1602745482 pic Tamil News Spot
Share on Social Media

தமிழ்நாடு மகிளா காங்கிரஸ் தலைவரும், வழக்கறிஞருமான ஆர்.சுதா இன்று அறிக்கை ஒன்றை வெளியிட்டுள்ளார். அதில், கட்சி மாறிய சந்தர்ப்பவாதத்தை நியாயப்படுத்த காங்கிரஸ் பேரியக்கத்தின் மீது சேற்றை வாரி இறைக்க தொடங்கியிருக்கிறார் குஷ்பு. உங்களால் காங்கிரஸ் கட்சியின் உண்மை தொண்டர்களின் கேள்விகளுக்கு பதிலளிக்க முடியுமா? காங்கிரஸில் இணைந்த போது என்னென்ன மரியாதை எல்லாம் தரப்பட்டது நினைவிருக்கிறதா? அகில இந்திய காங்கிரஸ் தலைவர் சோனியா காந்தி, தலைவர் ராகுல் காந்தி முன்னிலையில் இணைந்தீர்கள். ஆனால் இன்று உங்கள் நிலை என்ன?

இரண்டு நாட்களுக்கு முன்பு ஆரவாரத்தோடு பாஜகவில் இணைய டெல்லி சென்றீர்கள். உங்களை அங்கே யார் வரவேற்றார்கள். பத்தோடு பதினொன்றாக உங்களை இணைத்த கட்சிக்காகவா தொண்டர்களின் இயக்கமான காங்கிரசை பழிக்கிறீர்கள்? தேசிய செய்தி தொடர்பாளர் என்ற உயரிய பொறுப்பை காங்கிரஸ் உங்களுக்கு அளித்தது.

ஆனால் குஷ்புக்கெல்லாம் எந்தப் பதவியும் கொடுக்க முடியாது என்று பாஜகவினர் தொலைக்காட்சி விவாதங்களில் கூறுகின்றனர். இதெல்லாம் உங்களுக்கு கேட்கிறதா குஷ்பு? சிந்திக்க தெரியாத கட்சி என்று கூறியிருக்கிறீர்களே? ஆறு ஆண்டுகளாக உங்கள் மூளை எங்கிருக்கிறது என்று நான் கேட்டால் என்ன பதில் சொல்வீர்கள்? உழைப்பவர்கள் பலன் கிடைப்பதில்லை என்று கூறியிருக்கிறீர்கள்.

அவசரத்தில் செய்து விட்டேன்: குஷ்பு வருத்தம்!

அடிமட்ட தொண்டனாக இருந்து இன்று காங்கிரஸ் சார்பாக சட்டமன்ற, நாடாளுமன்றங்களை அலங்கரிக்கும் சகோதரிகள் ஜோதிமணி, விஜயதரணி, ரம்யா, ஹரிதாசை எல்லாம் உங்களுக்கு தெரியாதா? பெண்களுக்கான வாய்ப்பு குறித்து பேசுகிறீர்கள். பெங்களுக்கான 33 சதவீத இட ஒதுக்கீட்டில் நீங்கள் இப்போது சேர்ந்திருக்கும் பாஜகவின் நிலைப்பாடு என்ன?

அசுர பலத்துடன் ஆட்சியில் இருக்கும் பிரதமர் மோடி மகளிருக்கான 33 சதவீத இட ஒதுக்கீட்டை சட்டமாக்க முன்வருவாரா? உங்களால் அதனை வலியுறுத்த முடியுமா? மேகங்களால் வானை கறைப்படுத்த முடியாது. சில மேகங்கள் விலகும் போது வானம் இன்னும் அழகாகவே காட்சி தரும். துரோகிகள் வெளியேறுவதால் காங்கிரஸ் இயக்கம் நிச்சயம் வலிமை பெறும்.

காங்கிரஸ் கட்சி மீதான உங்கள் விமர்சனங்களை இத்தோடு நிறுத்திக் கொள்ளுங்கள். இல்லையெனில் உரிய பதிலடி கொடுக்கப்படும் என்று தெரிவிக்கப்பட்டுள்ளது.

Thanks for the Source

Share on Social Media

Leave a Reply

Your email address will not be published. Required fields are marked *