Share on Social Media


ஹைலைட்ஸ்:

  • கோலாலம்பூர் மெட்ரோ ரயில் விபத்தில் 200 பேர் காயம்
  • 47 பேருக்கு தீவிர படுகாயம் என தகவல்

மலேசிய தலைநகர் கோலாலம்பூரில் இரண்டு மெட்ரோ ரயில்கள் மோதிக்கொண்டதில் சுமார் 200 பயணிகள் காயமடைந்துள்ளதாக போலீசார் தெரிவித்துள்ளனர்.

நேற்று இரவு 9 மணிக்கு முன்பாக பெட்ரோனாஸ் டவருக்கு அருகே பாதாள வழித்தடத்தில் இரு மெட்ரோ ரயில்கள் மோதிக்கொண்டுள்ளன. இதில் ஒரு ரயில் காலியாகவும், இன்னொரு ரயில் பயணிகள் கூட்டத்துடனும் சென்றுள்ளன.

இரண்டு மெட்ரோ ரயில்களும் மோதிக்கொண்டதில் 200 பேர் காயமடைந்துள்ளனர். அதில் 47 பேர் தீவிர படுகாயமடைந்துள்ளதாக அதிகாரிகள் தெரிவித்துள்ளனர்.

நாடு முழுவதும் மீண்டும் முழு ஊரடங்கு: பிரதமர் தீவிர ஆலோசனை – விரைவில் அறிவிப்பு!
இதுகுறித்து மாவட்ட காவல்துறை தலைவர் முகமது ஜைனால் அப்துல்லா, “விபத்து குறித்து விசாரணை நடைபெற்று வருகிறது. ரயில் இயக்க கட்டுப்பாட்டு மையத்தில் ஏதேனும் குழப்பம் நேர்ந்திருக்கலாம் என சந்தேகிக்கிறோம். தவறான தகவல் பரிமாற்றத்தின் விளைவாக இச்சம்பவம் நடந்திருக்கலாம் என கருதுகிறோம்” என்று தெரிவித்துள்ளார்.

இரு ரயில்களும் விபத்துக்குள்ளானபோது மெதுவாகவே சென்றுகொண்டிருந்ததாக கூறப்படுகிறது. கோலாலம்பூரில் 23 ஆண்டுகளுக்கு முன் மெட்ரோ ரயில் சேவைகள் தொடங்கின. ஆனால், இத்தனை ஆண்டுகளுக்கு பின் இப்போதுதான் இவ்வளவு மோசமான விபத்து ஏற்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *