Share on Social Media



குப்பைமேனி காடுமேட்டில் வளரக்கூடியது. சிறு செடியாக வளரும். இதன் இலை பச்சைப்பசேலென முக்கோண வடிவமாக அரும்பு அரும்பாக இருக்கும். ஒரு சில இடங்களில் புள்ளிகள் இருக்கும். பூக்கள் வெண்மையாக சிறிய அளவில் இருக்கும். காய்கள் முக்கோணவடிவில் மிளகு போன்று இருக்கும். இந்த குப்பைமேனி ஆயுர்வேதத்தில் எப்படி பார்க்கப்படுகிறது என்பதை பார்க்கலாம்.

​குப்பைமேனி ஆயுர்வேதத்தில் எப்படி பார்க்கிறது?

குப்பைமேனி ஆயுர்வேதத்தில் எப்படி பார்க்கப்படுகிறது. அதன் நன்மைகள் என்னென்ன என்பதை ஆயுர்வேத மருத்துவ நிபுணர் G.K.தாராஜெயஸ்ரீ BAMS தரும் குறிப்புகளை பார்க்கலாம்.

Grinding Teeth : தூங்கும் போது பற்களை நறநறன்னு கடிக்கிறீங்களா? காரணம் என்ன தெரியுமா? தீர்வும் தெரிஞ்சுக்கங்க!

ஆஸ்துமாவுக்கு குப்பைமேனி

இலைகளின் சாறு மூச்சுக்குழாய் அழற்சி மற்றும் ஆஸ்துமா சிகிச்சைக்கு பயன்படுத்தப்படுகிறது. இதன் இலைச்சாறு சீரகம் மற்றும் மிளகு சேர்த்து சளிக்கு சிறந்த மருந்தாகிறது.

நிமோனியா நோயாளிகளுக்கு குப்பைமேனி இலைகளில் இருந்து எடுக்கப்படும் சாறுகளின் மூலம் சிகிச்சை அளிக்கப்படுகிறது.

​சிறுநீரகக்கோளாறுகள், மலச்சிக்கல் பிரச்சனை

samayam tamil Tamil News Spot

குப்பைமேனி இலைகளின் சாறு சிறுநீர் கழிப்பதில் ஏற்படும் அடைப்பு நிலைக்கு சிகிச்சை அளிக்க பயன்படுகிறது.

மலச்சிக்கல் பிரச்ச்னை இருப்பவர்கள் குப்பைமேனி இலையை சாறாக்கி அதனுடன் உப்பு சேர்த்து குடித்து வந்தால் மலமிளக்கியாக செயல்படுகிறது. தினசரி மலம் கழிக்கும் வழக்கத்தை உண்டாக்குகிறது.

​தோல் நோய்கள்

samayam tamil Tamil News Spot

குப்பைமேனி இலைச்சாற்றில் சிறிதளவு வெள்ளை சுண்ணாம்பு கலந்து கொள்ளவும். இந்த கலவையை வெளிப்புறமாக பாதிக்கப்பட்ட சருமத்தின் மீது தடவினால் தோல் நோய்கள் குணமாகும்.

சொரி, சிரங்கு போன்ற நிலையில் குப்பைமேனி இலைச்சாற்றை எடுத்து சருமத்தின் மீது தடவி வந்தால் சிரங்கு குணமாகும்.

குப்பைமேனி இலைச்சாற்றை தேங்காயெண்ணெய் மற்றும் மஞ்சள் தூளுடன் கலக்கவும். இந்த கலவையை டபுள் பாய்லிங் மெத்தட் முறையில் சூடாக்கவும். இதை சருமத்தின் மீது தடவி அவை காயும் வரை வைத்திருந்து பிறகு சுத்தம் செய்யவும். பலவிதமான தோல் பிரச்சனைகளுக்கு இவை நன்மை பயக்கும். இதை காயங்கள் மற்றும் வெட்டுக்களுக்கும் சிகிச்சையளிக்க பயன்படுத்தப்படுகிறது.

ரிங்வார்ம் பிரச்சனை இருந்தால் குப்பை மேனி இலைகளை பேஸ்ட் செய்து அதில் சிட்டிகை உப்பு கலந்து, இந்த பேஸ்ட்டை சொறி அல்லது தடிப்புகள் மீது தடவினால் சருமம் குணமாகும்.

உஷ்ணக்கொதிப்பால் அவதிப்படுபவர்கள், குப்பைமேனி இலை பசையை எலுமிச்சை சாறுடன் கலந்து பூசலாம். இது உஷ்ண கொதிப்பை அடக்கும்.

