Share on Social Media


ஹைலைட்ஸ்:

  • வெங்கட்பிரபு இயக்கத்தில் ‘மாநாடு’ திரைப்படத்தில் நடித்துள்ளார் நடிகர் சிம்பு.
  • ‘மாநாடு’ திரைப்படத்தின் பர்ஸ்ட் சிங்கிள் குறித்து சுரேஷ் காமாட்சி ட்விட்.
  • ‘மாநாடு’ பர்ஸ்ட் சிங்கிள் குறித்த அறிவிப்பு வருகின்ற புதன்கிழமை வெளியாகிறது.

சிம்பு ரசிகர்களின் மிக நீண்ட எதிர்பார்ப்புகளுக்கு மத்தியில் உருவாகியுள்ள திரைப்படம் மாநாடு. சுரேஷ் காமாட்சி தயாரிப்பில், வெங்கட் பிரபு இயக்கத்தில் உருவாகியுள்ள இந்த திரைப்படத்தை விரைவில் வெளியிடுவதற்கான இறுதிக்கட்ட பணிகள் துரிதமாக நடைபெற்று வருகின்றன. இந்நிலையில் தள்ளி வைக்கப்பட்ட மாநாடு திரைப்படத்தின் பர்ஸ்ட் சிங்கிள் குறித்த அப்டேட்டை தனது ட்விட்டர் பக்கத்தில் பகிர்ந்துள்ளார் தயாரிப்பாளர் சுரேஷ் காமாட்சி.

மாநாடு திரைப்படத்தில் சிம்பு ஜோடியாக பிரபல மலையாள இயக்குநர் பிரியதர்ஷனின் மகளான கல்யாணி நடித்துள்ளார். இவர் ஏற்கனவே சிவகார்த்திகேயன் நடித்த ‘ஹீரோ’ திரைப்படத்தின் மூலம் தமிழ் சினிமாவிற்கு அறிமுகமானவர். இவர்களுடன் எஸ்.ஏ.சந்திரசேகர், எஸ்.ஜே.சூர்யா பிரேம்ஜி, அரவிந்த் ஆகாஷ் மற்றும் கருணாகரன் உள்ளிட்டோர் முக்கிய கதாபாத்திரத்தில் நடிக்கின்றனர்.

அரசியல் மாநாடு ஒன்றில் நடக்கும் அதிரடி திருப்பங்களாக இந்த படம் உருவாகியுள்ளது. இந்த திரைப்படத்தில் முதன்முறையாக அப்துல் காலிக் என்ற இஸ்லாமிய இளைஞர் கதாபாத்திரத்தில் நடித்துள்ளார் சிம்பு. படத்தின் பர்ஸ்ட் லுக் மற்றும் டீசர் வெளியாகி ரசிகர்களிடம் வரவேற்பை பெற்றுள்ள நிலையில் ‘மாநாடு’ திரைப்படத்தின் ரிலீஸிற்காக வெறித்தனமாக காத்திருக்கின்றனர் சிம்பு ரசிகர்கள்.
நவீன மந்திரவாதியாக விஜய் சேதுபதி: மிஷ்கினின் பிசாசு 2 திரைப்படம் குறித்து வெளியான தகவல்!
இந்நிலையில் ரம்ஜானை முன்னிட்டு கடந்த மாதம் 4 ஆம் தேதி மாநாடு திரைப்படத்தின் பர்ஸ்ட் சிங்கிளை வெளியிடுவதாக அறிவித்திருந்தனர் படக்குழுவினர். ஆனால் கடந்த மே 2 ஆம் தேதி மாநாடு திரைப்படத்தின் இயக்குனர் வெங்கட் பிரபுவின் தாயார் வயது மூப்பின் காரணமாக காலமானதால், இன்னொரு தேதியில் பர்ஸ்ட் சிங்கிளை வெளியிடுவோம். நண்பர்களின் துக்கத்தில் பங்குகொள்வோம் என தெரிவித்தார் சுரேஷ் காமாட்சி.

அதனை தொடர்ந்து கடந்த சில நாட்களாக சிம்பு ரசிகர்கள் மாநாடு படத்தின் பர்ஸ்ட் சிங்கிள் குறித்த அப்டேட் கேட்டு வந்தனர். அப்போது மாநாடு திரைப்படத்தின் இசையமைப்பாளரான யுவன் ஷங்கர் ராஜா தனது ட்விட்டர் பக்கத்தில், ‘மாநாடு’ படத்தின் பர்ஸ்ட் சிங்கிள் பாடல் மிக விரைவில் வெளியாக இருப்பதாக அறிவித்தார். இந்நிலையில் மாநாடு படத்தின் பர்ஸ்ட் சிங்கிள் குறித்த அப்டேட் ஒன்றை தயாரிப்பாளர் சுரேஷ் காமாட்சி தனது ட்விட்டர் பக்கத்தில் வெளியிட்டுள்ளார்.

அதில் இந்த படத்தின் முதல் சிங்கிள் பாடல் வெளியாகும் தேதி பற்றிய அறிவிப்பை வரும் புதன்கிழமை, இசையமைப்பாளர் யுவன்சங்கர் ராஜா வெளியிடுவார் என குறிப்பிட்டுள்ளார். மேலும் இந்த படத்தின் ஆடியோ உரிமத்தை U1Records நிறுவனம் கைப்பற்றி உள்ளதாகவும் தெரிவித்துள்ளார். இதற்கு முன்னர் மாநாடு பர்ஸ்ட் சிங்கிள் குறித்து ரசிகர்கள் கேள்வி எழுப்பிய போது, இந்த நேரத்தில் மாநாடு திரைப்படத்தின் பாடல் வெளியிடுவது மனிதாபிமானமற்ற செயல். லாக்டவுன் முடியும் வரை காத்திருங்கள் என தயாரிப்பாளர் சுரேஷ் காமாட்சி தெரிவித்திருந்தது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *