதும். வெறும் வயிற்றீல் சில துண்டுகள் வாயில் போட்டு மென்று வந்தால் சில நாட்களில் பலன் தெரியும்.

​மாசிக்காய்

samayam tamil Tamil News Spot

நாட்டு மருந்து கடைகளில் கிடைக்கும் மாசிக்காய் வாங்கி வாய்ப்புண், வயிற்றுப்புண், குடல் புண் ஆற்றலாம். சித்த மருத்துவத்தில் பயன்படுத்தப்படும் ஓர் அற்புதமான மருந்து. மாசிக்காய் என்பது காய், பூ அல்ல மரத்திலிருந்து வெளிவரும் பால் காய்ந்து பிசின் போல் ஆக கூடும். இது கெட்டியாகி வருவது மாசிக்காய் ஆகும்.

வாய்ப்புண்ணுக்கு பெயர் பெற்ற மருந்து என்றால் அது மாசிக்காய் என்று சொல்லலாம். மாசிக்காயை பொடி செய்து தேனில் குழைத்து சாப்பிடலாம். மாசிக்காய் நீரில் போட்டு ஊறவைத்து அந்த நீரை கொண்டு வாய்கொப்புளித்து வந்தால் வாய்ப்புண் குணமாகும்.

மாசிக்காய் மிளகு அளவு எடுத்து வாயில் போட்டு அடக்கி கொள்ளவும். இதன் நீரை உமிழ்நீரோடு கலந்து வாய் முழுக்க பரவும் படி விழுங்க வேண்டும். இப்படி செய்து வந்தால் வாய்ப்புண், வயிற்றுப்புண் படிப்படியாக குணமாகும்.

மணத்தக்காளி ​கீரை

samayam tamil Tamil News Spot

மணத்தக்காளி கீரை வயிற்றூப்புண்ணை ஆற்றும் என்று சொல்வார்கள். மணத்தக்காளி கீரையை பூண்டு சேர்த்து கடைந்து இளஞ்சூடாக நல்லெண்ணெய் சேர்த்து சாப்பிட்டு வந்தால் வாய்ப்புண் குணமாகும். மணத்தக்காளி கீரையை சூப் செய்து குடிக்கலாம். அதிகமாக வாய்ப்புண் இருப்பவர்கள் மணத்தக்காளி கீரை இலைகளை சுத்தம் செய்து அப்படியே மென்று சாப்பிடுங்கள்.

கீரையை சாப்பிட சிரமமாக இருந்தால் மணத்தக்காளி கீரையில் இருக்கும் பழத்தை மென்று சாப்பிடலாம். தினமும் ஒரு கைப்பிடி அளவு மணத்தக்காளி பழம் சாப்பிட்டு வந்தால் வாய்ப்புண் குணமாகும்.

​மாங்கொட்டை பருப்பு

samayam tamil Tamil News Spot

மாங்கொட்டை உடைத்தால் உள்ளே பருப்பு இருக்கும். அந்த பருப்பை உடைத்து காயவைத்து பொடியாக்கி கொள்ளவும். இந்த பொடியை மணத்தக்காளி சாறு அல்லது அகத்திக்கீரை சாற்றில் சேர்த்து அரைத்து சிறு உருண்டையாக உருட்டி வைக்கவும்.

இதை காயவைத்து பதப்படுத்தி கண்ணாடி பாட்டிலில் போட்டு வைக்கவும். குறிப்பாக வாய்ப்புண் வயிற்றுப்புண், குடல் புண் பிரச்சனை இருப்பவர்கள் வருடம் ஒரு முறை இதை செய்து வைத்துகொள்ளலாம். வாய்ப்புண் இருக்கும் போது இரண்டு உருண்டையை எடுத்து மோரில் கலந்து குடிக்கலாம். அப்படி குடித்து வந்தால் வாய்ப்புண், வயிற்றுப்புண், குடல் புண் போன்றவை குணமாகும்.

வாழைப்பூ

samayam tamil Tamil News Spot

வாழைப்பூ துவர்ப்பு தன்மை கொண்டது. இது வாய்ப்புண்ணுக்கு சிறந்த மருந்து வாழைப்பூவை வேக வைத்து சூப் ஆக்கி குடிக்கலாம்.

வாழைப்பூவை ஆய்ந்து பாசிப்பருப்பை சேர்த்து கூட்டாக்கி விடவும். இந்த கூட்டை சாதத்துடன் கலந்து சாப்பிட்டு வந்தால் வாய்ப்புண், வயிற்றூப்புண், குடல் புண்ணும் சேர்ந்து ஆறக்கூடும். வாழைப்பூவின் இறுதியில் இருக்கும் மொட்டு போன்ற பகுதியை அப்படியே மென்று அல்லது மோரில் கலந்து சாப்பிட்டு வந்தால் வாய்ப்புண் வேகமாக குணமாகும்.

​திப்பிலியும் நெல்லியும்

samayam tamil Tamil News Spot

திப்பிலி ஆயுர்வேதத்தில் பயன்படுத்தப்படும் முக்கிய மருந்து. இனிப்பு நிறைந்தது, குளிர்ச்சியானது, திப்பிலையை காயவைத்து சுத்தம் செய்து நெய்யில் வறுத்து தூள் ஆக்கி வைக்க வேண்டும்.

வயிறு வலிக்கு மருந்தாகும் முருங்கையும் உப்பும், இப்படி தான் எடுக்கணும், சிறந்த பாட்டி வைத்தியம்!

நெல்லிக்காயை விதை நீக்கி நறுக்கி அரைத்து பேஸ்ட் போல் ஆக்கி அதை திப்பிலி தூளுடன் கலந்து தேன் சேர்த்து குழைத்து வைக்கவும். காலை மற்றும் இரவு நேரத்தில் இதை வாய் முழுக்க தடவி கொள்ளவும். வாய்ப்புண் குறையும் வரை இதை செய்து வந்தால் வயிற்றுப்புண், குடல் புண் இருந்தாலும் ரணத்தை ஆற்றும். திப்பிலியை மட்டும் அளவாக சேர்க்கவும்.

Thanks for the Source

Share on Social Media

Leave a Reply

Your email address will not be published. Required fields are marked *