Share on Social Media


ஹைலைட்ஸ்:

  • 6 ஒட்டகச் சிவிங்கிகள் தண்ணீர் தேடி அலைந்துள்ளன.
  • தண்ணீர் கிடைக்காமல் வறட்சியில் மரணம்.
  • ஒரே இடத்தில் அவை விழுந்து இறந்துள்ளன.

கென்யாவில் கடும் வறட்சியில் சிக்கி ஒட்டகச் சிவிங்கிகள் கூட்டமாக இறந்து கிடக்கும் காட்சி அடங்கிய புகைப்படம் வைரலாக பரவி வருகிறது. பார்ப்போர் நெஞ்சை வெடிக்க வைக்கும் இந்தக் காட்சி உள்ளது.

கடந்த செப்டம்பர் மாதம் முதலே கென்யாவில் மழை அடியோடு குறைந்து விட்டது. வழக்கத்தை விட 30 சதவீதம் குறைவான மழைதான் பதிவாகியுள்ளது. கடும் வறட்சியால் கென்யாவில் மனிதர்கள் மட்டுமல்லாமல் விலங்குகளும் கடும் பாதிப்பை சந்தித்துள்ளன.

இந்த நிலையில் அந்த நாட்டின் வாஜிர் பகுதியில் உள்ள சபுலி வனவிலங்குகள் காப்பகத்தில் குடிக்க தண்ணீர் கூட கிடைக்காமல் ஒட்டகச் சிவிங்கிகள் கூட்டமாக இறந்து கிடக்கும் காட்சி பார்ப்போரை நெஞ்சு வெடிக்கச் செய்துள்ளது. 6 ஒட்டகச் சிவிங்கிகள் ஒரே இடத்தில் இறந்து கிடக்கின்றன. இந்த புகைப்படம் உலக அளவில் வைரலாகி பலரையும் கண்ணீர் விட வைத்துள்ளது.

இந்த ஒட்டக சிவிங்கிகள் தண்ணீர் தேடித் தேடி அலைந்து திரிந்து ஓய்வடைந்த நிலையில் விழுந்து பரிதாபமாக உயிரிழந்துள்ளன. என்ன கொடுமை என்றால் அவை விழுந்து கிடந்த இடம் ஒரு சேறு நிறைந்த பகுதி. ஆனால் குடிக்க அங்கு நீர் இல்லாமல் பரிதாபமாக உயிரிழந்துள்ளன. ஆறு ஒட்டகச் சிவிங்கிகளின் உடல்களும் அங்கிருந்து அப்புறப்படுத்தப்பட்டுள்ளன.

கென்யாவில் நிலவி வரும் கொடுமையான வறட்சியை இந்தப் படம் மிகச் சரியாக உணர்த்துவதாக பலரும் கருத்து தெரிவித்து வருகின்றனர். கடும் வறட்சி காரணமாக வன விலங்குகள் படும் சிரமத்தை சொல்லில் வடிக்க முடியாது. இதுகுறித்து போர் அல்ஜி ஒட்டகச் சிவிங்கிகள் காப்பகத்தின் இப்ராகிம் அலி கூறுகையில், பல விலங்குகளைக் காப்பாற்ற முடியாத நிலையில் இருக்கிறோம். வீட்டு விலங்குகளுக்கு எப்படியாவது பாதுகாப்பு கிடைத்து விடுகிறது. ஆனால் வன விலங்குகள்தான் பெரும் பாதிப்பை சந்தித்து வருகின்றன. ஆற்றங்கரையோரங்களில் விவசாயம் நடந்து வருவதால் ஒட்டகச் சிவிங்கிகளுக்கு தண்ணீர் கிடைப்பதில் பிரச்சினை உள்ளது என்றார்.

கென்யாவின் கரிசா பிராந்தியத்தில் மட்டும் 4000 ஒட்டகச் சிவிங்கிகள் அபாய நிலையில் உள்ளதாக கூறப்படுகிறது. இவற்றைக் காக்க அவசர கால நடவடிக்கைகள் தேவை என்றும் கோரிக்கை எழுந்துள்ளது. கென்யாவில் நிலவி வரும் வறட்சியை தேசிய பேரிடர் என்று அந்த நாட்டு அதிபர் உஹுரு கென்யட்டா அறிவித்துள்ளார். வறட்சியால் பாதிக்கப்பட்ட 20 லட்சம் மக்களுக்கு உதவுவதற்காக அந்த நாட்டு அரசு நிதியையும் விடுவித்துள்ளது.



Source link

Share on Social Media

Leave a Reply

Your email address will not be published. Required fields are marked *