Share on Social Media


ஹைலைட்ஸ்:

  • களைகட்டிய அமெரிக்க அதிபர் பதவியேற்பு விழா
  • முதல் பெண் துணை அதிபரானார் கமலா ஹாரிஸ்
  • கமலா ஹாரிஸ் ஊதா நிற கோட்டின் பின்னணி இதுதான்

அமெரிக்காவின் 46வது அதிபராக குடியரசு கட்சியை சேர்ந்த ஜோ பைடனும், துணை அதிபராக இந்திய வம்சா வளியை சேர்ந்த கமலா ஹாரிஸும் நேற்று பதவியேற்றுக் கொண்டனர். அமெரிக்க வரலாற்றில் துணை அதிபராக கருப்பின, தெற்காசிய மற்றும் பெண் நபர் ஒருவர் பதவியேற்பது இதுவே முதல்முறையாகும். இந்த விழா வாஷிங்டனில் உள்ள நாடாளுமன்ற கேப்பிட்டால் வளாகத்தில் நடைபெற்றது. அதிபருக்கு உச்ச நீதிமன்ற தலைமை நீதிபதி ஹான் ராபர்ட்ஸும், துணை அதிபருக்கு உச்ச நீதிமன்ற நீதிபதி சோனியா சோடோமாயரும் பதவிப் பிரமாணம் செய்து வைத்தனர்.

பதவியேற்பு விழாவில் அமெரிக்காவின் முன்னாள் அதிபர்களான பராக் ஒபாமா, பில் கிளிண்டன், ஜார்ஜ் டபிள்யூ புஷ் ஆகியோர் பங்கேற்றனர். இந்த நிகழ்வில் பாடகி லேடி காகா அமெரிக்க தேசிய கீதத்தை பாடி சிறப்பித்தார். இதில் பங்கேற்ற கமலா ஹாரிஸ் ஊதா நிற கோட் அணிந்திருந்தார். இதன் பின்னணி குறித்து சுவாரஸியமான தகவல் ஒன்று வெளியாகியுள்ளது.

அமெரிக்க துணை அதிபராக பதவியேற்றார் கமலா ஹாரிஸ்.. உற்சாக கொண்டாட்டத்தில் துளசேந்திரபுரம்!
அதாவது, அமெரிக்காவின் குடியரசுக் கட்சியின் சிவப்பு நிறம் மற்றும் ஜனநாயகக் கட்சியின் நீல நிறம் ஆகியவற்றை ஒன்றிணைக்கும் வண்ணமே ஊதா நிறம் ஆகும். இதன் பொருள் ஒருங்கிணைந்த அமெரிக்கா (America United) என்பதாகும். அமெரிக்காவின் நலனிற்காக இரு கட்சிகளும் பரஸ்பரம் ஒத்துழைப்புடன் செயல்படுவதை வலியுறுத்துகிறது.

அமெரிக்காவில் பெண்களுக்கு வாக்குரிமை கேட்டு 19ஆம் நூற்றாண்டில் மிகப்பெரிய அளவில் போராட்டங்கள் நடத்தப்பட்டன. இதையடுத்து சுமார் 100 ஆண்டுகால போராட்டங்களின் விளைவாக பெண்களுக்கு வாக்குரிமை அளிக்கப்பட்டது. இந்த போராட்டத்தின் வண்ணமாக ஊதா இருந்துள்ளது.

சின்னத்திரையில் இன்றைய (ஜனவரி 21) திரைப்படங்கள்!
எனவே வாக்குரிமைக்காக போராடி பெண்கள் பெற்ற வெற்றியின் அடையாளமாக விளங்கும் ஊதா நிறத்தில் கோட் அணிந்து பதவியேற்பு விழாவை கமலா ஹாரிஸ் சிறப்பித்துள்ளார். இதன்மூலம் அமெரிக்க பெண்களின் மேம்பாட்டில் தனிக்கவனம் செலுத்துவேன் என்பதை உணர்த்தியிருக்கிறார். மேலும் ஜோ பைடன் மனைவி ஜில், மிட்சேல் ஒபாமா, ஹிலாரி கிளிண்டன் ஆகியோரும் ஊதா நிற ஆடை அணிந்திருந்தது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *