Share on Social Media


தமிழகத்தில் மிகப்பெரும் ஆளுமைகளான ஜெயலலிதா, கருணாநிதி ஆகியோர் மறைவுக்கு பின்னர் தமிழகத்தில் வெற்றிடம் இருப்பதாகவும், அவர்களை போன்று ஆளுமைமிக்க தலைவர்கள் தமிழகத்தில் இல்லை என்றும் கூறப்பட்டு வருகிறது. திமுகவில் கருணாநிதியின் இடத்தை ஸ்டாலின் நிரப்பி விட்டார் என்றும், ஆனால், அதிமுகவை பொறுத்தவரை எடப்பாடி பழனிசாமி சாமானியர்களின் முதல்வராக இருப்பினும், ஜெயலலிதாவின் இடமும், ஆளுமையையும் நிரப்பப்பட வில்லை என்ற விமர்சனங்களும் முன் வைக்கப்பட்டு வருகிறது.

இந்த நிலையில், ஆளுமைமிக்க தலைவர் எடப்பாடி பழனிசாமி என்று பாஜக தேசிய தலைவர் ஜே.பி.நட்டா புகழாரம் சூடியுள்ளார். துக்ளக் வார இதழின் 51ஆவது ஆண்டு விழா சென்னை கலைவாணர் அரங்கத்தில் நடந்து வருகிறது. அதில், பாஜக தேசியத் தலைவர் ஜே.பி.நட்டா கலந்து கொண்டுள்ளார். முன்னதாக, அமித் ஷா இந்த நிகழ்ச்சியில் கலந்து கொள்வதாக இருந்தது. ஆனால், அவரது வருகை திடீரென ரத்து செய்யப்பட்டதால் அவருக்கு பதிலாக ஜே.பி.நட்டா கலந்து கொண்டுள்ளார்.

நிகழ்ச்சியில் பேசிய ஜே.பி.நட்டா, ஆளுமைமிக்க தலைவர் மறைந்த பின்னரும் முதல்வர் பழனிசாமி ஆட்சியை தக்க வைத்திருப்பது அவரது ஆளுமையை காட்டுகிறது. இது எனக்கே ஆச்சரியமாக உள்ளது என்றார். மேலும், வளர்ச்சியை நோக்கி தமிழகத்தை முன்னெடுத்து செல்வதை பிரதமர் மோடி உறுதி செய்துள்ளார். தமிழகத்தில் வரும் காலத்தில் பாஜக ஆட்சி அமையும். அதனால் தான் பல்வேறு துறையினர் பாஜகவில் இணைகின்றனர் என்றும் அவர் தெரிவித்தார்.

எடப்பாடி பழனிசாமிக்கு அப்பாயின்ட்மென்ட் தராத மோடி: பாஜகவின் அஜண்டா என்ன?

முன்னதாக, நிகழ்ச்சியில் பேசிய துக்ளக் இதழின் ஆசிரியர் குருமூர்த்தி, முதல்வர் பழனிசாமிக்கு ஆளுமை உள்ளது. அது வெளிப்படையாக தெரிகிறது. திமுகவை எதிர்க்க வேண்டுமெனில் சசிகலா போன்றவர்களையும் சேர்த்து கொள்ள வேண்டும் என்று தெரிவித்ததுடன், தமிழகத்தில் அடுத்த 5 ஆண்டுகளில் பாஜக வளரும் என்றார்.



Thanks for the source

Share on Social Media

Leave a Reply

Your email address will not be published. Required fields are marked *