Share on Social Media


சுசீந்திரன் திரைப்பட இயக்குநர், பாடலாசிரியர், திரைப்படத் தயாரிப்பாளர், மற்றும் திரைக்கதை ஆசிரியர் ஆவார். இவர் 2009ஆம் ஆண்டு வெளியான ‘வெண்ணிலா கபடிகுழு’ படம் மூலம் இயக்குனராக, அறிமுகமானவர். இப்படத்தில் கதாநாயகனாக விஷ்ணு விஷால், கதாநாயகியாக சரண்யா மோகன் நடித்திருந்தனர். இந்த படம் வெற்றிப்படமாக அமைந்தது.

இந்தப் படத்தை அடுத்து கார்த்தி நடித்த ‘நான் மகான் அல்ல’ படத்தை இயக்கினார். இதையடுத்து தேசிய விருது பெற்ற ‘அழகர் சாமியின் குதிரை’ என்ற படத்தை இயக்கினார். அடுத்து விக்ரம் நடித்த ராஜபாட்டை, ஆதலால் காதல் செய்வீர், விஷால் நடித்த பாண்டிய நாடு உட்பட சில படங்களை இயக்கினார்.

ஜிவி பிரகாஷுக்கு ஜோடியாகும் பிகில் பட பிரபலம்!
பின்னர், பெங்கலன்று வெளியான சிம்பு நடித்துள்ள ‘ஈஸ்வரன்’ படத்தை இயக்கினார் சுசீந்திரன். இதில், பாரதிராஜா, நிதி அகர்வால், நந்திதா ஸ்வேதா, பால சரவணன், முனிஷ்காந்த் உட்பட பலர் நடித்திருந்தனர். இப்படம் வெளியான முதல் நாளிலேயே உலகம் முழுவதும் ரூ.5 கோடி முதல் ரூ.7 கோடி வரை வசூல் செய்து சாதனை படைத்துள்ளது. சென்னையில் முதல் நாளில் மட்டும் ரூ.20 லட்சம் வசூல் கிடைத்துள்ளது. இப்படம் தற்போது திரையரங்குகளில் வெற்றிகரமாக ஓடிக்கொண்டிருக்கிறது.

இந்நிலையில் இந்த படத்துக்கு இடையே, மற்றொரு படத்தையும் சுசீந்திரன் இயக்கி வந்தார். அதில் ஜெய் ஹீரோவாக நடித்துள்ளார். இதில் அவர் ஜோடியாக, ஸ்மிருதி வெங்கட் நடித்துள்ளார். இந்தப் படத்துக்கு டைட்டில் வைக்காமல் இருந்தனர். இப்போது ‘குற்றமே குற்றம்‘ என்று டைட்டில் வைத்துள்ளதாகப் படக்குழுவினர் கூறியுள்ளனர்.

மேலும், ஜெய் நடிப்பில் இன்னொரு படத்தையும் சுசீந்திரன் இயக்கி வருகிறார். அதில் ஜெய்க்கு ஜோடியாக மீனாட்சி கோவிந்தராஜன் நடிக்கிறார். இந்தப் படம் மூலம் இசையமைப்பாளராகவும் ஜெய் அறிமுகமாகிறார். இப்படத்திற்க்கு ‘சிவ சிவா’ என்று டைட்டில் வைத்துள்ளனர்.

கே.எஸ்.ரவிகுமார், சத்யராஜ் படம் டிராப்!
இதற்கு முன் நடிகர் ஜெய், சாருகேஷ் சேகரால் இயக்கப்பட்டிருக்கும் தொடர் ‘ட்ரிபிள்ஸ்’ என்ற இணைய தொடரில் நடித்திருந்தார். ஹாட்ஸ்டார் ஸ்பெஷல்ஸ் மற்றும் ஸ்டோன் பெஞ்ச் பிலிம்ஸ் சார்பில் இயக்குநர் கார்த்திக் சுப்புராஜ் இணைந்து வழங்கும் இணைய தொடர், ட்ரிப்ள்ஸ். இத்தொடரின் மூலம், முதன்முதலாக டிஜிட்டலில் அறிமுகமாகி இருக்கிறார் நடிகர் ஜெய்.

இத்தொடரில், மூன்று இணைபிரியா நண்பர்கள் மற்றும் அவர்கள் வாழ்வில் ஏற்படும் குழப்பங்களை நகைச்சுவை மற்றும் பொழுதுபோக்கு அம்சமுடன் விவரித்துள்ளது. இத்தொடரில், வாணி போஜன், மாதுரி, ராஜ்குமார், விவேக் பிரசன்னா, வெங்கடேஷ் உட்பட பலர் நடித்துள்ளனர் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *