Share on Social Media


ஹைலைட்ஸ்:

  • மக்காவ் நகரின் மிகப் பெரிய சூதாட்டக் கிளப்பை நடத்தியவர் ஆல்வின் சாவ்.
  • கிரிமினல் வேலையில் ஈடுபட்டதாக ஆல்வின் சாவ் கைது.
  • ஆல்வின் சாவ் கைதால் மக்காவ் சூதாட்டக் கிளப்புகளுக்கு ஆபத்து.

சன்சிட்டி என்ற சீனக் குழுமத்தின் நிறுவனர் ஆல்வின் சாவ் அதிரடியாக கைது செய்யப்பட்டுள்ளார். இந்தக் கைதின் மூலம் மக்காவ் பகுதியில் உள்ள கிரிமினல் குழுக்களுக்கும், அரசியல்வாதிகளுக்கும், தொழிலதிபர்களுக்கும் இடையிலான நிழல் உலக உறவுகள் அம்பலமாகியுள்ளன.

மக்காவ் நகரை தலைமையிடமாகக் கொண்டு செயல்பட்டு வந்த நிறுவனம்தான் சன்சிட்டி குழுமம். இதன் நிறுவனர் மற்றும் தலைவராக இருந்து வந்தவர் ஆல்வின் சாவ். இவரை மக்காவ் போலீஸார் அதிரடியாக கைது செய்துள்ளனர். பல்வேறு கிரிமினல் வேலைகளில் ஈடுபட்டு வந்ததற்காக இவர் கைது செய்யப்பட்டுள்ளார்.

அமெரிக்காவின் லாஸ் வேகாஸ் போல சீனாவின் சூதாட்ட நகரமாக விளங்குவதுதான் மக்காவ் நகரம். இங்கு திரும்பிய பக்கமெல்லாம் கேசினோக்கள் எனப்படும் சூதாட்ட கிளப்புகள்தான். இதுதவிர பல்வேறு கிரிமினல் குழுக்களும் இங்கு ரகசியமாக இயங்குகின்றன. அரசியல்வாதிகள் மற்றும் தொழிலதிபர்களின் ஆதரவுடன் இவர்கள் இயங்குகின்றனர். தங்களுக்கு பிடிக்காதவர்களை, போட்டியாளர்களை போட்டுத் தள்ளுவது, மிரட்டுவது, முடக்குவது என சட்டவிரோத செயல்களில் ஈடுபடும் குழுக்கள் இவர்கள். சினிமாவில் வருவது போலவே இங்கு நிஜமாக பல காரியங்கள் நடந்து கொண்டுள்ளன. இந்த சின்டிகேட்டைத்தான் மக்காவ் போலீஸார் தற்போது உடைத்துள்ளனர்.

ஆல்வின் சாவ் மக்காவ் நகரில் மிகப் பெரிய சூதாட்ட கிளப்பை நடத்தி வருகிறார். உலக அளவில் பிரபலமானது இது. உலகம் முழுவதும் உள்ள பல்வேறு முக்கியமான சூதாட்டக்காரர்கள் இங்கு வந்து சூதாடுவது வழக்கம். இவரது கிளப்பில் 12,000 கேமிங் ஏஜென்டுகள், 80,000 உறுப்பினர்கள் உள்ளனர். இவர் மீதான முக்கியக் குற்றச்சாட்டே- குற்றவாளிகளை ஒருங்கிணைத்து கிரிமினல் வேலைகளில் ஈடுபட்டார் என்பதுதான். இவரது கைது நடவடிக்கையால் சீனாவே அதிர்ச்சி அடைந்துள்ளது. ஹாங்காங் பங்குச் சந்தையில் இவரது நிறுவன பங்குகள் பெரும் சரிவைச் சந்தித்துள்ளன.

மக்காவ்

ஆல்வின் சாவ், உலக நாடுகள் பலவற்றாலும் வெறுக்கப்படும் ஒரு நபர் ஆவார். இவரை தனது நாட்டுக்குள் நுழைய கடந்த 2019ம் ஆண்டு ஆஸ்திரேலியா அரசு தடை விதித்தது. ஆனால் சூதாட்டக்காரர்களுக்கும், சீன அரசியல்வாதிகளுக்கும், கிரிமினல்களுக்கும் இடையே ரகசிய உலகமே உள்ளது என்பது நீண்ட கால குற்றச்சாட்டாகும். ஷாங்காயிலும் இவர்களுக்கு என ரகசிய உலகம் உள்ளது. ரகசியக் குழுக்கள் இணைந்து பல காலமாக செயல்பட்டு வருகின்றன. சன் யாட் சென் காலத்திலிருந்தே இவை செயல்படுகின்றன.

இந்தக் குழுக்களை சீன கம்யூனிஸ்ட் கட்சித் தலைவர்களும் தங்களுக்கு சாதகமாக பயன்படுத்தி வந்தனர். பிடிக்காத தலைவர் குறித்த தகவல்களைத் திரட்ட இவர்களை பயன்படுத்தினர். இவர்களை வைத்து பல காரியங்களை செய்து கொள்வார்கள். இடையில் இவர்களுக்கு சில கம்யூனிஸ்ட் அரசுகள் தடை விதித்தாலும் கூட பின்னர் இவை விலக்கிக் கொள்ளப்பட்டது.

ஸ்குவிட் கேம் என்று ஒரு தென் கொரியப் படம் வந்தது இல்லையா.. அதில் சைக்கோ மனம் படைத்த தொழிலதிபர்கள் குழு இணைந்து கொடூரமான மனித விளையாட்டை நடத்துவார்கள்.. கிட்டத்தட்ட அதேபோன்ற ரகசியக் குழுக்கள்தான் ஆல்வின் சாவ் போன்றோர். ஆல்வின் கைது மூலம் மக்காவ் சூதாட்ட கிளப்புகளின் எதிர்காலம் கேள்விக்குறியாகியுள்ளதாக சொல்கிறார்கள்.



Source link

Share on Social Media

Leave a Reply

Your email address will not be published.