1604309889 pic Tamil News Spot
Share on Social Media

காஜல் அகர்வால் தன் காதலரான தொழில் அதிபர் கவுதம் கிட்ச்லுவை கடந்த 30ம் தேதி திருமணம் செய்து கொண்டார். அவர்களின் திருமணம் மும்பையில் இருக்கும் ஸ்டார் ஹோட்டலில் நடந்தது. கொரோனா வைரஸ் பிரச்சனையாக இருப்பதால் திருமணத்தில் 50 பேர் மட்டுமே கலந்து கொண்டார்கள்.

திருமணத்திற்கு வந்த அனைவருக்கும் கொரோனா வைரஸ் பாதிப்பு இருக்கிறதா என்று பரிசோதனை செய்யப்பட்டது. திருமணத்தின்போது எடுக்கப்பட்ட புகைப்படங்கள் வெளியாகி வைரலாகின.

காதலரை திருமணம் செய்த காஜல் அகர்வால்: குவியும் வாழ்த்து

திருமணத்தன்று காஜல் அணிந்திருந்த லெஹங்கா பிரபல ஆடை வடிமைப்பாளரான அனாமிகா கன்னா வடிவமைத்தது ஆகும். அந்த லெஹங்காவை இருபது பேர் சேர்ந்து ஒரு மாதத்தில் உருவாக்கியிருக்கிறார்கள். காஜல் அணிந்திருந்த லெஹங்கா பலருக்கும் பிடித்துவிட்டது. அதே போன்ற லெஹங்காவில் திருமணம் செய்து கொள்ள ஆசையாக இருப்பதாக ரசிகைகள் சிலர் தெரிவித்துள்ளனர்.

கவுதம் கிட்ச்லு அணிந்திருந்த ஷெர்வானியை அனிதா டோங்கரே வடிவமைத்தார். தன் திருமணம் குறித்து காஜல் சமூக வலைதளத்தில் கூறியிருந்ததாவது,

இது போன்ற நேரத்தில் திருமண ஏற்பாடுகள் செய்வது சவாலாக இருந்தது. இருப்பினும் நாங்கள் விதிமுறைகளை பின்பற்றினோம். திருமணத்தை பிரமாண்டமாக நடத்தவில்லை. விருந்தினர் அனைவரும் பரிசோதனை செய்யப்பட்டார்கள்.

திருமணத்திற்கு வந்திருந்த அனைவருக்கும் நன்றியை தெரிவித்துக் கொள்கிறோம். ஆன்லைன் மூலம் கலந்து கொண்டவர்களை ரொம்பவே மிஸ் செய்தோம். உங்களை விரைவில் பார்ப்போம் என்று நம்புகிறோம் என்றார்.

திருமணத்திற்கு பிறகும் தொடர்ந்து படங்களில் நடிக்கவிருக்கிறார் காஜல். அவர் ஷங்கர் இயக்கத்தில் கமல் ஹாசனுடன் சேர்ந்து இந்தியன் 2 படத்தில் நடித்து வந்தார். கிரேன் விபத்து, கொரோனா வைரஸ் பிரச்சனையால் இந்தியன் 2 படப்பிடிப்பு பாதிக்கப்பட்டுள்ளது. படப்பிடிப்பை மீண்டும் எப்பொழுது துவங்குவார்கள் என்று தெரியவில்லை. மேலும் சிரஞ்சீவி ஜோடியாக ஆச்சார்யா படத்தில் நடிக்கிறார் காஜல்.

Thanks for the Source

Share on Social Media

Leave a Reply

Your email address will not be published. Required fields are marked *