Share on Social Media


ஆண்டுதோறும் இந்தியாவில் உள்ள மக்கள் தொகையில் பெரும்பகுதியினர் மஞ்சள் காமாலை நோயால் பாதிக்கப்படுகின்றனர். மஞ்சள் காமாலை ஏற்படுவதைத் தடுக்கக்கூடிய தடுப்பூசிகள் எதுவும் இதுவரை இல்லை. பெரியவர்களைவிட அதிக அளவில் குழந்தைகள் தான் மஞ்சள் காமாலையால் பாதிக்கப்படுகின்றனர். குழந்தைகளுக்கு ஏற்படும் மஞ்சள் காமாலை மிகவும் ஆபத்தானது.

பெரும்பாலான மருத்துவர்கள் மஞ்சள் காமாலை ஒரு நோயல்ல, உடலின் வளர்சிதை மாற்றத்தின் இயல்பான செயல்பாட்டைத் தடுக்கும் ஒரு அறிகுறி என்று கூறுகின்றனர். இப்படிப்பட்ட மஞ்சள் காமாலையால் இறப்புகூட ஏற்படும். மஞ்சள் காமாலையின் அறிகுறிகள் பற்றித் தெரிந்து கொள்வோம் வாங்க.

​மஞ்சள் காமாலை என்றால் என்ன ?

மஞ்சள் காமாலை என்பது சருமம் மற்றும் கண்ணின் வெள்ளைப் பகுதியில் மஞ்சள் அல்லது பச்சை நிறத்தை ஏற்படுத்தும் மருத்துவ நிலை ஆகும். மண்ணீரலில் இருக்கும் இரத்த சிவப்பணுக்கள் அழிக்கப்படும் போது பிலிரூபின் என்ற பொருள் உற்பத்தி ஆகிறது. இது மலம், சிறுநீர் வழியாக வெளியேற்றப்படும் பொருள். கல்லீரல் பாதிக்கப்பட்டாலோ, பித்தக்குழாயில் அடைப்பு ஏற்பட்டாலோ இந்த பிலிரூபின் உடலிலேயே தங்கி உடலில் மஞ்சள் நிறத்தை ஏற்படுத்தும். அதனால் சருமமும் கண்ணும் மஞ்சள் நிறமாக மாறியிருக்கும். இதனைத் தான் மஞ்சள் காமாலை என்கிறோம்.

​மஞ்சள் காமாலையின் அறிகுறிகள்

samayam tamil Tamil News Spot

மஞ்சள் காமாலைக்குப் பல பொதுவாக அறிகுறிகளும் தீவிர அறிகுறிகளும் உண்டாவதுண்டு. அதனை எளிதில் அடையாளம் கண்டுவிடலாம். அதன் அறிகுறிகள் என்னென்ன என்று பார்ப்போம் வாங்க.

தோல் மற்றும் கண் மஞ்சள் நிறமாக மாறுவது

மஞ்சள் காமாலையைக் கண்டறிவதற்கான அடிப்படையான மற்றும் முதன்மையான அறிகுறியே இதுதான். மஞ்சள் காமாலையின் மிகவும் பொதுவான அறிகுறிகளில் இதுவும் ஒன்று. தோல் மற்றும் கண் மஞ்சள் நிறமாக மாறுவது தான் இந்த நோயை எளிதில் கண்டறிய உதவியாக இருக்கும். ஏன் இந்த மஞ்சள் நிறம் ஏற்படுகிறது எனில், இரத்த ஓட்டத்தில் பிலிரூபின் என்னும் தன்மை அதிகமாக உள்ளதால் தான்.

நீங்க சைவமா?… உங்க புரோட்டீன் தேவையை நிறைவு செய்ய இந்த சூப்பர் உணவுகளை அதிகமா சாப்பிடுங்க…

​வாந்தி

samayam tamil Tamil News Spot

வாந்தி என்பது மஞ்சள் காமாலையின் மற்றொரு அறிகுறியாகும். இது நோயின் ஆரம்ப கட்டத்தில் ஏற்படும். இது குடல் இயக்கங்களைத் தடுப்பதோடு, அஜீரணத்திற்கும் வழிவகுக்கிறது. இதனால் அடிக்கடி வாந்தி ஏற்படும்.

வயிறு சம்பந்தப்பட்ட வேறு பிரச்சினைகளாலும் கூட வாந்தி ஏற்படுவதுண்டு. ஆனால் தொடர்ச்சயாக இரண்டு முதல் மூன்று நாட்களுக்கு மேல் வாந்தி பிரச்சினை இருந்தால் உடனே மருத்துவரை அணுகி மஞ்சள் காமாலை இருக்கிறதா என சோதித்துப் பார்த்துக் கொள்வது நல்லது.

