Share on Social Media


ஹைலைட்ஸ்:

  • காஜலை அம்மாவாக பார்க்க விரும்பும் நிஷா அகர்வால்
  • காஜல் விஷயத்தில் சுயநலமாக யோசிக்கும் தங்கை


காஜல் அகர்வால் நேற்று தன் 36வது பிறந்தநாளை கொண்டாடினார். திருமணம் முடிந்த பிறகு அவர் கொண்டாடிய முதல் பிறந்தநாள் இது. அதனால் கணவர் கவுதம் கிட்ச்லு இதை சிறப்பான முறையில் கொண்டாடினார்.

காஜலும், அவரின் தங்கை நிஷாவும் நெருக்கமானவர்கள். காஜல் வழியில் நடிக்க வந்தார் நிஷா. ஒரு கட்டத்தில் நடிப்புக்கு முழுக்கு போட்டுவிட்டு திருமணம் செய்து கொண்டு செட்டில் ஆகிவிட்டார். அவருக்கு ஒரு மகன் இருக்கிறார்.

இந்நிலையில் அக்கா காஜல் பற்றி நிஷா பேட்டி ஒன்றில் கூறியதாவது,

காஜல் விரைவில் குழந்தை பெற்றுக்கொள்ள வேண்டும் என்று விரும்புகிறேன். அதற்கு சுயநலமான காரணங்கள் உள்ளது. சீக்கிரமாக தாயாகு என்று அவருக்கு திருமணமானதில் இருந்து கூறி வருகிறேன்.

அவர் குழந்தை பெற்றுக்கொள்வதில் தாமதமானால் அந்த பிள்ளைக்கும், என் மகனுக்கும் இடையேயான வயது வித்தியாசம் அதிகமாக இருக்கும். அதனால் என் மகன், காஜலின் பிள்ளையுடன் நெருக்கமாக இருக்க மாட்டான். அவனுக்கு ஏற்கனவே 3 வயதாகிவிட்டது. அதனால் காஜலும், கவுதமும் விரைவில் பெற்றோராக வேண்டும்.

என் மகன் காஜலுடன் மிகவும் நெருக்கம். அவனுக்கு காஜல் பெரியம்மா என்பதை தாண்டி ஒரு அம்மா போன்றவர். நம் வாழ்வில் சகோதரரோ, சகோதரியோ இருப்பது நாம் செய்த அதிர்ஷ்டம் என்று நினைக்கிறேன். உதாரணமாக, என் மகனுக்கு உடன் பிறந்தவர்கள் இல்லை. அம்மா எனக்கு தம்பி அல்லது தங்கை வேண்டும் என்று அவன் கேட்கிறான்.

சரிடா செல்லம், போய் காஜல் பெரியம்மாவிடம் கேள் என்று நான் அவனிடம் கூறுகிறேன் என்றார்.

காஜலும், கவுதம் கிட்ச்லுவும் கடந்த ஆண்டு அக்டோபர் மாதம் திருமணம் செய்து கொண்டார்கள். திருமணத்திற்கு பிறகு காஜலும், கவுதமும் அவரவர் கெரியரில் பிசியாக இருக்கிறார்கள். அதே சமயம், கணவர் ஒரு வார்த்தை சொன்னால் நடிப்புக்கு முழுக்கு போட்டுவிடுவேன் என்று காஜல் அண்மையில் கூறினார் என்பது குறிப்பிடத்தக்கது.
ஜகமே தந்திரம் இப்படி ஆனபோதிலும் செம குஷியில் தனுஷ்: காரணம்…



Source link

Share on Social Media

Leave a Reply

Your email address will not be published. Required fields are marked *