Share on Social Media


ஹைலைட்ஸ்:

  • 2017 ஆம் ஆண்டு வெளியான பேண்டசி திரைப்படம் மரகத நாணயம்.
  • மரகத நாணயம் இரண்டாம் பாகம் உருவாக உள்ளதாக டில்லி பாபு தகவல்.
  • சத்ய ஜோதி பிலிம்ஸ் தயாரிப்பில் படம் இயக்குகிறார் ஏ.ஆர்.கே.சரவணன்.

நடிகர் ஆதி, நடிகை நிக்கி கல்ராணி நடிப்பில் 2017 ஆம் ஆண்டு வெளியாகி சூப்பர் ஹிட்டடி திரைப்படம் மரகத நாணயம். காமெடி பேண்டசி ஜானரில் உருவான இந்த திரைப்படத்தை சரவணன் என்பவர் எழுதி இயக்கியிருந்தார். டில்லிபாபு தயாரிப்பில், திபு நினன் தாமஸ் இசையில் டிவி சங்கர் இந்த படத்தை ஒளிப்பதிவு செய்திருந்தார். இந்நிலையில் இந்த படத்தின் இரண்டாம் பாகம் உருவாக உள்ளதாக தகவல்கள் வெளியாகியுள்ளன.

பேண்டசி கதைகளத்துடன் காமெடியை இணைத்து உருவான இந்த திரைப்படத்தில் நடிகர் ஆனந்த் பாபு, முனிஸ்காந்த், டேனியல், அருண்ராஜா காமராஜ், கோட்டா சீனிவாசராவ் உள்ளிட்ட பலர் நடித்திருந்தனர். வித்தியாசமான கதைகளத்துடன் நகைச்சுவைக்கு முக்கியத்துவம் கொடுத்து வெளியான இந்த திரைப்படம் விமர்சனம் மற்றும் வசூல் ரீதியாக ரசிகர்களிடம் பெரும் வரவேற்பை பெற்றது.
அனைத்து மதங்களின் பொறுக்கிகளுக்கும் ஒரே எடைக்கல்தான்: பாடலாசிரியர் தாமரையின் காரசார பதிவு!
‘மரகத நாணயம்’ படத்துக்குப் பிறகு ஏ.ஆர்.கே.சரவணன் இன்னும் எந்தவொரு படத்தையும் இயக்கவில்லை. இந்நிலையில், ட்விட்டரில் பிரபலமாகி வரும் ஸ்பேஸ் உரையாடல் நிகழ்ச்சியில் கலந்து கொண்டார் தயாரிப்பாளர் டில்லி பாபு. அப்போது ‘மரகத நாணயம்’ திரைப்படம் குறித்துப் பேசும்போது, அந்தப் படத்தின் 2-ம் பாகம் பேச்சுவார்த்தையில் இருப்பதை தெரிவித்தார். மேலும் அதற்கான பணியில் இயக்குனர் ஏ.ஆர்.கே.சரவணன் ஈடுபட்டு வருவதாகவும் தெரிவித்தார்.

இதனால் ரசிகர்களும், சினிமா பிரபலங்களும் இயக்குனர் ஏ.ஆர்.கே. சரவணன் வாழ்த்து தெரிவித்து வந்தனர். இந்நிலையில், ‘மரகத நாணயம் 2‘ திரைப்படத்திற்கு முன்பாக தான் வேறொரு படம் இயக்கவுள்ளதாக தெரிவித்துள்ளார் சரவணன். இது தொடர்பாக அவர் தனது முகப்புத்தகத்தில் பதிவு ஒன்றை பகிர்ந்துள்ளார்.

அதில், ‘மரகத நாணயம்’ இரண்டாம் பாகத்திற்கான கதைக்கருவைத் தயாரிப்பாளர் டில்லிபாபு சாரிடம் கூறியிருக்கிறேன். அதற்கு முன்பு சத்யஜோதி பிலிம்ஸ் நிறுவனத்துடன் விரைவில் ஒரு படத்தைத் துவங்கவுள்ளேன். இவற்றையெல்லாம் விட, கொரோனாவின் பிடியிலிருந்து தமிழகம் விரைவில் மீண்டெழ வேண்டும் என்பதே என் வேண்டுதல்கள்’ என தன்னுடைய பதிவில் குறிப்பிட்டுள்ளார் ஏ.ஆர்.கே. சரவணன்.



Source link

Share on Social Media

Leave a Reply

Your email address will not be published. Required fields are marked *