Share on Social Media


ஹைலைட்ஸ்:

  • கமல் ஹாசன், ஜீத்து ஜோசப் இடையே கருத்து வேறுபாடு
  • பாபநாசம் 2 படத்தை இயக்கும் கே. எஸ். ரவிக்குமார்?
  • ஜீத்து ஜோசப் வேண்டாம் என்று சொன்ன கமல்?

ஜீத்து ஜோசப் இயக்கத்தில் மோகன்லால், மீனா நடிப்பில் கடந்த 2013ம் ஆண்டு வெளியாகி சூப்பர் டூப்பர் ஹிட்டான த்ரிஷ்யம் படத்தின் இரண்டாம் பாகம் கடந்த 19ம் தேதி அமேசான் பிரைமில் வெளியானது. படத்தை பார்த்த ரசிகர்களும், திரையுலக பிரபலங்களும் அதை சமூக வலைதளங்களில் பாராட்டியுள்ளனர்.

த்ரிஷ்யம் 2 படத்திற்கு இந்த அளவுக்கு வரவேற்பு கிடைக்கும் என்று எதிர்பார்க்கவில்லை என ஜீத்து ஜோசப் தெரிவித்தார். த்ரிஷ்யம் 2 படத்தை தமிழ், தெலுங்கு மற்றும் இந்தியில் ரீமேக் செய்யப் போகிறார்கள்.

வெங்கடேஷ் நடிக்கும் தெலுங்கு ரீமேக்கின் ஷூட்டிங்கை மார்ச் மாதம் முதல் வாரத்தில் துவங்குகிறார்கள். கமல் ஹாசன் ஓகே சொன்னால் பாபநாசம் 2 படத்தை எடுக்கலாம் என்றார் ஜீத்து ஜோசப். இந்நிலையில் இது தொடர்பாக புது தகவல் வெளியாகியிருக்கிறது.

பாபநாசம் 2 படத்தை எடுப்பது தொடர்பாக ஜீத்து ஜோசப், கமல் ஹாசன் இடையே கருத்து வேறுபாடு ஏற்பட்டிருக்கிறதாம். கதையில் சில மாற்றங்களை செய்யச் சொல்கிறாராம் கமல். அவர் சொல்லும் மாற்றங்களை செய்ய ஜீத்து ஜோசபுக்கு இஷ்டம் இல்லையாம்.

ஹீரோ தன் கதையில் தலையிடுவது ஜீத்து ஜோசபுக்கு பிடிக்கவில்லை என்று கூறப்படுகிறது. இதையடுத்து பாபநாசம் 2 படத்தை தனக்கு பிடித்த இயக்குநரான கே.எஸ். ரவிக்குமாரை வைத்து இயக்க வைக்க முடிவு செய்திருக்கிறார் கமல் என்று கூறப்படுகிறது.

கமல் ஹாசனின் மக்கள் நீதி மய்யம் கட்சி தமிழக சட்டசபை தேர்தலில் போட்டியிடவிருக்கிறது. அதனால் அவர் தற்போது தேர்தல் வேலையில் பிசியாக இருக்கிறார். தேர்தல் முடிந்த பிறகு ஒரே ஷெட்யூலில் பாபநாசம் 2 படத்தை எடுக்க கமல் திட்டமிட்டிருக்கிறாராம்.
கமல் விஷயத்தில் நயன்தாரா போன்று அதிரடி முடிவு எடுப்பாரா கௌதமி?இதற்கிடையே பாபநாசம் படத்தில் நடித்த கௌதமி இரண்டாம் பாகத்திலும் நடிப்பாரா என்கிற கேள்வி எழுந்துள்ளது.



Source link

Share on Social Media

Leave a Reply

Your email address will not be published. Required fields are marked *