Share on Social Media


ஹைலைட்ஸ்:

  • பொது மக்கள் வீட்டில் இருந்து வெளியே வந்து சமூக செயல்பாடுகளில் ஈடுபட அனுமதிக்கப்படுவர்
  • தடுப்பூசி செலுத்தாதவர்கள் வீட்டை விட்டு வெளியே வர முடியாது
  • அனைவரும் தடுப்பூசி செலுத்துக் கொள்வதை கட்டாயப்படுத்தும் விதமாக உத்தரவு

கொரோனா இரண்டாவது அலை, மூன்றாவது அலை உலக நாடுகளை கொரோனா மிரட்டிக் கொண்டுள்ளது. கொரோனாவுக்கு தடுப்பூசி மட்டுமே தீர்வு என்ற நிலையில், பொது மக்கள் கட்டாயம் தடுப்பூசி போட வேண்டும் என்பதை அரசுகள் உறுதி செய்து வருகின்றன. அத்துடன், முழு வீச்சில் பல்வேறு நாடுகளில் கொரோனா தடுப்பூசி போடும் பணிகள் நடைபெற்று வருகின்றன.

அந்த வகையில், கடந்த ஏப்ரல் மாதத்தில் இருந்து கொரோனா தடுப்பூசியை மக்களிடம் கொண்டு செல்வதில் சவுதி அரேபிய அரசு தீவிரம் காட்டி வருகிறது. அந்நாட்டில் இதுவரை 4 லட்சத்துக்கும் அதிகமானவர்கள் கொரோனாவால் பாதிக்கப்பட்டுள்ள நிலையில், 7,000க்கும் மேற்பட்டவர்கள் உயிரிழந்துள்ளனர்.

சவுதி அரேபியாவில் இதுவரை 1.1 கோடி பேருக்கு கொரோனா தடுப்பூசி போடப்பட்டுள்ளது. தொடர்ந்து அந்நாட்டில் பொதுமக்களுக்கு தடுப்பூசி போடப்பட்டு வருகிறது. இந்த நிலையில், அனைவரும் தடுப்பூசி செலுத்துக் கொள்வதை கட்டாயப்படுத்தும் விதமாக, வருகிற ஆகஸ்ட் மாதம் முதல் கொரோனா தடுப்பூசி செலுத்திக் கொண்ட ஆதாரத்தைக் காட்டினால்தான் பொது மக்கள் வீட்டில் இருந்து வெளியே வந்து சமூக செயல்பாடுகளில் ஈடுபட அனுமதிக்கப்படுவர். தடுப்பூசி செலுத்தாதவர்கள் வீட்டை விட்டு வெளியே வர முடியாது என்று சவுதி அரேபிய அரசு உத்தரவிட்டுள்ளது.

தமிழ்நாட்டில் ஊரடங்கு நீட்டிப்பு: டூர் முடிந்து ஸ்டாலின் எடுக்கும் முக்கிய முடிவு!
கொரோனா தடுப்பூசி கட்டாயம் போடப்பட வேண்டும் என்று அறிவுறுத்தப்பட்டு வரும் நிலையில், சவுதி அரேபிய அரசின் இந்த உத்தரவுக்கு பலரும் வரவேற்பு தெரிவித்துள்ளனர்.



Source link

Share on Social Media

Leave a Reply

Your email address will not be published. Required fields are marked *