Share on Social Media


லோகேஷ் கனகராஜ் இயக்கத்தில் கார்த்திக், நரேன், அர்ஜுன் தாஸ் உள்ளிட்டோர் நடிப்பில் வெளியாகி ரசிகர்களிடம் வரவேற்பை பெற்ற திரைப்படம் கைதி. இந்தப் படம் இந்தியில் ரீமேக் செய்யப்பட உள்ளதாகவும், இதில் கார்த்தி ரோலில் அஜய் தேவ்கன் நடிக்க போவதாகவும் சமீபத்தில் அதிகாரப்பூர்வமாக அறிவிக்கப்பட்டது. மேலும் கைதி திரைப்படத்தின் இரண்டாம் பாகத்தை தயாரிக்க டிரீம் வாரியர் பிக்சர்ஸ் நிறுவனம் முடிவு செய்துள்ளதாக தகவல்கள் வெளியானது.

இந்நிலையில், கேரளாவின் கொல்லம் மாவட்ட நீதிமன்றத்தில் ராஜீவ் ரஞ்சன் என்பவர் வழக்கு ஒன்றைத் தொடர்ந்தார். அதில், 2007 ஆம் ஆண்டு தனக்குப் புழல் சிறையில் நேர்ந்த சம்பவங்களைத் தொகுத்துக் கதையாக உருவாக்கி, எஸ்.ஆர்.பிரபுவிடம் தெரிவித்ததாகவும், அது அவருக்குப் பிடித்துவிடவே 10 ஆயிரம் ரூபாய் அட்வான்ஸ் கொடுத்ததாகவும் குறிப்பிட்டுள்ளார்.

இந்நிலையில் கைதி படத்தை ரீமேக் செய்யவும், இரண்டாம் பாகத்தை தயாரிக்கவும் கேரள கோர்ட் இடைக்கால தடை விதித்துள்ளதாக தகவல்கள் வெளியானது. ஆனால், ‘கைதி’ படக்குழுவினரோ இது தொடர்பாக எந்தவொரு விளக்கமும் அளிக்காமல் இருந்தனர். இந்நிலையில் தற்போது, ‘கைதி’ பட வழக்கு தொடர்பாகத் தயாரிப்பு நிறுவனம் தனது அதிகாரப்பூர்வ ட்விட்டர் பக்கத்தில் அறிக்கை ஒன்றை வெளியிட்டுள்ளது.

ஒன்றிணைந்து குரலெழுப்புவோம்… போராடுவோம்: ஒன்றிய அரசுக்கு எதிராக கொந்தளிக்கும் அமீர்!
அதில், “எங்களின் டிரீம் வாரியர் பிக்சர்ஸ் நிறுவனம் தயாரிப்பில் லோகேஷ் கனகராஜ் கதை, திரைக்கதை, இயக்கத்தில் கார்த்தி நடிப்பில் வெளிவந்த ‘கைதி’ திரைப்படத்தின் ரீமேக் மற்றும் இரண்டாம் பாகத்தைத் தயாரிக்க, கேரள நீதிமன்றம் தடை விதித்துள்ளதாகச் செய்தி ஊடகங்கள் வாயிலாக அறிந்தோம். இது சம்பந்தமாக ஊடக நண்பர்கள் எங்களைத் தொடர்புகொண்டு கருத்துகள் கேட்டு வருகின்றனர்.

எங்களுக்கு அவ்வழக்கின் அதிகாரபூர்வ தகவல்கள் எதுவும் தெரியாத காரணத்தால் அதைப் பற்றிய விவரங்கள் எதுவும் தற்போது வெளியிட இயலாது. அதே சமயம் ‘கைதி’ சம்பந்தப்பட்ட ஊடகச் செய்திகளில் எங்கள் மீது கூறப்பட்டுள்ள குற்றச்சாட்டுகளை நாங்கள் உறுதியாக மறுக்கவோ, சட்டப்படி இதை நிரூபிக்கவோ முடியும் என்பதைத் தெரிவித்துக் கொள்கிறோம்.

மேலும், சில செய்தி நிறுவனங்கள் வழக்கின் விசாரணை முடிவு தெரியாமல், இத்திரைப்படம் சார்ந்த எவரையும் களங்கப்படுத்தி செய்தி வெளியிடாமல் ஊடக தர்மம் காக்கவும் அன்புடன் கேட்டுக்கொள்கிறோம்” என அந்த அறிக்கையில் குறிப்பிட்டுள்ளனர்.



Source link

Share on Social Media

Leave a Reply

Your email address will not be published. Required fields are marked *