Share on Social Media


தமிழகத்தில் சட்ட சபை தேர்தலை எதிர்கொள்ள ” வெற்றி நடை போடும் தமிழகம்” என்ற பெயரில் தேர்தல் பிரச்சாரத்தை தொடங்கியுள்ளார் முதல்வர் பழனிசாமி. இந்த பக்கம், அதிமுகவை நிராகரிப்போம், விடியலை நோக்கி ஸ்டாலின் குரல் என்ற பெயரில் கிராம சபை கூட்டங்களை நடத்தி வருகிறார் திமுக தலைவர் ஸ்டாலின்.

இந்த நிலையில் அதிமுகவின் முதல்வர் வேட்பாளராக அறிவிக்கப்பட்டவரும், தற்போதையை முதல்வருமான எடப்பாடி பழனிசாமிக்கு கிளி ஜோதிடம் பார்த்துள்ளார் போக்குவரத்துறை அமைச்சர் எம்ஆர் விஜயபாஸ்கர்.

கரூர் மாவட்டம் வெள்ளியணை ஊராட்சியில் தமிழக சுற்றுலாத்துறை சார்பில் பொங்கல் விழா நடைபெற்றது. அந்த விழாவுக்கு தமிழக போக்குவரத்துத்துறை அமைச்சர் எம்ஆர் விஜயபாஸ்கர் கலந்துகொண்டார். அப்போது அங்கு வந்திருந்த கிளி ஜோதிடரிடம், அடுத்த முதல்வரும் எடப்பாடி பழனிசாமிதானா என்று பார்த்து சொல்லுங்கள் என்றார் அமைச்சர்.

தா.மா.கா துணைத் தலைவர் ஞானதேசிகன் காலமானார்!

அப்போது, கிளி எடுத்த சீட்டில் சிவன், பார்வதி, முருகன், விநாயகர் ஆகியோர் அடங்கிய படம் வந்தது. இதனையடுத்து, குடும்பப்படமே வந்துள்ளதால் வரும் தேர்தலிலும் எடப்பாடி பழனிசாமியே முதல்வராக வருவார் என ஜோதிடர் கூறினார். இதனால் பரவசம் அடைந்த அமைச்சரும், தொண்டர்களும் முதல்வர் பழனிசாமி வாழ்க என்று உற்சாக கோஷமிட்டனர்.

ஒருவேளை இந்த நான்கு பேருடைய புகைப்படம் கொண்ட தனித்தனி சீட்டில் ஏதாவது ஒன்று வந்திருந்தால் ஜோதிடர் என்ன சொல்லியிருப்பார் என்று அங்கிருந்தவர்கள் முணுமுணுத்தனர்.



Thanks for the source

Share on Social Media

Leave a Reply

Your email address will not be published. Required fields are marked *