Share on Social Media

ஒரு மனிதனுக்கு உடல் மற்றும் மனம் இது இரண்டுமே ஆரோக்கியமாக இருக்க வேண்டும். இரண்டும் ஒன்றோடு ஒன்று தொடர்புடையதாக உள்ளது. ஒரு மனிதனுக்கு இவை இரண்டில் ஏதாவது ஒன்றில் பாதிப்பு ஏற்பட்டாலும் அது மற்றொன்றையும் பாதிக்கும். எனவே உடல்நலம் மன நலம் இரண்டுமே மனிதனுக்கு முக்கியமானதாக இருக்கிறது.

​மனநலத்துக்கு முதலுதவி

முதலுதவி கருவிகளை நாம் அனைவரும் கேள்விப்பட்டிருப்போம். அவை உடல் காயங்களுக்கு உடனடி சிகிச்சை அளிப்பதற்காக உபயோகப்படுகின்றன. உதாரணமாக நீங்கள் உங்கள் விரல்களை வெட்டி கொண்டாலோ அல்லது உங்கள் முழங்காலில் காயம் ஏற்பட்டாலோ இந்த முதலுதவி கருவிகள் உங்களுக்கு உதவும். அதை எப்படி செய்வது என்பது அனைவருக்கும் தெரியும்.

ஆனால் அதே போல நமது மன நலத்திற்கும் முதலுதவி அவசியம் என உங்களுக்கு தெரியுமா? அதுவும் உங்களுக்கு தேவைப்படும். பல மன நல நிபுணர்களின் கூற்றுப்படி மன நலத்திற்கு முதலுதவி என்பது மிகவும் அவசியமாகும். அதற்காக நீங்கள் உங்கள் முதலுதவி பெட்டியில் சில பொருட்களை வைத்திருக்க வேண்டும். அவை என்ன என்பதை கண்டறிய உற்சாகமாக இருக்கிறீர்களா? அவற்றை இப்போது பார்ப்போம்.

​ஓடுவதற்கு உதவும் காலணிகள்

samayam tamil Tamil News Spot

சில உடற்பயிற்சிகள் மன ஆரோக்கியத்திற்கு உதவுகின்றன. ஷூக்கள் நம் மன ஆரோக்கியத்திற்கு உதவுகின்றன. ஆம் குழு உடற்பயிற்சி மன ஆரோக்கியத்திற்கு உதவக்கூடிய விஷயமாகும். லேசான மற்றும் மிதமான மன சோர்வை கையாள்வதில் இது பயனுள்ளதாக இருக்கும் என ஆராய்ச்சிகள் கூறுகின்றன.

நீங்கள் ஒரு ஓட்டபந்தயத்திற்கு செல்லலாம். நடனமாடலாம் அல்லது ஏரோபிக் உடற்பயிற்சியை செய்யலாம். இந்த பயிற்சிகள் அனைத்தும் மனசோர்வுடன் தொடர்புடைய எதிர்மறை எண்ணங்களை உடைக்க உதவுகின்றன.

​ஹெட்ஃபோன்

samayam tamil Tamil News Spot

நமது மனநிலையை மாற்றி அமைப்பதில் இசைக்கு முக்கியமான இடமுண்டு. நாம் அனைவருக்கும் இசை நமது வாழ்வில் எத்தனை பெரிய இடத்தை கொண்டுள்ளது என்பது தெரியும். எனவே உங்களுக்கு பிடித்த பாடல்களின் பட்டியலை உருவாக்கி வைத்து கொள்ளவும். இந்த இசை சிகிச்சை கண்டிப்பாக மன சோர்வை சமாளிப்பதற்கான சிறந்த வழியாகும். இதன் மூலம் நீங்கள் உங்கள் தொழில் மற்றும் உறவுகளின் மீது ஈடுப்பாடு காட்டுவதற்கு வாய்ப்பு உள்ளது. மனிதன் கண்டுப்பிடித்த கண்டுப்பிடிப்புகளில் மிகவும் தொன்மையான ஒன்று இசை. ஆதிக்காலம் முதலே மகிழ்ச்சியை வெளிப்படுத்த நாம் இசையை பயன்படுத்தியுள்ளோம். அதன் அர்த்தம் என்னவெனில் இசை நமக்கு மகிழ்ச்சியை அளிக்கிறது.

