Share on Social Media


ஹைலைட்ஸ்:

  • த்ரிஷ்யம் 2 தமிழில் ரீமேக் செய்யப்படாது- ஜீத்து ஜோசப்
  • பாபநாசம் 2 படத்திற்கு வாய்ப்பே இல்லை
  • விக்ரம் படத்திற்கு தயாராகி வரும் கமல்

ஜீத்து ஜோசப் தான் இயக்கிய த்ரிஷ்யம் படத்தை உலக நாயகன் கமல் ஹாசன், கவுதமி, நிவேதா தாமஸ் உள்ளிட்டோரை வைத்து பாபநாசம் என்கிற பெயரில் தமிழில் ரீமேக் செய்தார். த்ரிஷ்யத்தை போன்றே பாபநாசம் படமும் சூப்பர் ஹிட்டானது.

இந்நிலையில் த்ரிஷ்யம் 2 படத்தை எடுத்து வெளியிட்டு பெரிய அளவில் வெற்றி கண்டுள்ளார் ஜீத்து ஜோசப். அந்த படத்தை வெங்கடேஷை வைத்து தெலுங்கில் ரீமேக் செய்து முடித்துவிட்டார். படம் ரிலீஸுக்கு தயாராகி வருகிறது.

இதற்கிடையே த்ரிஷ்யம் 2 படத்தை தமிழில் ரீமேக் செய்கிறார் ஜீத்து ஜோசப், அதில் கவுதமிக்கு பதில் மீனா நடிக்கிறார் என்று தகவல் வெளியானது. பாபநாசம் படத்திற்கு பிறகு கமலும், கவுதமியும் பிரிந்துவிட்டதால் இப்படி ஒரு முடிவு என்று கூறப்பட்டது. ஆனால் அந்த தகவலில் உண்மை இல்லை.

த்ரிஷ்யம் 2 படம் தமிழில் ரீமேக் செய்யப்படாது என்று ஜீத்து ஜோசப் பேட்டி ஒன்றில் தெரிவித்துள்ளார். த்ரிஷ்யம் 2 படத்தை தமிழில் ரீமேக் செய்தால் கவுதமிக்கு பதில் வேறு ஒருவரை நடிக்க வைக்க வேண்டும், திரைக்கதையில் மாற்றம் செய்ய வேண்டும் என்பதால் அதை ரீமேக் செய்யாமல் இருப்பதே சிறந்தது என்று முடிவு செய்துவிட்டாராம் ஜீத்து ஜோசப்.

இது குறித்து அறிந்தவர்களோ, கமலுக்கும், இரண்டாம் பாகத்திற்கும் ராசியில்லை என்கிறார்கள். ஷங்கர் இயக்கத்தில் கமல் நடித்து வந்த இந்தியன் 2 பட வேலை பாதியில் நிற்கிறது. படப்பிடிப்பை மீண்டும் துவங்குவது குறித்து ஷங்கர், லைகா நிறுவனம் இடையே நடந்த பேச்சுவார்த்தை தோல்வி அடைந்தது.

இந்தியன் 2 பட வேலையை முடிக்கும் வரை பிற படங்களை இயக்க ஷங்கருக்கு தடை விதிக்க வேண்டும் என்று கோரிய லைகாவின் வேண்டுகோளை ஏற்க சென்னை உயர் நீதிமன்றம் மறுத்துவிட்டது என்பது குறிப்பிடத்தக்கது.
இப்படி ஒரு பரிதாபமா, அர்ஜுன் வீட்டு குழந்தையின் வைரல் வீடியோ: ரசிகர்கள் கண்ணீர்



Source link

Share on Social Media

Leave a Reply

Your email address will not be published. Required fields are marked *