Share on Social Media


ஹைலைட்ஸ்:

  • மே 7ஆம் தேதிக்கு முன்பாக இருந்த மனோ நிலையில் இருந்து மாற வேண்டும்
  • திமுகவின் மக்களுக்கான ஆட்சி என்பதை உணர்ந்து செயல்பட வேண்டும்

சேலம் மாவட்டம் வாழப்பாடி அருகே பாப்பநாயகன்பட்டி சோதனைச்சாவடியில் போலீசார் பணியில் ஈடுபட்டுக் கொண்டிருந்துள்ளனர். அப்போது, அவ்வழியே இருசக்கர வாகனத்தில் வந்த முருகேசன் என்பவர் மது போதையில் இருந்ததாக தெரிகிறது. இதனால், அவரது வாகனத்தை போலீசார் பறிமுதல் செய்துள்ளனர்.

இதையடுத்து, போலீசாருக்கும் குடிபோதையில் வந்தவர்களுக்குமிடையே வாக்குவாதம் ஏற்பட்டுள்ளதாக கூறப்படுகிறது. அப்போது, முருகேசன் போலீசாரை அநாகரிகமாக பேசி வாக்குவாதத்தில் ஈடுபட்டதாக கூறப்படுகிறது. இதனால், ஆத்திரமடைந்த சிறப்பு காவல் உதவி ஆய்வாளர் பெரியசாமி என்பவர், முருகேசனை லத்தியால் சரமாரியாக தாக்கியதில் அவர் உயிரிழந்துள்ளார்.

இச்சம்பவம் கடும் அதிர்ச்சியை ஏற்படுத்தியுள்ளது. இந்த நிலையில், சாமானிய மக்கள் மீது காவல்துறை கட்டவிழ்த்துவிடும் வன்முறைகள் நிறுத்தப்பட வேண்டும் என்று திமுக எம்.பி. கனிமொழி வலியுறுத்தியுள்ளார்.

இனிமேலும் அப்படித்தான்: சட்டப்பேரவையில் கெத்து காட்டிய ஸ்டாலின்!
மேலும், மே 7ஆம் தேதிக்கு முன்பாக இருந்த மனோ நிலையில் இருந்து மாற வேண்டும். நடப்பது திமுகவின் மக்களுக்கான ஆட்சி என்பதை உணர்ந்து செயல்பட வேண்டும் எனவும் கனிமொழி தனது ட்விட்டர் பக்கத்தில் எச்சரிக்கை விடுத்துள்ளார்.

முன்னதாக, தூத்துக்குடி மாவட்டம் சாத்தான்குளத்தை சேர்ந்த தந்தை ஜெயராஜ், மகன் பென்னிக்ஸ் ஆகியோர் காவல் நிலையத்தில் கடுமையாக தாக்கப்பட்டதில் பலியாகி ஓராண்டு நிறைவடைந்துள்ள நிலையில், அவர்களது குடும்பத்தினருக்கு ஆறுதல் கூறி கனிமொழி அஞ்சலி செலுத்தினார் என்பது குறிப்பிடத்தக்கது.



Thanks for the source

Share on Social Media

Leave a Reply

Your email address will not be published. Required fields are marked *