​விரும்பும் நபர்களிடம் தொலைபேசியில் பேசுதல்

samayam tamil Tamil News Spot

வலுவான ஒரு உறவும் ஆதரவும் கிடைப்பதே வாழ்வில் மிக முக்கியமான விஷயமாக உள்ளது. உங்கள் மன நல முதலுதவி பெட்டியில் ஒரு பகுதியாக உங்களுக்கு பிடித்த உறவுகளின் எண்களை வைத்துக்கொள்ளுங்கள். உங்களுக்கு தோன்றும்போது உங்கள் அழைப்பேசியை எடுத்து உங்கள் நண்பர்களுடன் பேசலாம் என்பதை அது உங்களுக்கு நினைவூட்டும்.

உங்கள் நண்பர் உங்களை சந்திக்க தயாராக இருக்கும் பட்சத்தில் நீங்கள் அவரை சந்திக்கலாம். நீங்கள் அவர்களுடன் ஒரு நாளை கழிக்க திட்டமிடலாம். அது உங்களுக்கு மன அமைதியை வழங்கும்.

​அத்தியாவசிய எண்ணெய்கள்

samayam tamil Tamil News Spot

எண்ணெய்க்கும் மன நலத்திற்கும் என்ன தொடர்பு அதை வைத்து என்ன செய்வது என நீங்கள் சிந்திக்கலாம். இதற்கு விடை காண முதலில் நீங்கள் அதை பயன்படுத்தி பார்க்க வேண்டும். உங்களுக்கு பிடித்த வாசனை எண்ணெயை வாங்கி கொள்ளுங்கள். நீங்கள் குளிக்கும்போது அதை நீங்கள் குளிக்கும் நீரில் சேர்க்கலாம். அதே போல வாசனை மெழுகுவர்த்திகள் அல்லது வேறு எதாவது வாசனை வஸ்துக்களையும் நீங்கள் பயன்படுத்தலாம்.

இவை உங்கள் மன அழுத்தத்தை வெகுவாக குறைப்பதற்கு சிறந்த வழியாகும். ஆனால் இந்த முறையை நீங்கள் பழக்கப்படுத்திக்கொண்டால் பிறகு இதில் இருந்து வெளியே வர முடியாது.

​ஒரு டைரி மற்றும் பேனா

samayam tamil Tamil News Spot

இது மன நலத்திற்கான ஒரு பழைய முறையாகும். ஆனால் எப்போதும் இது உங்கள் மன நல முதலுதவி பெட்டியில் இருக்க வேண்டியது முக்கியமாகும். இது உங்கள் மன நலத்திற்கு உதவ கூடிய முக்கியமான விஷயமாகும். ஒவ்வொரு முறை நீங்கள் எதிர்மறையாக உணரும்போதும் உங்கள் பிரச்சனைகளை அந்த டைரியில் எழுதுங்கள்.

நீங்கள் எப்படி உணர்கிறீர்கள் என உங்களை நீங்களே அடையாளம் கண்டுக்கொள்ள இது உதவும். நீங்கள் அதிக வேலை செய்யும்போது அது உங்களுக்கு விரக்தியை ஏற்படுத்துகிறது எனில் அதை உங்கள் டைரியில் எழுதுங்கள்.

இதன் மூலம் வாழ்வில் எந்தெந்த விஷயங்கள் உங்களுக்கு மன சோர்வை ஏற்படுத்துகின்றன என்பதை உங்களால் கண்டுக்கொள்ள முடியும். உங்கள் வேலை நேரங்களில் சிறிது இடைவெளி எடுத்துக்கொள்ளுங்கள். உங்களுக்கு மன சோர்வு ஏற்படுத்தும் விஷயங்களில் இருந்து முடிந்த அளவு விலகி இருங்கள்.

Thanks for the Source

Share on Social Media

Leave a Reply

Your email address will not be published. Required fields are marked *