Share on Social Media


விக்ரம் நடிப்பில் வெளியான ‘ஜெமினி’ திரைப்படத்தின் மூலமாக தமிழ் சினிமாவிற்கு அறிமுகமானவர் கிரண். அதனை தொடர்ந்து அஜித்துடன் ‘வில்லன்’, கமல்ஹாசனுடன் ‘அன்பே சிவம்’, பிரசாந்த்துடன் ‘வின்னர்’ என பல முன்னணி ஹீரோக்களுக்கு ஜோடியாக நடித்தார். இந்நிலையில் நடிகர் ரஜினிகாந்துடன் நடிக்க கிடைத்த வாய்ப்பை தவறவிட்டது குறித்து தனது இன்ஸ்டாகிராம் பக்கத்தில் பதிவு ஒன்றை பகிர்ந்துள்ளார்.

தமிழ் சினிமாவில் பல முன்னணி நடிகர்களுடன் ஜோடியாக நடித்தாலும், தொடர்ந்து பட வாய்ப்புகள் கிடைக்காமல் சினிமாவில் இருந்து ஒதுங்கி இருந்தார். அதனை தொடர்ந்து ‘சகுனி’, ‘ஆம்பள’ உள்ளிட்ட படங்களில் கிடைக்கும் கதாபாத்திரங்களில் நடித்தார். தற்போது சமூக வலைத்தளத்தில் ஆக்டிவாக இருக்கும், தினமும் தனது பிகினி புகைப்படங்களை வெளியிட்டு ரசிகர்களை கிறங்கடித்து வருகிறார்.

இந்நிலையில் ரஜினிகாந்த் நடிப்பில் வெளியான ’பாபா’ திரைப்படத்தில் இடம்பெற்ற பாடல் ஒன்றை தனது சமூக வலைத்தளத்தில் பகிர்ந்த நடிகை கிரண், அதில் ரஜினியின் ஸ்டைலை புகழ்ந்து தள்ளியுள்ளார். மேலும்‘ரஜினியின் நடனத்தையும் நடிப்பையும் யாராலும் தொட முடியாது என்றும் பதிவு செய்துள்ளார்.

தரமான சம்பவத்திற்காக காத்திருக்கும் சூர்யா ரசிகர்கள்: வாடிவாசல் டைட்டில் லுக் நாளை ரிலீஸ்!
‘பாபா’ படத்தில் நாயகியாக நடிக்க தனக்கு தான் முதலில் வாய்ப்பு வந்ததாகவும் ஆனால் அந்த நேரத்தில் ’ஜெமினி’ படத்தில் விக்ரம் ஜோடியாக நடிக்க ஒப்பந்தம் ஆனதால் தன்னால் ரஜினியுடன் நடிக்க முடியவில்லை என்றும் அதனால் பாபா படத்தை தான் மிஸ் செய்து விட்டதாகவும் வருத்தத்துடன் அந்த பதிவில் குறிப்பிட்டுள்ளார் கிரண். அவரின் இந்த பதிவு தற்போது இணையத்தில் வைரலாகி வருகிறது.



Source link

Share on Social Media

Leave a Reply

Your email address will not be published. Required fields are marked *