Share on Social Media


டிசம்பர் 4ஆம் தேதி தமிழ்நாடு முதல்வர் எடப்பாடி பழனிச்சாமி மதுரை வந்திருந்தார். அன்றைய தினம் முதல்வர் கார் மாவட்ட ஆட்சியர் அலுவலகம் அருகே சென்றுகொண்டிருந்தபோது, பெண் ஒருவர் அதை வழிமறித்து மனு ஒன்றை அளித்தார். விசாரணையில் அந்தப் பெண் மதுரை மாநகராட்சியில் தற்காலிக பெண் ஊழியராக பணியாற்றி வரும் மேரி என்பது தெரியவந்தது.

இதையடுத்து அந்தப் புகார் குறித்து விசாரணை நடத்தப்பட்டது. அதில் மதுரை மாநகராட்சி 50ஆவது வார்டில் பணிபுரியும் சுகாதார ஆய்வாளர் முருகன் மீதான பாலியல் புகார் கூறப்பட்டிருந்தது. ஆனால் இதன் பின்னணியில் பல்வேறு திடுக்கிடும் சம்பவங்கள் அரங்கேறியுள்ளது.

சம்பவம் தொடர்பாக விசாரித்தபோது மேரி மதுரை மாநகராட்சியில் தற்காலிக ஊழியராக பணிபுரிந்து வந்ததும் மாநகராட்சி சான்றிதழ் வழங்குவதற்காக ரூ 2 ஆயிரம் லஞ்சம் பெற்று வீடியோ ஒன்றில் சிக்கியிருந்தது தெரியவந்தது. இதற்கிடையே வீடியோவும் சமூக வலைதளங்களில் வைரலாக பரவியது.

இந்த லஞ்ச புகார் தொடர்பாக விசாரணை நடத்தச் சிறப்பு அதிகாரி ஒருவரும் நியமிக்கப்பட்டார். இப்படி நியமிக்கப்பட்ட சுகாதார ஆய்வாளர் முருகன் மீதுதான் மேரி பாலியல் புகார் அளித்துள்ளார். முருகன் மேற்கொண்ட விசாரணையில் தற்காலிக பெண் ஊழியர் மேரி லஞ்சம் வாங்கியது உறுதி செய்யப்பட்டுள்ளது. இதையடுத்து தன் மீதுள்ள குற்றத்தை மறைப்பதற்காகவே முருகன் மீது பாலியல் புகார் ஒன்றை மேரி மாநகராட்சியில் அளித்துள்ளார்.

கலெக்டர், போலீஸ் பாதுகாப்போடு பணப்பட்டுவாடா: அமைச்சர் மாஸ்!

எனினும் அது சம்பந்தமான நடவடிக்கை எதுவும் எடுக்கப்படவில்லை. இதனால் அதை முதலமைச்சர் வரும் நேரம் பார்த்து அவரிடம் அளிப்பதற்காக அவருடைய காரை மறித்து அந்த புகாரை அளித்துள்ளார்.

மேரி அளித்த புகாரின் அடிப்பையில் மாவட்ட மாநகராட்சி நிர்வாகம் சுகாதார ஆய்வாளர் முருகனை சஸ்பெண்ட் செய்து உத்தரவிட்டது. மேரியின் இந்தச் செயல் பெரும் அதிர்வலைகளை ஏற்படுத்தியுள்ளது. முதல்வரைத் தனது பணிக்காக மேரி பயன்படுத்த முயன்றுள்ளார் என்பது விசாரணையில் தெரிய வந்துள்ளது.



Thanks for the source

Share on Social Media

Leave a Reply

Your email address will not be published. Required fields are marked *