​அதிக காய்ச்சல்

samayam tamil Tamil News Spot

காய்ச்சல் ஏற்படுவதும் மஞ்சள் காமாலையின் ஓர் அறிகுறியாகும். இதுமட்டும் மஞ்சள் காமாலையை கண்டறிய உதவாது. ஏனெனில், காய்ச்சல் பல நோய்களின் பொதுவான அறிகுறியாகும். அதிலும் குறிப்பாக பருவ காலங்களான மழை மற்றும் குளிர் காலத்தில் இலய்பாகவே குழந்தைகள் முதல் பெரியவர்கள் வரையிலும் காய்ச்சல் வந்து போவதுண்டு. அதனால் வெறும் காய்ச்சலை வைத்து மட்டும் அது மஞ்சள் காமாலையாக இருக்கலாம் என்று சந்தேகமோ பயமோ கொள்ளத் தேவையில்லை.

சிறுநீரில் கருமை நிறம்

நீங்கள் மஞ்சள் காமாலையால் பாதிக்கப்பட்டிருந்தால் சிறுநீர் கருமை நிறமாக மாறும் வாய்ப்புகள் உள்ளன. சிறுநீர்க்குழாய் வழியாக அதிகப்படியான பிலிரூபின் வெளியேற்றப்படுவதே இதற்குக் காரணம்.

இனி முடி நுனியை வெட்ட வேண்டாம்… இந்த எட்டுல ஒன்னு யூஸ் பண்ணுங்க… நுனி வெடிப்பு, முடி வறட்சி வரவே வராது…

​பசியின்மை

samayam tamil Tamil News Spot

மஞ்சள் காமாலையால் பாதிக்கப்படுகிறவர்கள் பசியின்மையால் அவதிப்படுவார்கள். மஞ்சள் காமாலை நோயால் ஏற்படும் பல்வேறு வயிறு தொடர்பான பிரச்சனைகள், மோசமான செரிமானப் பிரச்சினைகள் தான் இந்த பசியின்மைக்கு காரணம் ஆகும்.

மலத்தின் நிறத்தில் மாற்றம்

மஞ்சள் காமாலை நோய் வளர்ச்சியடைந்து அதன் தீவிரத் தன்மையை அடையும்போது கல்லீரல் வேலை செய்வதை முற்றிலுமாக நிறுத்தும் வாய்ப்புகள் உள்ளன. இதன் காரணமாக மலத்தின் மூலம் பிலிரூபின் வெளியேற்றம் நடைபெறாது. இதனால் மலத்தின் நிறத்தில் மாற்றம் ஏற்படும். சிலருக்கு கருமையாகக் கூடு மலம் வெளியேறும்.

​வயிற்று வலி

samayam tamil Tamil News Spot

கல்லீரல் இருக்கும் பகுதியில் ஏற்படும் வயிற்று வலி மஞ்சள் காமாலைக்கான மற்றொரு அறிகுறியாகும். பித்த நீர்க் குழாய்களின் அடைப்பு காரணமாகக் கல்லீரல் தீவிர அசௌகரியத்தை அனுபவிக்கும். இதனால் தான் அந்தப் பகுதியில் வலியும் அதிகமாக ஏற்படுகிறது. இதனை உணவால் மட்டுமே வந்த வலி என்று நினைத்து அஜாக்கிரதையாக இருக்க வேண்டாம். அப்படியே விட்டு விடக்கூடாது. இது சார்ந்த சிக்கல்களைத் தவிர்க்க உடனடியாக மருத்துவரைச் சந்திக்க வேண்டும்.

தினமும் ஒரு கைப்பிடி பச்சை கொத்தமல்லி சாப்பிடுங்க… இந்த பிரச்சினைலாம் சரியாயிடும்…

​அதீத எடை இழப்பு

samayam tamil Tamil News Spot

இயல்பானதைவிட அசாதாரணமான அளவில் ஏற்படும் எடை இழப்பும் மஞ்சள் காமாலையின் அறிகுறியாக இருக்கலாம். மஞ்சள் காமாலை ஏற்பட்டால் உணவுகளில் இருந்து போதுமான ஊட்டச்சத்துக்களைக் குடலால் உறிஞ்ச முடியாது. இதனால் வாந்தி மற்றும் பசியின்மை ஏற்படும். இதன் காரணமாக சாப்பிடும் உணவின் அளவும் குறையும். இதனால் உடல் எடை இழப்பு அதிக அளவில் இருக்கும்.



Source link

Share on Social Media

Leave a Reply

Your email address will not be published. Required fields are marked *