Share on Social Media


அமெரிக்காவின் 46ஆவது அதிபராக ஜோ பைடன் நேற்று பதவியேற்றுக்கொண்டார். இதை முன்னிட்டு டொனால்ட் ட்ரம்ப் நேற்று வெள்ளை மாளிகையில் இருந்து வெளியேறினார்.

இந்நிலையில், டொனால்ட் ட்ரம்ப் அரசில் இருந்த முக்கிய உயரதிகாரிகளுக்கு தடை விதிக்க சீனா முடிவு செய்துள்ளது. ட்ரம்ப் நிர்வாகத்தில் அமெரிக்க அரசு செயலாளராக இருந்த மைக் பாம்போ, தொடர்ந்து சீனாவை கடுமையாக சாடி, சீனாவை தனிமைப்படுத்த முயற்சித்தார்.

தற்கொலை படையினரின் திடீர் தாக்குதல்.. வெடித்து சிதறிய மக்கள்.. அதிர்ந்துபோன ராணுவம்!
இப்போது ட்ரம்ப் ஆட்சியை விட்டு வெளியேறியுள்ள சூழலில், மைக் பாம்போ உள்பட ட்ரம்ப் நிர்வாகத்தை சேர்ந்த 28 உயர் அதிகாரிகளுக்கு தடை விதிக்க சீனா முடிவு செய்துள்ளது. சீனா மீது வெறுப்புடன் செயல்பட்ட காரணத்துக்காக அவர்கள் மீது தடை விதிக்கப்படுவதாக சீன அரசு தெரிவித்துள்ளது.

இதுகுறித்து சீன வெளியுறவு துறை அமைச்சகத்தின் செய்தித்தொடர்பாளர் ஹுவா சுன்யிங் செய்தியாளர்களிடம் பேசியபோது, “டொனால்ட் ட்ரம்ப் அரசு பல்வேறு அடிப்படை தவறுகளை செய்துள்ளது. இதனால் அமெரிக்க-சீன உறவு கடுமையாக பாதிக்கப்பட்டுள்ளது.

இதன் விளைவாக, சீனாவின் இறையாண்மையையும், பாதுகாப்பையும், வளர்ச்சி நலன்களையும் காப்பதற்கு சீன அரசு உறுதியாக இருக்கிறது. சில அதிகாரிகளின் முட்டாள்தனமான நடவடிக்கைகளால் இரு நாடுகளுக்கும் இடையேயான உறவு பாதிக்கப்பட்டுள்ளது.

80379954 Tamil News Spotபதவியேற்பு விழா: கமலா ஹாரிஸ் அணிந்திருந்த ஊதா நிறா கோட்டின் பின்னணி தெரியுமா?
இவர்களும், இவர்களது குடும்பத்தினரும் சீனா மற்றும் ஹாங் காங்கிற்குள் நுழைய தடை விதிக்கப்படுகிறது. அவர்களது நிறுவனங்கள், அவர்களுடன் தொடர்புடைய நிறுவனங்கள் சீனாவில் தொழில் செய்ய தடை விதிக்கப்படுகிறது” என்று தெரிவித்துள்ளார்.

அமெரிக்க அரசின் முன்னாள் செயலாளர் மைக் பாம்போ மட்டுமல்லாமல், ராபர்ட் ஓபிரயன், பீட்டர் நவரோ, டேவிட் ஸ்டில்வெல், மேத்தியூ பாட்டிங்கர் உள்பட 28 அதிகாரிகளுக்கு சீனா தடை விதித்துள்ளது.



Source link

Share on Social Media

Leave a Reply

Your email address will not be published. Required fields are marked *