Share on Social Media


ஹைலைட்ஸ்:

  • வென்ட்டிலேட்டர் வாங்க ரூ. 1 கோடி கொடுத்த நடிகை
  • நடிகை கிரண் கேரை பாராட்டும் ரசிகர்கள்
  • புற்றுநோயால் அவதிப்படும் கிரண் கேர்

கொரோனாவின் இரண்டாம் அலையால் மக்கள் அவதிப்பட்டுக் கொண்டிருக்கிறார்கள். மருத்துவமனைகளில் பெட் இல்லை, ஆக்சிஜன் சிலிண்டர் இல்லை, வென்ட்டிலேட்டர் இல்லை என்று புகார் மேல் புகார்கள் எழுந்து கொண்டிருக்கிறது.

யாராவது மருத்துவமனையில் ஒரு பெட், வென்ட்டிலேட்டர், மருந்து ஏற்பாடு செய்து கொடுக்க முடியுமா என்று பலரும் சமூக வலைதளங்களில் கேட்பதை பார்க்க முடிகிறது. இந்நிலையில் சண்டிகரில் இருக்கும்
பிஜிஐஎம்இஆர் மருத்துவ கல்லூரிக்கு வென்ட்டிலேட்டர்கள் வாங்க நாடாளுமன்ற உறுப்பினர்களின் (எம்.பி.) தொகுதி மேம்பாட்டு நிதித் திட்டத்தின் கீழ் ரூ. 1 கோடி கொடுத்துள்ளார் பிரபல பாலிவுட் நடிகையும், எம்.பி.யுமான கிரண் கேர்.

சண்டிகரை சேர்ந்த கிரண் கேர் செய்த காரியத்தை பார்த்த பலரும் அவரை பாராட்டிக் கொண்டிருக்கிறார்கள். கிரண் கேர் ரத்த புற்றுநோயால் பாதிக்கப்பட்டு மும்பையில் இருக்கும் மருத்துவமனை ஒன்றில் சிகிச்சை பெற்று வருகிறார்.
பிரபல நடிகைக்கு ரத்த புற்றுநோய்: மருத்துவமனையில் அனுமதிரத்த புற்றுநோயால் பாதிக்கப்பட்டு சிகிச்சை பெற்று வரும் இந்த நேரத்தில் அவர் கோவிட் நோயாளிகளுக்கு உதவ முன்வந்தது தான் பலரையும் கவர்ந்திருக்கிறது.

நிதி வழங்கியது குறித்து கிரண் கேர் ட்விட்டரில் கூறியிருப்பதாவது,
கோவிட் 19 நோயாளிகளுக்காக வென்ட்டிலேட்டர்கள் வாங்க சண்டிகரில் இருக்கும் பிஜிஐக்கு ரூ. 1 கோடி நிதி அளிக்கிறேன். நான் என் நகரம், என் மக்களுக்காக இருக்கிறேன் என்று தெரிவித்துள்ளார்.

கிரண் கேரின் ட்வீட்டை பார்த்தவர்கள் தெரிவித்துள்ளதாவது,

கோவிட் 19 நோயாளிகளுக்கு உதவிய உங்களுக்கு நன்றி. நீங்கள் விரைவில் குணமடைய பிரார்த்தனை செய்கிறோம். எம்.பி.க்கள் நிதியை அரசு நிறுத்தி வைத்துள்ளது அல்லவா?. அப்படி இருக்கும்போது நீங்கள் மட்டும் எப்படி நிதி அளிக்க முடியும். பாஜகவில் இருப்பதாலா என சிலர் கேள்வி எழுப்பியுள்ளனர்.

கிரண் கேரின் ட்வீட்டை பார்த்த அவரின் கணவர் அனுபம் கேர் தன் மனைவியின் செயலை பாராட்டியிருக்கிறார்.

கிரணின் உடல்நிலையில் முன்னேற்றம் ஏற்பட்டுள்ளதாக அனுபம் அண்மையில் பேட்டி ஒன்றில் தெரிவித்தார். மேலும் கிரணுக்காக பிரார்த்தனை செய்யுமாறு அவர் ரசிகர்களை கேட்டுக் கொண்டார்.



Source link

Share on Social Media

Leave a Reply

Your email address will not be published. Required fields are marked *