Share on Social Media


ஹைலைட்ஸ்:

  • இடியாப்ப சிக்கலாகிவிட்ட இந்தியன் 2 பிரச்சனை
  • கமலின் விக்ரம் படப்பிடிப்பை துவங்குவதில் சிக்கல்

கொரோனா வைரஸ் பிரச்சனை எல்லாம் ஏற்படுவதற்கு முன்பு ஷங்கர் இயக்கத்தில் இந்தியன் 2 படத்தில் நடித்து வந்தார் கமல் ஹாசன். கடந்த ஆண்டு பிப்ரவரி மாதம் செட்டில் கிரேன் விழுந்த விபத்தில் 3 பேர் பலியான பிறகு நிறுத்தி வைக்கப்பட்ட படப்பிடிப்பு இதுவரை துவங்கப்படவில்லை.

இந்நிலையில் 2 புதுப்படங்களை இயக்க ஒப்பந்தமாகியுள்ளார் ஷங்கர். அதை பார்த்த லைகா நிறுவனமோ இந்தியன் 2 படத்தை முடித்துக் கொடுக்காமல் புதுப்படங்களை இயக்கக் கூடாது என்று கூறி சென்னை உயர் நீதிமன்றத்தை அணுகியுள்ளது.

இரு தரப்பைும் பேச்சுவார்த்தை நடத்தி பிரச்சனையை தீர்க்குமாறு நீதிமன்றம் தெரிவித்தது. ஆனால் ஷங்கர், லைகா இடையே நடந்த பேச்சுவார்த்தை தோல்வி அடைந்தது. இதையடுத்து நீதிமன்றத்தின் தீர்ப்பை தான் இரு தரப்பும் எதிர்பார்த்துக் கொண்டிருக்கிறது.

இதற்கிடையே ஷங்கர், லைகா இடையேயான பிரச்சனையை தீர்க்க கமல் எடுத்த முயற்சியும் தோல்வி அடைந்துவிட்டதாம். லோகேஷ் கனகராஜ் இயக்கத்தில் விக்ரம் படத்தில் நடிக்கவிருக்கிறார் கமல்.

கொரோனாவின் இரண்டாம் அலை ஓய்ந்த பிறகு படப்பிடிப்பை துவங்க முடிவு செய்துள்ளனர். ஆனால் படப்பிடிப்பை துவங்குவதில் சிக்கல் ஏற்பட்டுள்ளது. இந்தியன் 2 படம் குறித்து உயர் நீதிமன்றம் என்ன சொல்லப் போகிறது என்பதை பொறுத்தே விக்ரம் படப்பிடிப்பை துவங்க முடியுமாம்.

விக்ரம் படப்பிடிப்பை ஒரே ஷெட்யூலில் முடிக்க திட்டமிட்டுள்ளார் லோகேஷ். இந்நிலையில் இந்தியன் 2 படத்தை உடனே முடிக்க வேண்டும் என்று நீதிமன்றம் உத்தரவிட்டால் விக்ரம் படப்பிடிப்பை துவங்க முடியாது.

விக்ரம் படப்பிடிப்பை துவங்கிய பிறகு நீதிமன்றத்தின் தீர்ப்பு வந்தால், கமல் உடனே இந்தியன் 2 படப்பிடிப்பில் கலந்து கொள்ள வேண்டும். அதனால் நீதிமன்றத்தின் தீர்ப்பை இந்தியன் 2 படக்குழு மட்டும் அல்ல விக்ரம் படக்குழுவும் எதிர்பார்த்து காத்துக் கொண்டிருக்கிறது.
கமல் ரசிகர்களே, நீங்கள் பயந்தது மாதிரியே நடந்துடுச்சுவிக்ரம் படத்தில் கமலுக்கு வில்லனாக விஜய் சேதுபதி நடிக்கிறார். பிரபல மலையாள நடிகரான ஃபஹத் ஃபாசில் முக்கிய கதாபாத்திரத்தில் நடிக்கிறார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *