Share on Social Media


ஹைலைட்ஸ்:

  • கதாநாயகிக்கு முக்கியத்துவம் அளிக்கும் கதாபாத்திரத்தில் நடிக்கும் காஜல் அகர்வால்.
  • பிரபல விளம்பர படங்களை இயக்கிய தாதாகாதா சின்ஹா இயக்கும் ‘உமா’ திரைப்படம்.
  • கொரோனா லாக்டவுனுக்கு பிறகு துவங்கும் காஜல் அகர்வாலின் ‘உமா’ திரைப்பட ஷுட்டிங்.

கதாநாயகிகளுக்கு முக்கியத்துவம் அளிக்கும் திரைக்கதைகள் ரசிகர்களிடம் தொடர் வரவேற்பை பெற்று வருவதால், பல முன்னணி நடிகைகள் டைட்டில் ரோலில் நடிக்க ஆர்வம் காட்டி வருகின்றனர். இந்நிலையில் நடிகை காஜல் அகர்வாலின் அடுத்த திரைப்படம் குறித்த அப்டேட் ஒன்று வெளியாகியுள்ளது. உமா என தலைப்பிடப்பட்டுள்ள புதிய திரைப்படத்தில் லீடிங் ரோலில் நடிக்க உள்ளார் காஜல் அகர்வால்.

விஜய், அஜித், தனுஷ்,சூர்யா என தமிழ் சினிமாவின் முன்னணி நடிகர்களின் திரைப்படங்களில் நடித்து பிரபலமான நடிகையாக திகழ்பவர் நடிகை காஜல் அகர்வால். இவர் தமிழ், தெலுங்கு, இந்தி ஆகிய மொழி திரைப்படங்களில் நடித்துள்ளார். இந்நிலையில் காஜல் அகர்வால் நடிக்கவுள்ள புதிய திரைப்படம் குறித்த அப்டேட் ஒன்று வெளியாகியுள்ளது.

’உமா’ என்று தலைப்பிடப்பட்டுள்ள புதிய திரைப்படத்தில் உமா என்றகேரக்டரில் நடிக்க உள்ளார் காஜல் அகர்வால். இந்த படத்தை விளம்பர படங்களை இயக்கிய தாதாகாதா சின்ஹா என்பவர் இயக்க உள்ளதாகவும், அவிஷேக் கோஷ் என்பவர் தயாரிக்க உள்ளதாகவும் தகவல்கள் வெளியாகியுள்ளது.

விஜய் சேதுபதியை கல்யாணம் செய்வீர்கள் என்று நினைத்தேன்.. ரசிகரின் கேள்விக்கு பதிலளித்த வர்ஷா பொல்லாமா!
மேலும் இந்த திரைப்படத்தில் நடிக்கவுள்ள மற்ற நடிகர்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகும் என எதிர்பார்க்கப்படுகிறது. கொரோனா ஊரடங்கு முடிவடைந்த பின்னர் இந்த படத்தின் படப்பிடிப்பு துவங்கும் என்ற தகவல்கள் வெளியாகியுள்ளன. நாயகிக்கு முக்கியத்துவம் அளிக்கும் கதாபாத்திரத்தில் காஜல் அகர்வால் நடிக்கவிருப்பதால், இந்த படத்தை ஆர்வமுடன் எதிர்பார்த்து வருகின்றனர் அவரின் ரசிகர்கள்.

நடிகை காஜல் அகர்வால் ஏற்கனவே கமல்ஹாசன் நடிக்கும் ’இந்தியன் 2’ நடன இயக்குனர் பிருந்தா இயக்கும் ‘ஹே சினாமிகா’, சிரஞ்சீவி நடித்துவரும் ’ஆச்சார்யா’ மற்றும் ’கோஸ்டி’ உள்பட ஒருசில திரைப்படங்களில் நடித்து வருகிறார். அண்மையில் வெங்கட் பிரபு இயக்கத்தில் காஜல் அகர்வால் நடிப்பில் ஓடிடி ரிலீசாக வெளியான லைவ் டெலிகாஸ்ட் திரைப்படம் ரசிகர்களிடம் வரவேற்பை பெற்றது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *