Share on Social Media


மதுரை மாவட்டம் திருமங்கலம் தாலுகா கள்ளிக்குடி ஒன்றியம் பகுதியைச் சேர்ந்த சிவரக்கோட்டை, கரிசல்காலம்பட்டி, சுவாமிமல்லம்பட்டி ஆகிய கிராமங்களில் சிப்காட் தொழில்துறை பூங்காவை உருவாக்கக் கடந்த 2009ஆம் ஆண்டு 598. 66 ஹேக்டேர் (ஆயிரத்து 478. 71 ஏக்கர் )நிலத்தை கையெடுத்த உத்தரவிடப்பட்டிருந்தது.

ஆனால், குறிப்பிடப்பட்ட இந்த 3 கிராமங்களில் தனித்துவமான கரிசல் மண் இருப்பதால், சிறிய தானியங்கள் சோளம், ராகி, தினை, உள்ளிட்ட சிறு தானியங்கள் விளைச்சல் உள்ளதால் இப்பகுதி சிறு தானிய களஞ்சியம் என்று கூறப்படுகிறது.

கரிசல் மண் நிலம் கையகப்படுத்தலால் அதன் விளைச்சலைப் பாதிக்கும் என விளக்கப்பட்டது. இதற்குப் பதிலாக 10 கி.மீ தூரத்தில் திருமங்கலம் தாலுகாவில், கப்பலூர் பகுதியில் ஏற்கனவே சிட்கோ தொழில் பேட்டை செயல்பட்டு வருகிறது என்பது குறிப்பிடப்பட்டது.

இதனைச் சுட்டிக்காட்டி நிலம் கையகப்படுத்துவதை எதிர்த்து கிராம பஞ்சாயத்துகளில் நடைபெற்ற கிராம சபைக் கூட்டங்களில் தீர்மானங்கள் நிறைவேற்றப்பட்டுள்ளன.

மதுர மல்லி இந்த வாரம் கிலோ 2 ஆயிரம், அடுத்த வாரம் 4 ஆயிரம்!

இந்த காரணங்களைக் கருத்தில் கொண்டு, கிராம மக்களின் நலனையும், விவசாயிகளின் வாழ்வாதாரத்தைப் பாதுகாக்கவும் வலியுறுத்தி சிவரக்கோட்டை, கரிசல்கலம்பட்டி, சுவாமிமல்லம்பட்டி கிராமங்களில் 598. 66 ஹெக்டேர் (ஆயிரத்து 478. 71 ஏக்கர்) நிலத்தைக் கையகப்படுத்துவது குறித்துப் பரிசீலிக்க வேண்டிச் சம்பந்தப்பட்ட அதிகாரிகளிடம் பொதுமக்களும் விவசாயிகளும் தொடர்ந்து மனு அளித்தனர்.

இதையடுத்து இந்த விவகாரம் முதலமைச்சர் கவனத்திற்குக் கொண்டு செல்லப்பட்டு சிப்காட் அமைக்கும் திட்டத்தை ரத்து செய்து தொழில் துறை அரசாணை எண் 268 /20யின்படி திங்கட்கிழமை உத்தரவிடப்பட்டுள்ளது.



Thanks for the source

Share on Social Media

Leave a Reply

Your email address will not be published. Required fields are marked *