Share on Social Media


ஹைலைட்ஸ்:

  • அமெரிக்க அதிபர் ஜோ பைடன் சொன்ன காமெடி
  • விழுந்து விழுந்து சிரித்த பிரதமர் மோடி

அமெரிக்க அதிபராக ஜோ பைடன் பொறுப்பேற்றதை அடுத்து முதன்முறையாக பிரதமர் நரேந்திர மோடி அவரை நேரில் சந்தித்து பேசினார். வெள்ளை மாளிகையில் நேற்று நடைபெற்ற இருதரப்பு பேச்சுவார்த்தையை தொடர்ந்து, கூட்டு செய்தியாளர் சந்திப்பு நடைபெற்றது.

அப்போது, பைடன் கூறிய நகைச்சுவையால் அரங்கில் சிரிப்பலை எழுந்தது. அவருக்கும், இந்தியாவுக்குமான உறவு குறித்து பேசிய அதிபர் ஜோ பைடன், 1972 ஆம் ஆண்டு செனட் உறுப்பினராக தேர்ந்தெடுக்கப்பட்ட போது, இந்தியாவிலிருந்து பைடன் என பெயர் கொண்ட ஒருவர், தனக்கு கடிதம் எழுதியதாக அவர் குறிப்பிட்டார்.

பின்னர், 2013 ஆம் ஆண்டு, அமெரிக்க துணை அதிபராக பதவி வகித்த போது, மும்பை வந்திருந்ததாகவும், அப்போது இந்தியாவில் தனக்கு உறவினர்கள் யாரெனும் உள்ளார்களா என, சிலர் தன்னிடம் கேட்டதை அவர் நினைவு நினைவு கூர்ந்தார்.
யார் இந்த ஸ்னேகா துபே? – பாக். பிரதமர் இம்ரான் கானை தெறிக்கவிட்ட இந்திய பெண் அதிகாரி!
இது குறித்து விரிவாக பேசிய அவர், “உறவினர்கள் இருக்கிறார்களா என்ற கேள்விக்கு எனக்கு சரியாக தெரியவில்லை என்றே கூறினேன். ஆனால், 1972 ஆம் ஆண்டு 29வது வயதில் செனட் உறுப்பினராக தேர்ந்தெடுக்கப்பட்ட போது, பைடன் என்ற பெயர் கொண்ட ஒருவர் மும்பையிலிருந்து எனக்கு கடிதம் எழுதினார். ஆனால், அவரை பின்தொடரவில்லை. அடுத்த நாள் காலை நடைபெற்ற செய்தியாளர் சந்திப்பின் போது, இந்தியாவில் பைடன் என்ற பெயரில் ஐந்தே பேர் உள்ளனர் என செய்தியாளர்கள் என்னிடம் கூறினார்கள்” என்றார்.

இபிஎஸ் காலில் விழுந்த ராஜேந்திர பாலாஜி – பின்னணி தகவல் ?

பின்னர், கிண்டலடிக்கும் விதமாக பேசிய அதிபர் ஜோ பைடன், “கிழக்கிந்திய கம்பெனியில் கேப்டன் ஜார்ஜ் பைடன் என ஒருவர் இருந்திருக்கிறார் என்பதை கண்டுபிடித்தேன். அயர்லாந்தை பூர்வீகமாக கொண்ட எனக்கு இதை ஏற்று கொள்ள முடியவில்லை. ஆனால், இதை தற்செயலாகவும் விட்டுவிடக் கூடாது. நான் சொல்ல வரும் நகைச்சுவை என்ன என்பது உங்களுக்கு புரிந்திருக்கும் என, நம்புகிறேன். இறுதியாக, ஜார்ஜ் பைடன் இந்திய பெண்ணை திருமணம் செய்து கொண்டுள்ளார். அவர் எங்கிருக்கிறார் என என்னால் கண்டுபிடிக்கவே முடியவில்லை. எனவே, இந்த கூட்டத்தின் நோக்கமே அவரை கண்டிபிடிப்பது தான்” என்றார்.

இதையடுத்து, கூட்டத்தில் சிரிப்பலை எழுந்தது. இதற்கு நகைச்சுவையாக பதிலளித்த பிரதமர் நரேந்திர மோடி, “பைடன் என்ற பெயரில் இருப்பவர்கள் குறித்து நீங்கள் பேசினீர்கள். இதை நீங்கள் முன்பே என்னிடம் குறிப்பிட்டிருந்தீர்கள். எனவே, இது குறித்து ஆவணங்களை கண்டுபிடிக்க முயற்சித்தேன். இப்போது, நான் சில ஆவணங்களுடன் வந்திருக்கிறேன். ஒருவேளை இந்த ஆவணங்கள் சில உங்களுக்கு உபயோகமாக இருக்கலாம்” என்றார்.



Source link

Share on Social Media

Leave a Reply

Your email address will not be published. Required fields are marked *