Share on Social Media


பாபநாசம் 2 படத்தில் மீனா நடிக்கிறார் என்று கூறப்பட்ட நிலையில் அவரோ, இது பற்றி கமல் ஹாசனிடம் கேட்கச் சொல்லியிருக்கிறார்.

பாபநாசம் 2

த்ரிஷ்யம் படத்தை உலக நாயகன் கமல் ஹாசன், கவுதமி, நிவேதா தாமஸ் உள்ளிட்டோரை வைத்து பாபநாசம் என்கிற பெயரில் தமிழில் ரீமேக் செய்து வெற்றி கண்டார் ஜீத்து ஜோசப். இந்நிலையில் அவர் த்ரிஷ்யம் 2 படத்தை இயக்கி, வெளியிட்டார். அமேசான் பிரைமில் வெளியான அந்த படத்திற்கு அமோக வரவேற்பு கிடைத்தது. இந்நிலையில் த்ரிஷ்யம் 2 பட வெற்றியை அடுத்து பாபநாசம் 2 படத்தை எடுக்கப் போகிறார் ஜீத்து ஜோசப் என்று தகவல் வெளியாகியுள்ளது.

கமல்

samayam tamil Tamil News Spot

பாபநாசம் 2 படப்பிடிப்பை ஒரே ஷெட்யூலில் முடிக்க திட்டமிட்டுள்ளாராம் ஜீத்து ஜோசப். இதற்காக 35 நாட்கள் டேட்ஸ் ஒதுக்க கமல் முடிவு செய்திருப்பதாக கூறப்படுகிறது. பாபநாசம் படத்திற்கு பிறகு கமலும், கவுதமியும் பிரிந்துவிட்டார்கள். அதனால் பாபநாசம் 2 படத்தில் கவுதமிக்கு பதில் த்ரிஷ்யம், த்ரிஷ்யம் 2 ஆகிய படங்களில் நடித்த மீனாவையே நடிக்க வைக்கப் போவதாக கூறப்பட்டது. மீனா இல்லை நதியாவிடம் பேச்சுவார்த்தை நடந்து வருகிறது என்று தகவல் வெளியானது.

மீனா

samayam tamil Tamil News Spot

இன்ஸ்டாகிராம் பக்கம் வந்த மீனா, ரசிகர்கள் கேட்ட கேள்விகளுக்கு பதில் அளித்தார். அப்பொழுது ஒருவரோ, நீங்கள் பாபநாசம் 2 படத்தில் நடிக்கிறீர்களா என்று கேட்டார். அதற்கு மீனாவோ, கமல் சாரிடம் கேளுங்கள் என்றார். மற்றொரு ரசிகரோ, தன்னை திருமணம் செய்து கொள்ளுமாறு கேட்க, மீனாவோ நீங்கள் கொஞ்சம் லேட் என்று கூறி தன் திருமண புகைப்படத்தை வெளியிட்டுள்ளார்.

அண்ணாத்த

samayam tamil Tamil News Spot

பாபநாசம் 2 படத்திற்கு மீனா அப்படி பதில் அளித்தாலும், கமலுடன் மீண்டும் சேர்ந்து நடிக்க ஆவலாக இருப்பதாக கூறியிருக்கிறார். பல ஆண்டுகள் கழித்து ரஜினியுடன் சேர்ந்து அண்ணாத்த படத்தில் நடித்துள்ளார் மீனா. இந்நிலையில் தான் மீண்டும் கமலுடன் சேர்ந்து நடிக்க விருப்பம் தெரிவித்துள்ளார். அண்ணாத்த படத்தில் மீனா தொடர்பான காட்சிகள் படமாக்கப்பட வேண்டியிருக்கிறது என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *