Share on Social Media


​கற்பூரவல்லி சூப் – ( 2 டம்ளர் அளவு)

தேவை

கற்பூரவல்லி இலை – 15

தூதுவளை இலை – 5

வெற்றிலை – 2

ஒமம்- 1 டீஸ்பூன்

சீரகம் – 2 டீஸ்பூன்

மிளகு – 1 டீஸ்பூன் ( காரத்துக்கேற்ப கூட்டியோ குறைத்தோ எடுத்துகொள்ளலாம்)

இஞ்சி பூண்டு – அரை டீஸ்பூன்

தனியா விதை – 1 டீஸ்பூன்

நல்லெண்ணெய் – 2 டீஸ்பூன்

உப்பு – தேவைக்கு

கற்பூரவல்லி ,தூதுவளை, வெற்றிலை இலையை சுத்தம் செய்து பொடியாக நறுக்கவும் வைக்கவும். நறுக்கிய இலையில் மூன்றில் ஒரு பங்கு எடுத்து மைய அரைக்கவும்.

வாணலியில் நெய் விட்டு ஓமம், சீரக, மிளகு சேர்த்து வாசனை போகும் வரை வதக்கவும். இதை மிக்ஸீயில் ஒன்றிரண்டாக பொடித்து வைக்கவும்.

Diabetes Tests : சர்க்கரை நோயாளிகள் வருஷத்துக்கு ஒரு முறை கண்டிப்பா செய்ய வேண்டிய பரிசோதனைகள் என்னென்ன?

பாத்திரத்தில் மூன்று டம்ளர் நீர் விட்டு அவை கொதிக்கும் போது நறுக்கி வைத்திருக்கும் இலைகளை சேர்க்கவும். பிறகு வறுத்து அரைத்த பொடி சேர்த்து கொதிக்க விடவும். 15 நிமிடங்கள் வரை கொதிக்க விட்டு இறக்கவும். அனைத்து சேர்ந்து இறக்கும் போது மைய அரைத்து வைத்த இலை விழுதையும் இஞ்சி பூண்டையும்சேர்க்கவும். சத்தான கற்பூரவல்லி சூப் தயார்.

​எப்போது எவ்வளவு அளவு குடிக்கலாம்

samayam tamil Tamil News Spot

1 வயது குழந்தை முதல் இந்த சூப் குடிக்கலாம். குழந்தைக்கு தயாரிக்கும் போது காரம் குறைத்து பயன்படுத்த வேண்டும். அல்லது சூப் உடன் அதிக மடங்கு தண்ணீர் சேர்த்து கொடுக்க வேண்டும்.

3வயதுக்கு மேற்பட்ட குழந்தைகள் முதல் இந்த சூப் கொடுக்கலாம். வயதுக்கேற்ப காரம் கூட்டி குறைத்து கொடுக்கலாம். காலை உணவுக்கு பிறகு, மாலை நேரத்தில் என இரண்டு நாட்கள் தொடர்ந்து குடித்து வந்தால் சளி, இருமல் காணாமல் போகும். நுரையீரலில் சளி அடர்த்தியாக இருந்தாலும் அதை கரைத்து வெளியேற்றும். மூன்றாவது நாளிலிருந்து படிப்படியாக இருமல் குறையும். பிறகு சூப் அளவை குறைத்து பயன்படுத்தலாம்.

​இலைகளின் நன்மைகள்

samayam tamil Tamil News Spot

கற்பூரவல்லி செடிகளின் இலைகளை கசக்கி பிழிந்து அதன் சாற்றை மூக்கில் உறிஞ்சினாலே மூக்கடைப்பு சளி பிரச்சனை நீங்கும். வறட்டு இருமல், சளி போன்ற தொந்தரவுகளிலிருந்து சரி செய்யும் குணங்களை கொண்டது.

தூதுவளை துவையலை ஒரு மண்டலம் சாப்பிட்டு வந்தாலே இருமல், இரைப்பு, சளி போன்றவை குணமாகும். உடலுக்கு எதிர்ப்பு சக்தி கொடுக்கும் தன்மை தூதுவளைக்கு உண்டு. கப நோய் கொண்டிருப்பவர்கள் தூதுவளையை அரைத்து அடைபோல் செய்து சாப்பிடலாம். மூக்கில் நீர் வடிதலையும் கட்டுப்படுத்தும் தன்மை தூதுவளைக்கு உண்டு.

வெற்றிலை கைக்குழந்தைக்கும் மருந்தாகும். நெஞ்சு சளி இருந்தால் வெற்றிலையை நல்லெண்ணெயில் தடவி குழந்தையின் மார்பு பகுதியில் ஒற்றி எடுத்தால் சளி கரைந்து வெளியேறும். இன்றூம் கிராமப்புறங்களில் குழந்தைக்கு சளி இருமலை போக்க வெற்றிலை மருந்தாக தருவதுண்டு.

​மசாலாக்களின் நன்மைகள்

samayam tamil Tamil News Spot

ஓமம் மூலிகை மருத்துவத்தில் மட்டும் அல்லாமல் வீட்டில் பெரியவர்கள் இருக்கும் இடத்திலும் ஓமத்தின் பங்கு அளப்பரியது. ஓமம் குளிர்ச்சியினால் உண்டாகும் சளி, இருமல், வயிறு சம்மந்தமான நோய்களிலிருந்து நிவாரணம் அளிக்ககூடியது. இது வயிற்று கோளாறுகளை சரி செய்யும்.

வயிறு உப்புசம், வயிற்று கடுப்பு போன்றவற்றை சரி செய்யும். ஓமம் தொண்டைக்கட்டு, இருமலையும் சரி செய்யகூடும். அஜீரணக்கோளாறு மந்தத்தை போக்கும். ஆஸ்துமா நோயாளிகள் ஓமம் தண்ணீர் குடிப்பதன் மூலம் அறிகுறியை தணிக்கலாம்.

சீரகம் வயிறு மற்றும் செரிமான அமைப்பை வலுப்படுத்த செய்யும் சிறந்த உணவு பொருள். வயிற்று கோளாறுகளுக்கு குடல் கோளாறுகளுக்கு நன்மை செய்யும்.

constipation : மலம் வறண்டு கடினமா இருக்கா? மலச்சிக்கலுக்கு மருத்துவர் சொல்லும் எளிய குறிப்பு ! எல்லா வயதினருக்கும்!

ஜலதோஷத்தால் வரும் இருமலை கட்டுப்படுத்த மிளகு உதவும். மிளகு பொடியை உள்ளுக்கு சேர்த்து வந்தால் உடல் சோம்பல், சளி தொந்தரவுகள் போன்ற பிரச்சனையை சரி செய்ய கூடும்.

இஞ்சி காற்றுப்பாதையில் சுருக்கம் உண்டாவதை தடுத்து கோழை திரவ உருவாக்கத்தை துண்டிவிட செய்கிறது. சளி மற்றும் காய்ச்சலை விரட்ட பல நூற்றாண்டுகளாக இஞ்சி பயன்படுத்தப்படுகிறது. இது தொண்டைப்புண் ஆற்றும் வல்லமை கொண்டது. பூண்டு எடுத்து வந்தால் அது சளியை கரைத்து, சுவாச தடையை நீக்கும்.

மேற்கண்ட அனைத்து பொருள்களும் சேர்த்து எடுத்து வரும் போது சூப் நிச்சயம் சளி, இருமலை குணப்படுத்தும் சிறந்த உணவாக இருக்கும்.



Source link

Share on Social Media

Leave a Reply

Your email address will not be published. Required fields are marked *