Share on Social Media


தமிழகத்தில் அடுத்த ஆண்டு நடைபெறவுள்ள சட்டமன்ற தேர்தலை ஒட்டி, நடிகர் கமல் ஹாசனின் மக்கள் நீதி மய்யம் கட்சி தீவிரமாக தயாராகி வருகிறது. எம்.ஜி.ஆரை முன்னிறுத்தி அவரது அரசியல் வாரிசு என்று கமல் ஹாசன் தன்னை முன்னிலைப்படுத்தி வருகின்றார். கடந்த மக்களவை தேர்தலில் குறிப்பிட்ட அளவு வாக்கு வங்கியை பெற்ற நம்பிக்கையில், அதனை அடுத்தகட்டத்திற்கு எடுத்துச் செல்ல மக்கள் நீதி மய்யம் செயல்பட்டு கொண்டிருக்கிறது. இதற்கிடையில் ரஜினியின் அரசியல் வருகை உறுதி செய்யப்பட்டிருக்கிறது.

அவருடன் இணைந்து தேர்தலை சந்திக்கத் தயார் என்று கமல் ஹாசன் கூறியிருக்கிறார். இதனால் இருவர் மீதான எதிர்பார்ப்பும் அதிகரித்துள்ளது. இந்நிலையில் மாநிலம் முழுவதும் ’சீரமைப்போம் தமிழகத்தை’ என்ற பிரச்சாரத்தை முன்னெடுத்து கமல் ஹாசன் தேர்தல் சுற்றுப்பயணம் மேற்கொண்டுள்ளார்.

எம்ஜிஆர் ஆட்சிக்கு என்ன தேவை? கமல், ரஜினிக்கு இந்த விஷயம் தெரியாதா?

இந்த சூழலில் மக்கள் நீதி மய்யம் கட்சியின் அரசியல் மேடையில் நடனக் குழுவினர் ’நான் சூடான மோகினி’ என்ற தமிழ் திரைப்படப் பாடலுக்கு ஆடிய நடனம் சர்ச்சையை ஏற்படுத்தியுள்ளது. இதனை வைரலாக்கி நடிகர் கமல் ஹாசன் கட்சியை நெட்டிசன்கள் கடுமையாக விமர்சித்து வருகின்றனர்.

அதாவது, தமிழகத்தில் மாற்றத்திற்கு ஏற்படுத்துவோம் என்று கூறும் கமல் ஹாசன், பிற கட்சிகளைப் போல் அரசியல் மேடைகளில் ஆடல், பாடல் என அதே பாணியைத் தான் கையிலெடுத்துள்ளார்.

இது வேணாம், விஷ பரீட்சைனு சொன்னோமே தலைவா: ரஜினி ரசிகாஸ்
முற்போக்கான விஷயங்களை மக்களுக்கு எடுத்துரைத்து தமிழக மக்களை அரசியல் அறிவு பெறச் செய்வது தானே சரியாக இருக்கும். அதைவிடுத்து பொழுதுபோக்கு அம்சம் என்ற பெயரில் இப்படி கேட்கவே கூச்சப்படும் வகையிலான பாடல்கள் அரசியல் மேடையில் எதற்காக? என்று பலரும் கேள்வி எழுப்பியுள்ளனர்.



Thanks for the source

Share on Social Media

Leave a Reply

Your email address will not be published. Required fields are marked *