1604305416 pic Tamil News Spot
Share on Social Media

கொரோனா ஊரடங்கு காரணமாகக் கடந்த 6 மாதங்களாகப் பள்ளிகள் திறக்கப்படாத நிலையில் மாணவர்கள் ஆன்லைன் வகுப்புகளை மட்டுமே பின்பற்றி வருகின்றனர். இதன் காரணமாகச் சிறுவர்கள் பெரும்பாலான நேரத்திற்கு வீடுகளிலே முடங்கிக் கிடக்கின்றனர்.

இதன் காரணமாகச் சிறுவர்கள் ஓடி விளையாட முடியாத நிலை ஏற்படுகிறது. இதன் காரணமாக மாணவர்களின் உடல் திறன் குறைந்து வருகிறது. இதனை உணர்ந்த மதுரையைச் சேர்ந்த சிலம்பம் ஆசிரியரான நாகேந்திரன் அதிரடி முடிவு ஒன்றை எடுத்துள்ளார்.

இதையடுத்து தனது வீட்டைச் சுற்றியுள்ள பகுதியில் உள்ள பள்ளி மாணவ மாணவியர்களுக்குக் கட்டணமின்றி சிலம்பம் கலையை கற்றுக்கொடுக்கத் தொடங்கி வைத்திருக்கிறார். காலை மாலை இரு வேளைகளில் நடைபெறும் இந்த பயிற்சி வகுப்பில் பல்வேறு வித்தைகள் கற்றுத் தரப்படுகிறது.

கொரோனாவுக்கு ‘குட்பை’: எம்பி சு.வெங்கடேசன் வைரல் போட்டோ…

முன்வீச்சு, பின் வீச்சு, பகர் வீச்சு, சிறுகுச்சி விளையாட்டு, படை வீச்சு, நாலு வீடு, தலைச்சுற்று, வாள் சுருட்டு ஆகிய பயிற்சிகளை கற்றுக்கொடுக்கிறார். இதனை மாணவர்களும் ஆர்வத்துடன் கற்றுக் கொண்டு வருகின்றனர்.

வெளியூரிலிருந்து மதுரைக்கு உறவினர்கள் வீட்டிற்கு வந்த மாணவியர்களும் இந்த கட்டணமில்லா சிலம்பம் பயிற்சியில் ஆர்வத்துடன் பங்கேற்று தங்கள் திறனை வளர்த்துக் கொள்கின்றனர்.

பயிற்சியில் மாணவர்களுக்கு நிகராக மாணவிகளும் ஆர்வமுடன் கலந்துகொண்டு சிலம்ப பயிற்சியை மேற்கொள்கின்றனர், இதன் மூலமாக உடல் வலுப்பெறுவதோடு சிந்தனை சிதறல்களைக் கட்டுப்படுத்தி உடல் வலிமை கிடைக்கின்றது, கொரோனா காலத்தைப் பயனுள்ளதாக மாற்றி பாரம்பரிய கலையை எதிர்கால சந்ததியினருக்கு கற்றுத்தரும் மகேந்திரனுக்கு பல்வேறு தரப்பினரும் பாராட்டுதல்கள் குவிந்து வருகின்றன.

Thanks for the Source

Share on Social Media

Leave a Reply

Your email address will not be published. Required fields are marked *