Share on Social Media

எலுமிச்சை முக்கியமான ஒரு பழமாகும். கோடை காலங்களில் அவசரத்திற்கு செய்யும் பழ சாறாக எலுமிச்சை பழச்சாறு உள்ளது. மேலும் சமையலில் எலுமிச்சைக்கு முக்கிய பங்குண்டு. அசைவத்தில் துவங்கி பல வகையான உணவுகளில் நாம் புளிப்பு சுவைக்காக எலுமிச்சை சேர்க்கிறோம்.

​தலைமுடிக்கு எலுமிச்சை

எலுமிச்சையில் வைட்டமின் பி மற்றும் வைட்டமின் சி நிறைந்து காணப்படுகிறது. இது பொடுகு பிரச்சனை, முடி உதிர்தல், உச்சந்தலை எண்ணெய் பிரச்சனை போன்ற பொதுவான முடி பிரச்சனைகளுக்கு நல்ல தீர்வளிப்பதாக உள்ளது. இது ஒரு சிட்ரஸ் பழமாகும். இயற்கையாக முடிக்கு உதவும் பழமாக எலுமிச்சை உள்ளது.

எலுமிச்சையானது முடியின் மயிர் கால்களை வலுப்படுத்தும் திறனை கொண்டுள்ளது. மேலும் இது பூஞ்சை எதிர்ப்பு பண்புகளையும் கொண்டுள்ளது. இதனால் இது பூஞ்சை நோயை எதிர்த்து போராடும். உங்கள் தலைமுடி பிரச்சனைகளை சரி செய்ய எலுமிச்சையை எப்படி பயன்படுத்தலாம் என்பதை இப்போது பார்க்கலாம்.

​முடி வளர்ச்சி

samayam tamil Tamil News Spot

பெண்கள் அனைவரும் விரும்பும் ஒரு விஷயம் என்னவென்றால் நீண்ட அடர்த்தியான முடி வேண்டும் என்பதே. இதற்காக பல்வேறு தயாரிப்புகளை பயன்படுத்துகிறோம். ஆனால் எளிதாக இதற்கு எலுமிச்சை உதவுகிறது. எலுமிச்சை சாறில் கற்றாழை சேர்ப்பது மூலம் இது கூந்தலுக்கு நன்மை பயக்கிறது. இதற்கு சிறிது எலுமிச்சை சாறை எடுத்து அதில் கற்றாழையில் இருக்கும் ஜெல்லை கலக்கவும். பிறகு அதை உங்கள் முடி முழுவதும் தடவவும்.

இது உங்கள் கூந்தலுக்கு ஆரோக்கியத்தை அளிக்கிறது. பிறகு 30 நிமிடங்கள் தலையில் இதை வைத்திருந்து தண்ணீர், ஷாம்பு அல்லது ஹேர் கண்டிஷனர் கொண்டு முடியை கழுவலாம். வாரத்திற்கு ஒரு முறை இதை செய்வதன் மூலம் நாம் நமது முடி வளர்ச்சிக்கு உதவ முடியும்.

​பொடுகு நீக்கும் வழிகள்

samayam tamil Tamil News Spot

அதிக முடி கொண்டிருப்பதால் பெண்களே அதிகமாக பொடுகு பிரச்சனைக்கு ஆளாகின்றனர். இதை சரி செய்ய உச்சந்தலையில் உங்கள் முடி ஆரம்பிக்கும் பகுதியில் சிறிது எலுமிச்சை சாறை சேர்க்கலாம். பிறகு 10 நிமிடங்கள் அதை அப்படியே வைத்திருக்கவும். அதன் பிறகு தலையை கழுவலாம். இந்த முறையை செய்வதன் மூலம் பொடுகை நீக்க முடியும். மேலும் பொடுகு பிரச்சனை வருவதையும் தடுக்க முடியும்.

​முடியை வலுப்படுத்த உதவுகிறது

samayam tamil Tamil News Spot

முடி வலு இழப்பதே முடி உதிர்தலுக்கு முக்கிய காரணமாக உள்ளது. எனவே நாம் முடியை வலுப்படுத்துவதன் மூலம் முடி உதிர்தலை தடுக்க முடியும். இதற்கு கற்றாழை, தேன் மற்றும் எலுமிச்சை சாறு கொண்டு செய்யப்பட்ட ஹேர் மாஸ்க் உதவுகிறது. இதை உங்கள் தலையில் தடவி குறைந்தது 20 நிமிடங்கள் வரை வைத்திருக்கவும். உங்கள் தலைமுடியானது வலுவாக இருக்க அதற்கு வைட்டமின்கள் மற்றும் தாதுக்கள் தேவைப்படுகின்றன. அதை இந்த ஹேர் மாஸ்க் கொடுக்கும்.

​உச்சந்தலை அரிப்பை சரிசெய்ய உதவுகிறது

samayam tamil Tamil News Spot

உச்சந்தலை அரிப்பு என்பது பலருக்கு பெரிய பிரச்சனையாக உள்ளது. கை வலிக்கும் வரை சொரியும் நிலை கூட இதனால் ஏற்படுகிறது. இதை சரி செய்ய நீங்கள் பயன்படுத்தும் ஷாம்பில் சிறிது எலுமிச்சை சாறை சேர்க்கலாம்.

ஒவ்வொரு முறை குளிக்கும்போதும் இந்த ஷாம்புவை தலையில் தடவி நன்றாக மசாஜ் செய்யவும். அப்போதுதான் அது முடி முழுவதும் சென்றடையும். பின்னர் தலை முடியை குளிர்ந்த நீரில் கழுவலாம். இது உங்களுக்கு சுத்தமான ஆரோக்கியமான முடியை அளிக்கிறது.

​முடி உடைதல்

samayam tamil Tamil News Spot

முடி உதிர்வை போலவே பெண்கள் சந்திக்கும் மற்றொரு பிரச்சனை முடி உடைதல். இதனால் முடி வளர்ச்சியில் பிரச்சனைகள் ஏற்படுகின்றன. ஏனெனில் முடி உதிரும் இடத்தில் உருவாவது போல உடையும் இடத்தில் புதிய முடிகள் உருவாவதில்லை.

எனவே இதை சரி செய்ய ஆலிவ் எண்ணெயில் எலுமிச்சை சாறு சேர்த்து உங்கள் தலை முடியில் அதை கொண்டு மசாஜ் செய்யலாம். இது உங்கள் முடியின் முனையை வலுப்படுத்தும். மேலும் அடிக்கடி முடி உடைவதை இது தடுக்கும்.

​பொதுவான முடி பிரச்சனைகள்

samayam tamil Tamil News Spot

இது இல்லாமல் சின்ன சின்ன முடி பிரச்சனைகளை பெண்கள் அணுகுகின்றனர். அவற்றை சரி செய்ய ஒரு டீஸ்பூன் எலுமிச்சை சாறில் கொஞ்சமாக ஆமணக்கு எண்ணெயை கலந்து முடிக்கு பயன்படுத்தலாம். இந்த கலவையை இரவு தூங்க செல்வதற்கு முன்பாக உங்கள் முடியில் தடவலாம். பிறகு காலையில் எழுந்து ஷாம்பு அல்லது கண்டிஷனர் கொண்டு அதை கழுவலாம். வாரம் ஒரு முறை இதை செய்யலாம்.

Thanks for the Source

Share on Social Media

Leave a Reply

Your email address will not be published. Required fields are marked *