Share on Social Media


பட்டியலின சமூகத்தை சேர்ந்த மக்க குறித்து மிகவும் பேசி சர்ச்சைகளை கிளப்பிய நடிகை மீரா மிதுன் மீது வன்கொடுமை தடுப்புச் சட்டம் உள்ளிட்ட 7 பிரிவுகளின் கீழ் வழக்குப்பதிவு செய்திருந்தனர் காவல்துறையினர். இந்த விவகாரம் தொடர்பாக அவரை நேரில் ஆஜராகும் படி கடந்த சில தினங்களுக்கு முன்பு சம்மன் அனுப்பி இருந்தனர் போலீசார். இந்நிலையில் இந்த விவகாரத்தில் தலைமறைவாக இருந்த மீரா மிதுனை திருவனந்தபுரத்தில் வைத்து சென்னை சைபர் கிரைம் போலீஸார் அதிரடியாக கைது செய்துள்ளனர்.

சூப்பர் மாடல் மாடல் என கூறி கொண்டு அடிக்கடி சர்ச்சை கூறிய கருத்துக்களை கூறி பரபரப்பை ஈர்படுத்துபவர் மீரா மிதுன். இவர் ஒரு சில படங்களில் நடித்திருந்தாலும் இவருக்கு மிகப்பெரிய ஊடக வெளிச்சத்தை ஏற்படுத்திக் கொடுத்தது என்னவோ விஜய் தொலைக்காட்சியில் ஒளிபரப்பான பிக்பாஸ் நிகழ்ச்சி தான். இந்த நிகழ்ச்சியில் நடிகரும், இயக்குனருமான சேரன் குறித்து அவதூறு கருத்துகளை கூறி மக்களிடம் வாங்கி கட்டி கொண்டார்.

அதனை தொடர்ந்து பிக்பாஸ் விட்டு வெளியே வந்த மீரா மிதுன் நடிகர்கள் கமல்ஹாசன், விஜய், சூர்யா குறித்தும் அவர்களது குடும்பம் குறித்தும் மிகவும் ஆபாசமாக பேசி சர்ச்சைகளை கிளப்பினார். இந்நிலையில் கடந்த சில தினங்களுக்கு முன்பாக வீடியோ ஒன்று வெளியிட்டு அதில் பட்டியலின சமூகத்தினர் குறித்து மிக இழிவாக பேசியிருந்தார் மீரா மிதுன். பட்டியலின சமூகத்தை சார்ந்த இயக்குனர்கள், திரை பிரபலங்கள் தன்னுடைய முகத்தை பயன்படுத்துவதாகவும், இவர்களை எல்லாம் சினிமாவை விட்டு துரத்த வேண்டும் என்றும் அவதூறாக பேசியிருந்தார். அவரின் இந்த பேச்சுக்கு சமூக வலைத்தளத்தில் கடும் கண்டனங்கள் எழுந்தன.

பட்டியலின மக்களை இழிவாக பேசிய விவகாரம்: விரைந்து நடவடிக்கை எடுத்த சைபர் கிரைம் போலீசார்!
இந்நிலையில் கடந்த சில தினங்களுக்கு முன்பாக இந்த விவகாரம் தொடர்பாக மீரா மிதுனை நேரில் ஆஜராக உத்தரவிட்டிருந்தனர் சென்னை மத்திய குற்றப்பிரிவு சைபர் கிரைம் போலீசார். அதனை தொடர்ந்து இதுதொடர்பாக வீடியோ வெளியிட்ட மீரா மிதுன், தாராளமாக என்னை கைது செய்யுங்கள். ஏன் காந்தி , நேரு எல்லாம் சிறைக்கு போகவில்லையா? என்னை கைது செய்வது என்பது நடக்காது. அப்படி நடந்தால் அது உங்கள் கனவில் தான் நடக்கும். ஒரு சக்சஸ்புல் பெண்ணுக்கு இந்த சமூகத்தில் பாதுகாப்பு இல்லையா என்றெல்லாம் வாய்க்கு வந்தபடி திமிராக பேசியிருந்தார் மீரா மிதுன்..

இந்நிலையில் இந்த விவகாரம் தொடர்பாக கேரளாவில் தலைமறைவாக இருந்த மீரா மிதுனை சென்னை சைபர் க்ரைம் போலீசார் அதிரடியாக கைது செய்துள்ளனர். போலீசார் கைது செய்ய முயன்ற போது அழுது கத்தி ஆர்பாட்டம் செய்துள்ளார் மீரா மிதுன். ஆனால் இதற்கெல்லாம் மசியாத போலீசார் அவரை சுற்றி வளைத்து கைது செய்துள்ளனர்.

பட்டியலின சமூகத்தினர் குறித்து இழிவாக பேசிய விவகாரத்தில் மீரா மிதுன் மீது, வன்கொடுமை தடுப்புச் சட்டம், கலகம் செய்ய தூண்டிவிடுதல், சாதி மதம் குறித்துப் பேசி கலகம் செய்ய முயற்சித்தல் உட்பட ஏழு பிரிவுகளின் கீழ் வழக்கு பதிவு செய்யப்பட்டுள்ளது. கேரளாவில் கைது செய்யப்பட்டுள்ள மீரா மிதுன் இன்று இரவிற்குள் சென்னை அழைத்து வரப்பட உள்ளார். இந்நிலையில் தன்னை கைது செய்வது கனவில் தான் நடக்கும் என பில்டப் செய்த மீரா மிதுன் தற்போது கைது செய்யப்பட்டிருப்பதை இணையத்தில் ட்ரோல் செய்து வருகின்றனர் நெட்டிசன்கள்.



Source link

Share on Social Media

Leave a Reply

Your email address will not be published. Required fields are marked *