Share on Social Media


ஹைலைட்ஸ்:

  • பிரபல நடிகர் கபில் சர்மாவை வீல் சேரில் பார்த்த ரசிகர்கள் அதிர்ச்சி
  • வீல் சேரில் வரும் அளவுக்கு கபில் சர்மாவுக்கு அப்படி என்னாச்சு?
  • நடக்க முடியாமல் வீல் சேரில் வந்த கபில் சர்மா

இந்தி படங்களில் நடித்து வருபவர் கபில் சர்மா. அவர் நடத்தும் தி கபில் சர்மா தொலைக்காட்சி நிகழ்ச்சி மிகவும் பிரபலம். பாலிவுட் பிரபலங்கள் பலர் தங்கள் படங்களை விளம்பரம் செய்ய தி கபில் சர்மா நிகழ்ச்சியில் கலந்து கொள்வார்கள்.

இந்நிலையில் நேற்று மும்பை விமான நிலையத்தில் கபில் சர்மாவை வீல் சேரில் பார்த்தவர்கள் அதிர்ச்சி அடைந்தனர். பார்க்க நன்றாக இருக்கிறார், ஆனால் ஏன் நடக்க முடியவில்லை, என்னாச்சு அவருக்கு என்று அங்கிருந்தவர்கள் பேசத் துவங்கினர்.

விமான நிலைய வாசலில் நின்ற புகைப்படக் கலைஞர்கள் கபில் சர்மாவை பார்த்ததும் புகைப்படம் எடுத்தனர். இதனால் கடுப்பான கபில் சர்மா அவர்களை திட்டி ஓரமாக போகச் சொன்னார். அப்பொழுது எடுக்கப்பட்ட வீடியோ வெளியாகி வைரலாகியுள்ளது.

கபில் சர்மா குழுவை சேர்ந்த ஒருவர் புகைப்படக் கலைஞர்களை அணுகி அந்த வீடியோவை நீக்குமாறு கேட்டார். அதற்கு அவர்களோ, கபில் எங்களை முட்டாள் என்று திட்டினார், வீடியோவை நீக்க முடியாது என்று கூறிவிட்டனர்.

கபில் சர்மாவுக்கு காலில் காயம் ஏற்பட்டிருக்க வேண்டும். அதனால் தான் அவர் நடக்கவில்லை. மேலும் அவர் ஒரு காலில் ஷூவை சரியாக அணியவில்லை. அதனால் காலில் தான் ஏதோ பிரச்சனை. எதுவாக இருந்தாலும் அவர் விரைவில் குணமடைய வேண்டும் என்று ரசிகர்கள் தெரிவித்துள்ளனர்.

கபில் சர்மா அண்மையில் தன் மகள் அனைராவுடன் சேர்ந்து எடுத்த புகைப்படத்தை சமூக வலைதளத்தில் வெளியிட்டார். அதற்கு ஏகப்பட்ட லைக்ஸுகள் கிடைத்தது. இரண்டாவது முறையாக கர்ப்பமாக இருந்த கபிலின் மனைவி கடந்த 1ம் தேதி காலை ஆண் குழந்தையை பெற்றெடுத்தார். தனக்கு மகன் பிறந்த தகவலை ட்விட்டரில் வெளியிட்டார் கபில் சர்மா.

தி கபில் சர்மா நிகழ்ச்சி தற்போதைக்கு நிறுத்தி வைக்கப்பட்டிருக்கிறது. விரைவில் அந்த நிகழ்ச்சியின் புது சீசனை துவங்குவார்களாம்.
50 வயசு ஹீரோவுக்கு 19 வயசு ஹீரோயின், என்ன கொடுமை சார் இது: நடிகை பொளேர்



Source link

Share on Social Media

Leave a Reply

Your email address will not be published. Required fields are marked *