1602806180 pic Tamil News Spot
Share on Social Media

சன் டிவியில் ஒளிபரப்பாகி வரும் சீரியல் மகராசி. இது ஒரு மாறுபட்ட கதைகளத்தோடு அமைந்திருக்கும் குடும்பக் கதை. ஹரித்வாரில் தொடங்கிய சீரியல் சிதம்பரத்தில் தொடர்கிறது.

புவியும், பாரதியும் காதலித்து திருமணம் செய்து கொள்கிறார்கள். பாரதியின் சித்தப்பா செந்தூர்பாண்டியின் சதியால் இருவரும் பிரிய நேரிடுகிறது. பாரதியை கொல்ல ஆட்களை ஏவுகிறார் செந்தூர்பாண்டியன். அவர்களிடம் இருந்து தப்பி ரயிலில் ஏறிவிடுகிறாள். அந்த பயணம் அவளுடைய வாழ்க்கை பாதையை மாற்றி விடுகிறது.

பாரதி வந்து சேர்ந்த இடம் புவியின் வீடு என்று அவருக்கு அப்போது தெரியாது. புவியின் தம்பி மூலமாக மாமனார் வீட்டிற்குள் அடி எடுத்து வைக்கிறாள் பாரதி. அங்கே நிறைய வில்லிகள் இருக்கிறார்கள். குறிப்பாக கோமதியின் வில்லத்தனத்தை முறியடிக்கிறாள் பாரதி.

செந்தூர்பாண்டியன் பாரதியை கடத்த முயற்சி செய்ய அதை முறியடிக்கிறார் அவர். ஒரு வழியாக புவியும் வந்து அன்புவாக தனது சொந்த வீட்டிலேயே நடித்துக் கொண்டிருக்கிறார். வீட்டிற்குள் அன்பு என்று சொல்லி நடித்தாலும் தனது குடும்பத்தை சிக்கலில் இருந்து பார்த்துக் கொள்வது, பாரதியை தள்ளி நின்று சைட் அடிப்பதை தவறாமல் செய்கிறார். இதைப் பார்த்த கோமதிக்கு அன்பு மீது ஆத்திரம் வருகிறது.

எத்தனை நாளைக்குத் தான் அன்புவாக நடிப்பது புவியரசனாக வரக்கூடிய நேரம் வந்து விட்டது என்பதை உணர்ந்து ஒரு வீடியோவை தனது குடும்பத்திற்கு அனுப்பி வைக்கிறார். பாரதியின் செல்போனுக்கு வந்த வீடியோவில் நான் உங்களை காண வருகிறேன் என்று புவி பேசியதைப் பார்த்த உடனே துள்ளி குதிக்கிறார் பாரதி.

புவியரசனுக்கும், பாரதிக்கும் திருமணம் செய்து வைக்க குடும்பத்தினர் ஏற்பாடு செய்கின்றனர். அதை கூட இருந்து ரசிக்கும் அன்பு, தனது குடும்பத்திற்கு புது துணிகளை சர்ப்ரைஸ் ஆக அனுப்பி வைக்கிறார். அதைப் பார்த்து குடும்பமே உற்சாகமடைகிறது. திருமண ஏற்பாடுகள் சிறப்பாக நடந்து வருகிறது. புவியாக செய்ய முடியவில்லை என்றாலும் அன்புவாக தனது திருமண வேலைகளை தானாகவே மகிழ்ச்சியோடு செய்து வருகிறார்.

திருமணத்தை நிறுத்த கோமதி சதி செய்கிறார் அதை முறியடிக்கிறார் அன்பு. விடிய விடிய கண்விழித்து தாலி செய்து கொண்டு வந்து தருகிறார்.

அன்பு விடைபெறும் நேரம் வந்து விட்டது. புவி வெளிப்படும் நாளும் வந்து விட்டது. கணவனை பார்க்க கண் தூங்காமல் வழிமேல் விழி வைத்து காத்திருக்கிறாள் பாரதி. புவிக்காக பூவினால் தனது அறையை அலங்கரிக்கிறார் பாரதி. அதில் புவி உனக்காக காத்திருக்கிறேன் என பூவிலேயே வரைந்துள்ளார்.

புவிக்காக குடும்பமே வாசலில் காத்திருக்க, அவர்கள் எதிர்பார்த்தது போல, ராஜா போல ஜீப்பில் வந்து இறங்குகிறார். அதைப் பார்த்த உடன் பாரதி உற்சாகமடைகிறாள். எந்த சிக்கலும் இன்றி புவியரசன் பாரதியின் திருமணம் நடைபெறுமா? செந்தூர்பாண்டியன், கோமதியால் ஏதாவது சிக்கல் வருமா? மகராசியின் எபிசோடுகள் இனி திடீர் திருப்பங்கள் நிறைந்ததாக இருக்கும் என்று எதிர்பார்க்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *