Share on Social Media


தன் நண்பனின் திருமணத்தை நடத்தி வைக்க துபாயில் இருந்து கோயம்புத்தூருக்கு வருகிறார் அப்துல் காலிக்(சிம்பு).

நண்பனுக்கு திருமணம் செய்து வைக்க முயற்சி செய்யும்போது ஒரு பிரச்சனை ஏற்படுகிறது. அதில் இருந்து தப்பிக்க வேண்டும் என்றால் முதல்வரை கொலை செய்ய வேண்டும் என்று காவல் துறை அதிகாரியான தனுஷ்கோடி(எஸ்.ஜே.சூர்யா)தெரிவிக்கிறார். அவர் பேச்சை கேட்டு அப்துல் காலிக்கும் முதல்வரை கொன்று விடுகிறார்.

அப்பொழுது கண் விழித்தபோது தான் அவர் இன்னும் விமானத்தில் இருப்பது அப்துல் காலிக்கிற்கு தெரிய வருகிறது. மேலும் டைம் லூப்பில் சிக்கியதும் அவருக்கு புரிகிறது.

ஒரு முதல்வரின் உயிரை காப்பாற்றி, மத கலவரத்தை தடுக்க வேண்டிய கட்டாயத்தில் இருக்கிறார் அப்துல் காலிக்.

அதற்காக அவர் எடுக்கும் முயற்சியே மீதமுள்ள படம். டைம் லூப் கதையை தமிழ் ரசிகர்களுக்கு புரியும்படி அழாக சொல்லியிருக்கிறார் வெங்கட் பிரபு.

படத்தில் சிம்புவுக்கு தேவையில்லாத மாஸ் காட்சிகள் எதுவும் கிடையாது. சிம்புவின் நடிப்பு அருமை. அவருக்கும், வில்லன் எஸ்.ஜே. சூர்யாவுக்கும் இடையே நடக்கும் ஆடு, புலி ஆட்டம் ரசிகர்களை கட்டிப் போடுகிறது.

படம் துவங்கியதில் இருந்து முடியும் வரை விறுவிறுப்பாக செல்கிறது. அதிலும் இடைவேளை நேரத்தில் வரும் ட்விஸ்ட்டை யாருமே எதிர்பார்க்கவில்லை.

யுவனின் பி.ஜி.எம். படத்திற்கு பக்க பலம். மனிதர் வேற லெவலில் வேலை செய்திருக்கிறார். கல்யாணி ப்ரியதர்ஷன் சிம்புவுக்கு ஜோடி கிடையாது. படத்தில் வந்து செல்கிறார்.

சிம்பு தான் ஹீரோ என்றாலும் எஸ்.ஜே. சூர்யா அனைவரையும் கவர்கிறார்.

மாநாடு- ரிப்பீட்டு



Source link

Share on Social Media

Leave a Reply

Your email address will not be published. Required fields are marked *