Share on Social Media


சகோதரர்களான மு.க.ஸ்டாலினுக்கும், மு.க.அழகிரிக்கும் உறவு அவ்வளவு சரியாக இல்லை எனக் கூறப்பட்டது. அதை உறுதிப்படுத்தும் விதமாக மு.க.ஸ்டாலினை விமர்சிக்கும் விதமாக மு.க.அழகிரியும் காரசாரமாக பேசிவந்தார்.

ஸ்டாலினுக்கு எதிராக மு.க.அழகிரியை கட்சி தொடங்க வைக்கும் முயற்சியில் அவரது அரசியல் எதிரிகள் ஈடுபட்டதாகவும் கூறப்பட்டது. ஆனால் கடைசி வரை கட்சி தொடங்குவதா என்பது குறித்து ஆலோசனை நடைபெற்றுவருவதாகவே காலத்தை ஓட்டிவிட்டார் அழகிரி.

திமுக அமைச்சரவையில் யாருக்கு இடம்? வெளியான புதிய தகவல்!

மு.க.ஸ்டாலினுக்காக அழகிரியிடம் தொடர்ந்து குடும்ப உறுப்பினர்கள் பேசிவந்தனர். அதேபோல் அழகிரிக்காக ஸ்டாலினிடமும் பேசிவந்தனர். இதற்கு நல்ல பலன் கிடைத்ததாலேயே அழகிரி கட்சி தொடங்கும் முடிவுக்கு தலையசைக்க மறுத்துவிட்டதாக கூறுகிறார்கள்.

மேலும் ஒரு பேட்டியில் அழகிரி குறித்து ஸ்டாலினிடம் கேட்டதற்கு அவர் என் அண்ணன் என பதிலளித்தது கவனம் பெற்றது.

ஸ்டாலின் டிக் அடித்த அதிகாரிகள்: வெளியான முக்கியமான லிஸ்ட்!

இந்நிலையில் ஸ்டாலின் நாளை முதல்வராக பதவியேற்கும் நிலையில் அவருக்கு பல்வேறு தரப்பினரும் வாழ்த்து தெரிவித்து வருகின்றனர். தற்போது அழகிரி, “முதலமைச்சராக பதவி ஏற்கும் என் தம்பி மு.க.ஸ்டாலினுக்கு மனமார்ந்த வாழ்த்துகள். என் தம்பி பதவியேற்பதில் பெருமை அடைகிறேன்” என்று தெரிவித்துள்ளார்.



Thanks for the source

Share on Social Media

Leave a Reply

Your email address will not be published. Required fields are marked *