Share on Social Media


தமிழ் சினிமா நடிகர், நடிகைகள், இயக்குனர்கள் குறித்து அவதூறாக பேசி சர்ச்சைகளை கிளப்புபவர் மீரா மிதுன். இவர் அண்மையில் பட்டியலின சமூகத்தை சேர்ந்தவர்கள் மிக இழிவாக பேசிய விவகாரம் தொடர்பாக கைது செய்யப்பட்டார். இந்நிலையில் அண்மையில் இந்த வழக்கில் இருந்து ஜாமீனில் வெளிவந்த மீரா மிதுனுக்கு நீத்மன்றம் மீண்டும் சம்மன் அனுப்பியுள்ளது.

மாடலான மீரா மிதுன் ஒரு சில படங்களில் நடித்திருந்தாலும் இவருக்கு மிகப்பெரிய ஊடக வெளிச்சத்தை ஏற்படுத்திக் கொடுத்தது என்னவோ விஜய் தொலைக்காட்சியில் ஒளிபரப்பான பிக்பாஸ் நிகழ்ச்சி தான். இந்த நிகழ்ச்சிக்கு முன்பாகவே அழகிப் போட்டி என்ற பெயரில் பல்வேறு நபர்களிடம் பணம் வாங்கி மீரா மீதுன் ஏமாற்றியதாக தொழிலதிபரான ஜோ மைக்கல் என்பவர் குற்றம் சாட்டி இருந்தார். இது தொடர்பாக மீரா மீது காவல் நிலையத்தில் பல புகார்களும் உள்ளன.

இந்நிலையில் பட்டியலினத்தவர் குறித்து அவதூறாக பேசி மீரா மிதுன் வெளியிட்ட வீடியோ பெரும் சர்ச்சைகளை ஏற்படுத்தியது. இதுதொடர்பாக அவர் மீது விடுதலை சிறுத்தைகள் கட்சி உள்ளிட்ட பல்வேறு அமைப்புகள் காவல்துறையில் புகார் அளித்தனர். இந்த புகாரின் அடிப்படையில் வன்கொடுமை தடுப்பு சட்டம், கலகத்தை தூண்டுதல் உள்ளிட்ட 7 பிரிவுகளின் கீழ் வழக்கு பதிவு செய்தனர்.
‘வெந்து தணிந்தது காடு’ அப்டேட்: அடுத்த கொண்டாட்டத்திற்கு தயாராகுங்க சிம்பு ரசிகர்களே..!
இந்த விவகாரத்தில் கடந்த ஆகஸ்ட் 14 தேதி மீரா மிதுன் மற்றும் அவரது ஆண் நண்பர் சாம் அபிஷேக் இருவரும் கைது செய்யப்பட்டனர். பின்னர் கோர்ட்டில் ஆஜர் படுத்தப்பட்டு, புழல் சிறையில் மீரா மிதுன் அடைக்கப்பட்டார். பட்டியலின மக்களுக்கு எதிராக பேசியதற்கு பல்வேறு தரப்பில் இருந்தும், எதிர்ப்புகள் கிளம்பிய நிலையில் தன்னுடைய தவறுக்காக, மன்னிப்பும் கேட்டார்.

ஆனாலும் பலமுறை இவரின் ஜாமீன் மனு தள்ளுபடி செய்யப்பட்டது. இறுதியாக கடந்த செப்டம்பர் 22 ஆம் தேதி மீரா மிதுனுக்கும், அவரது நண்பர் சாம் அபிஷேக்கும் நிபந்தனை ஜாமீன் வழங்கப்பட்டது. இந்நிலையில் தற்போது டிசம்பர் 17 ஆம் தேதி மீரா மிதுன் மற்றும் அவரது நண்பரை சென்னை முதன்மை அமர்வு நீதிமன்றத்தில் நேரில் ஆஜராக கூறி சம்மன் அனுப்பப்பட்டுள்ளது.

எல்லாருக்கும் ஹாய்; சாரா அலிகானின் வைரல் வீடியோ!



Source link

Share on Social Media

Leave a Reply

Your email address will not be published. Required fields are marked *