Share on Social Media


பிரபல தெலுங்கு நடிகரும், மகேஷ்பாபுவின் தந்தையுமான நடிகர் கிருஷ்ணாவுக்கு நேற்றைய தினம் பிறந்தநாள். அவரது ஒவ்வொரு பிறந்த நாளின்போதும் மகேஷ்பாபு நடித்த படங்களின் போஸ்டர், டிரைலர்கள் வெளியாவது வழக்கம். இந்நிலையில் இந்த ஆண்டு கொரோனா பரவல் காரணமாக பிறந்தநாள் கொண்டாட்டங்கள் தவிர்க்கப்பட்டது. அதற்கு பதிலாக ஒரு கிராமத்திற்கான மருத்துவ செலவை ஏற்று கொண்டு வியக்க வைத்துள்ளார் நடிகர் மகேஷ் பாபு.

தெலுங்குத் திரையுலகின் முன்னணி நடிகர்களில் ஒருவரான மகேஷ் பாபுவிற்கு தமிழகம் மற்றும் கேரளத்திலும் இவருக்கு ரசிகர் கூட்டம் உள்ளது. இவரது திரைப்படங்களுக்கு என்றே தனி ரசிகர்கள் பட்டாளமும் உண்டு. தனிப்பட்ட முறையில் பல்வேறு நல திட்ட உதவிகளை செய்துவரும் மகேஷ் பாபு, ஹீல் எ சைல்ட் என்கிற அறக்கட்டளையுடன் இணைந்து இதுவரை 1000 குழந்தைகளுக்கு மேல் இதய அறுவை சிகிச்சைக்கு உதவியுள்ளார்.

ஆந்திரா மற்றும் தெலுங்கானாவில், முறையே புர்ரேபாலெம், சித்தாபுரம் ஆகிய கிராமங்களை மகேஷ் பாபு தத்தெடுத்து, அந்த கிராமத்திற்கு தேவையான அடிப்படை வசதிகளை செய்து கொடுத்து வருகிறார். அவருடைய ‘ஸ்ரீமந்துடு’ படத்தின் பிரம்மாண்ட வெற்றிக்குப் பிறகு, அந்த படத்தின் திரைக்கதை ஏற்படுத்திய தாக்கத்தால்தான் அவர் இந்த கிராமங்களை தத்தெடுத்தார் என்பது குறிப்பிடத்தக்கது.

தமிழ் சினிமாவின் முன்னணி இயக்குனர்கள் இணைந்துள்ள ‘விக்டிம்’ திரைப்படத்தின் ஸ்பெஷல் அப்டேட்!
இந்நிலையில் தன்னுடைய தந்தையின் 78 வது பிறந்தநாளை முன்னிட்டு, ஆந்திராவின் குண்டூர் மாவட்டத்திலுள்ள புர்ரிபாலம் கிராம மக்கள் அனைவருக்கும் மருத்துவமனைகளுடன் இணைந்து, தனது சொந்த செலவில் தடுப்பூசியை வழங்கி இருக்கிறார் மகேஷ் பாபு. கிராம மக்களும் ஆர்வமுடன் முகாமில் கலந்து கொண்டு தடுப்பூசி போட்டு கொண்டிருக்கின்றனர். இந்த நிகழ்வை, மகிழ்ச்சியுடன் தனது வலைத்தள பக்கத்தில் பகிர்ந்துள்ளார் மகேஷ் பாபு. அவரின் இந்த செயலுக்கு பலரும் பாராட்டுக்கள் தெரிவித்து வருகின்றனர்.



Source link

Share on Social Media

Leave a Reply

Your email address will not be published. Required fields are marked *