​குடல் புழுக்கள்

samayam tamil Tamil News Spot

குப்பைமேனி இலை வயிற்றில் இருக்கும் பூச்சிகளை அகற்ற உதவக்கூடும். குறிப்பாக குழந்தைகளுக்கு புழுக்களை அகற்ற குப்பை மேனி உதவும்.

cold soup : மூக்கடைப்போடு சளி வெளியே வரலன்னா இரண்டு வேளை இந்த சூப் குடிங்க! சளி மொத்தமா வெளியேறும்!

குப்பைமேனி இலையை சாறெடுத்து பூண்டு சாறு எடுத்து கலக்கவும். குழந்தைகளுக்கு குப்பைமேனி இலைச்சாறு அளவில் 10 மில்லி மற்றும் பெரியவர்களுக்கு 15-30 மில்லி அளவு என 15 நாட்களுக்கு அதிகாலையில் குடல் புழுக்களை வெளியேற்ற பயனுள்ளதாக இருக்கும்.

​வாந்தியை கட்டுப்படுத்தும்

samayam tamil Tamil News Spot

குழந்தைகளின் வாந்திக்கான காரணங்களில் இந்த இலைகளின் கஷாயம் மிகச்சிறந்த சிகிச்சையாக இருக்கு. இது வாந்தி தாக்குதலை கட்டுப்படுத்தும்.

​குழந்தைக்கு காது வலி

samayam tamil Tamil News Spot

குழந்தைக்கு காது வலி இருக்கும் போது குப்பைமேனி இலைகளை பேஸ்ட் ஆக்கி வலி உள்ள இடத்தில் பற்றுபோடலாம். இது காது வலியை திறம்பட குணப்படுத்த உதவும்.

கண் வலி, கண் தொற்றுகளுக்கு குப்பைமேனி கீரையின் சாறு பற்று போடலாம். இது கண் வலியை குணப்படுத்த செய்கிறது.

தலைவலி இருக்கும் போது குப்பைமேனி சாற்றை அந்த இடத்தில் வைத்து மசாஜ் செய்தால் தலைவலி குணமாகும். குப்பைமேனி இலையை இலேசாக வதக்கி தலையில் கட்டுப்போடுவதன் மூலம் தலைவலி குணப்படுத்தலாம்.

​புண்களுக்கும் காயங்களுக்கும் மருந்தாகும்

samayam tamil Tamil News Spot

இந்த இலைகளின் சாறு புண்கள் மற்றும் காயங்களுக்கு சிகிச்சையளிப்பதில் பயனுள்ளதாக இருக்கும். குப்பைமேனி இலையை உலர்த்தி தூளாக்கி வைத்துகொள்ளவும். இது படுக்கைப் புண்கள் மற்றும் பிற வகையான தொற்றுகள் மற்றும் காயங்களுக்கு சிகிச்சையளிக்க இதை பயன்படுத்தவும்.

தீக்காயங்கள் மற்றும் எரிச்சலிலிருந்து குணப்படுத்த குப்பைமேனி இலையை நசுக்கி காயங்கள் மீது தடவலாம். நச்சு இல்லாத பாம்பு தீண்டினால் வலியை குறைக்க இந்த இலைகளை இடித்து சாப்பிடுவது நல்லது. இது வலிக்கு நிவாரணம் அளிக்கிறது. இந்த இலைகளை மஞ்சளுடன் கலந்து பூசினால் விஷ பூச்சி கடி கூட குணமாகும்.

​கீல்வாதம்

samayam tamil Tamil News Spot

குப்பைமேனி இலைகளிலிருந்து சாறு எடுத்து அதில் உப்பு மற்றும் எண்ணெய் கலக்கவும். கீல்வாதம் சிகிச்சைக்கு இந்த எண்ணெயை பயன்படுத்துங்கள். குப்பைமேனி நரம்பியல், லேடரல் ஸ்களீரோசிஸ், சியாட்டிகா மற்றும் மல்டிபிள் ஸ்களீரோசிஸ் சிகிச்சைக்கு பயன்படுத்தப்படுகிறது.

karpooravalli: அதிக இருமலால் உண்டாகும் நெஞ்சுவலியையும் போக்கும் கற்பூரவல்லி, வேறு நன்மைகள் என்னென்ன?

குப்பைமேனியை பயன்படுத்தும் போது மருத்துவரின் வழிகாட்டுதலுடன் பயன்படுத்தினால் பலன் விரைவாக கிடைக்கும்.



Source link

Share on Social Media

Leave a Reply

Your email address will not be published.