Share on Social Media


ஹைலைட்ஸ்:

  • டவ் தே புயல் – 21 மீனவர்களை காணவில்லை
  • காணாமல் போன மீனவர்களுக்கு நிவாரணம் அறிவிப்பு
  • தலா ரூ.20 லட்சம் வழங்கப்படும் என தமிழக அரசு அறிவிப்பு

தமிழகத்தில், டவ் தே புயல் காரணமாக காணாமல் போன மீனவர்களின் குடும்பத்திற்கு தலா 20 லட்சம் ரூபாய் வழங்கப்படும் என, முதலமைச்சர் மு.க.ஸ்டாலின் அறிவித்துள்ளார்.

கடந்த சில நாட்களுக்கு முன்பு, அரபிக் கடலில் உருவான டவ் தே என்ற புயல், குஜராத் மாநிலத்தில் கரையைக் கடந்தது. இதன் காரணமாக, கேரளா, தமிழகம், கர்நாடகா, மஹாராஷ்டிர உள்ளிட்ட மாநிலங்களில், கனமழை கொட்டி தீர்த்தது.

புயல் எச்சரிக்கை முன்பு, அரபிக் கடலில் மீன் பிடிக்க சென்ற தமிழக மீனவர்களை தேடும் பணி தொடர்ந்து நடைபெற்றது. இந்நிலையில், நாகப்பட்டினம், மயிலாடுதுறை, கன்னியாகுமரி ஆகிய மாவட்டங்களைச் சேர்ந்த 21 மீனவர்களை காணவில்லை என தமிழக அரசு அறிவித்து, அவர்களை தேடும் பணியை முடுக்கிவிட்டது.

ஆன்லைன் வகுப்புக்காக 6 கி.மீ., தூரம் பயணிக்கும் மாணவர்கள்! ஏன் தெரியுமா?

காணாமல் போன மீனவர்களை கண்டுபிடித்துத் தரக்கோரி, மத்திய பாதுகாப்புத் துறை அமைச்சர் ராஜ்நாத் சிங்கிற்கும் முதலமைச்சர் மு.க.ஸ்டாலின் கடிதம் எழுதியிருந்தார். இந்நிலையில், காணாமல் போன 21 மீனவர்களின் குடும்பத்திற்கு தலா 20 லட்சம் ரூபாய் நிவாரணம் வழங்கப்படும் என, தமிழக முதலமைச்சர் மு.க.ஸ்டாலின் அறிவித்துள்ளார்.

இது குறித்து முதலமைச்சர் மு.க.ஸ்டாலின் வெளியிட்டுள்ள அறிக்கையில் கூறப்பட்டிருப்பதாவது:
டவ் தே புயல் காரணமாக, காணாமல் போன, நாகப்பட்டினம் மாவட்டத்தைச் சேர்ந்த 6 மீனவர்களும், மயிலாடுதுறை மாவட்டத்தைச் சேர்ந்த மூன்று மீனவர்களும், கன்னியாகுமரி மாவட்டத்தைச் சேர்ந்த 12 மீனவர்களும் என, மொத்தம் 21 மீனவர்கள், மீன்பிடித் தொழிலையே வாழ்வாதாரமாகக் கொண்டு இருந்தனர்.

கடந்த 15ம் தேதி முதல் ஹெலிகாப்டர் மற்றும் கடலோர காவல் படையின் கப்பல் மூலம், காணாமல் போன 21 மீனவர்களை தேடியும் கண்டுபிடிக்க இயலவில்லை. எனவே, காணாமல் போன 21 மீனவர் குடும்பங்களின் வறிய நிலையை கருத்தில் கொண்டு, அவர்களது வாரிசுதாரர்களுக்கு, 20 லட்சம் ரூபாய் நிவாரண தொகையாக வழங்கப்படும்.
இவ்வாறு அவர் தெரிவித்துள்ளார்.



Thanks for the source

Share on Social Media

Leave a Reply

Your email address will not be published. Required fields are marked *