1602817841 pic Tamil News Spot
Share on Social Media

விருமாண்டி இயக்கத்தில் விஜய் சேதுபதி, ஐஸ்வர்யா ராஜேஷ் உள்ளிட்டோர் நடித்த க/பெ.ரணசிங்கம் படம் ஓடிடியில் வெளியானது. படத்தை பார்த்தவர்கள் இன்று வரை சமூக வலைதளங்களில் பாராட்டிக் கொண்டிருக்கிறார்கள். ஐஸ்வர்யா ராஜேஷின் நடிப்பை பாராட்டாதவர்களே இல்லை எனலாம்.

படத்தை பார்த்துவிட்டு ஏமாற்றம் அடைந்ததாக தெரிவித்தவர்களும் இருக்கிறார்கள். இந்நிலையில் க/பெ.ரணசிங்கம் படத்தின் கதை திருடப்பட்டது என்று புதுக்கோட்டை மாவட்டம் கறம்பக்குடி அருகே இருக்கும் தீத்தான் விடுதியை சேர்ந்த எழுத்தாளர் மிடறு முருகதாஸ் கூறியுள்ளார்.

இது குறித்து முருகதாஸ் கறம்பக்குடி காவல் நிலையத்தில் புகார் அளித்துள்ளார். அந்த புகார் மனுவில் முருகதாஸ் கூறியிருப்பதாவது,

நான் கடந்த 20 ஆண்டுகளுக்கு மேலாக பல்வேறு இதழ்களில் கதை, கட்டுரை, கவிதை போன்றவற்றை எழுதி வருகிறேன். தமிழ்நாடு முற்போக்கு எழுத்தாளர் சங்கத்தின் நிர்வாகியாகவும் உள்ளேன்.

இந்நிலையில் நான் எழுதி கடந்த 2017ம் ஆண்டு கதை சொல்லி மாத இதழில் வெளியான தவிப்பு என்ற கதையை மையமாக வைத்து க/பெ.ரணசிங்கம் திரைப்படம் எடுக்கப்பட்டுள்ளது. இந்த கதை 2018ம் ஆண்டு நான் வெளியிட்ட தூக்கு கூடை என்ற புத்தகத்திலும் இடம் பெற்றுள்ளது.

எனவே அனுமதி பெறாமலேயே எனது கதையை பயன்படுத்தி, க/பெ.ரணசிங்கம் திரைப்படத்தை எடுத்த இயக்குனர் விருமாண்டி மீது நடவடிக்கை எடுக்க வேண்டும் என்று அவர் அதில் தெரிவித்துள்ளார்.

கதை குறித்து முருகதாஸ் செய்தியாளர்களையும் சந்தித்தார். அப்பொழுது அவர் கூறியதாவது,

க/பெ.ரணசிங்கம் படத்தில் என் கதையை பயன்படுத்தியிருப்பது தெரிகிறது. என்னிடம் கேட்டிருந்தால் எதையும் எதிர்பார்க்காமல் நானே கொடுத்திருப்பேன். ஆனால் எனக்கு தெரியாமல் என் கதையை பயன்படுத்தியிருப்பது தான் வருத்தம் அளிக்கிறது என்றார்.

தமிழினத் துரோகியின் முகம் உங்கள் முகமாக வேண்டுமா விஜய் சேதுபதி?: பாரதிராஜா

விஜய் சேதுபதிக்கு அடுத்தடுத்து பிரச்சனையாக உள்ளது. அவர் இலங்கையை சேர்ந்த முன்னாள் கிரிக்கெட் வீரர் முத்தையா முரளிதரனாக நடிப்பதற்கு கடும் எதிர்ப்பு கிளம்பியுள்ளது. விஜய் சேதுபதி 800 படத்தில் இருந்து விலகி விட வேண்டும் என்று பலரும் கோரிக்கை விடுத்துள்ளார்கள்.

மீறி நடித்தால் படத்தை புறக்கணிப்போம் என்று எச்சரிக்கை விடுத்துள்ளனர். இந்நிலையில் க/பெ.ரணசிங்கம் கதை திருட்டு பிரச்சனையில் சிக்கியுள்ளது.

Thanks for the Source

Share on Social Media

Leave a Reply

Your email address will not be published. Required fields are marked *