Share on Social Media

இரவில் தூக்கமின்றி நீங்கள் அவஸ்தைப்பட்டால் அதற்கு மெலடோனின் அளவு குறைவாக இருப்பதே காரணம் ஆகும். அதற்காக மெலடோனின் அதிக அளவில் நீங்கள் எடுத்துக் கொள்ளவும் கூடாது. அப்படி நீண்ட நாட்கள் நீங்கள் மெலடோனின் மாத்திரையை அதிக அளவில் எடுத்துக் கொண்டால் அது பல கடுமையான பக்க விளைவுகளை ஏற்படுத்தும்.

​மெலடோனின் என்றால் என்ன?

மெலடோனின் என்பது ஒரு ஹார்மோன் ஆகும். நமது உடலின் ஜெட்-லாக்கை கையாண்டு ஒழுங்குபடுத்துவதே இந்த ஹார்மோனின் பணியாகும். அதாவது உடலின் உள் கடிகாரத்தை ஒழுங்குபடுத்துவதாகும். இது பெரும்பாலும் தூக்க சுழற்சியில் ஏற்படும் பாதிப்பை சரி செய்ய உதவும். அதுமட்டுமின்றி அன்றாட கால அட்டவணையில் ஏற்படும் மாற்றத்தை சரி செய்யவும், தூக்கமின்மையை குறைக்கவும் உதவும். தூக்கமின்மையை சந்திக்கும் மக்கள் மெலடோனின் நிறைந்த மாத்திரைகளை எடுத்துக் கொள்வது பொதுவானது. இந்த முறை உங்களின் தூக்கமின்மையை சரி செய்வதற்கான தற்காலிக முறையாகும். மெலடோனின் மாத்திரை எடுத்துக் கொள்வதோடு அவர்கள் தங்கள் தூக்க முறையில் மாற்றங்களை செய்தால் மட்டுமே இது பயனளிக்கும்.

​மருத்துவ ஆலோசனை

samayam tamil Tamil News Spot

நீங்கள் மெலடோனின் எடுத்துக் கொள்ள வேண்டும் என்று விரும்பினால், அதுகுறித்து உங்கள் மருத்துவரிடம் ஆலோசனை செய்ய வேண்டும். பெரும்பாலும் மெலடோனின் குறித்த ஆலோசனைகளுக்கு 1௦ மில்லிகிராம் வரை மட்டுமே இரவில் எடுத்துக் கொள்ள வேண்டும் என்று மருத்துவர்கள் பரிந்துரைக்கின்றனர். இதனை ஒன்று முத்தம் நான்கு வாரங்கள் மட்டுமே எடுத்துக் கொள்ள வேண்டும். அதற்குப் பிறகு நிறுத்தி விட வேண்டும்.

​மெலடோனின் அதிகரிப்பால் ஏற்படும் பக்க விளைவுகள்

samayam tamil Tamil News Spot

நீங்கள் உங்களுக்கு பரிந்துரைக்கப்பட்ட அளவை விட அதிக அளவில் மெலடோனின் எடுத்துக் கொண்டால் அதன் மூலம் பல பிரச்சனைகள் உங்களுக்கு ஏற்படும். அதாவது 10 மில்லிகிராம் அளவை தாண்டி நீங்கள் மெலடோனின் எடுத்துக் கொண்டால், விழித்திருக்கும் போதும் நீங்கள் அதிக மயக்கத்தை அனுபவிப்பீர்கள். அதுமட்டுமின்றி, சிலருக்கு இரத்த உறைவு மற்றும் உடல் வெப்பநிலை குறைதல் போன்ற பிரச்சனைகள் ஏற்படுவதற்கான வாய்ப்புகள் உள்ளன. மெலடோனினை அதிக அளவில் உட்கொண்டால் அது உங்களது சிறுநீரகம் அல்லது கல்லீரலில் பாதிப்பை ஏற்படுத்தக் கூடும் என்று விஞ்ஞானிகள் கூறுகின்றனர்.

​உருவாக்குவது எப்படி

samayam tamil Tamil News Spot

மெலடோனின் எடுத்துக் கொள்வது பற்றி நீங்கள் கவலை கொள்பவர் என்றால், அதனை இயற்கை முறையிலே அதிகரிக்க செய்யலாம். அது எப்படி என்றால், நீங்கள் உறங்கச் செல்லும் முன் குறைந்தது 30 நிமிடங்கள் உங்கள் தொலைபேசி, கணினி மற்றும் தொலைக்காட்சியை பார்ப்பதையும், பயன்படுத்தவும் கூடாது. இந்த கெட்ஜெட்டுகள் மூலம் வரும் செயற்கை ஒளி மெலடோனின் சுரைப்பை குறைக்கும். அதனால் அதனை பயன்படுத்தாமல் இருந்தால் இயற்கையாகவே மெலடோனின் சரியான அளவில் சுரக்கும். குறிப்பாக மெலடோனின் மருந்து எடுத்துக் கொள்வோர் அதனை சரியான அளவில் தான் எடுத்துக் கொள்கிறீர்களா என்பதை உறுதிப்படுத்திக் கொள்ளுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *