Share on Social Media


உலகளவில் கொரோனா பாதிப்பில் அமெரிக்கா முதலிடத்தில் இருக்கிறது. முன்னாள் அதிபர் டொனால்ட் ட்ரம்பின் அலட்சியத்தால் அமெரிக்காவை கொரோனா சூறையாடிவிட்டதாக குற்றம்சாட்டப்படுகிறது. முக்கியமாக, மக்கள் மாஸ்க் போடுவதை டொனால்ட் ட்ரம்ப் ஊக்குவிக்கவில்லை. அவரே மாஸ்க் போடாமல் சுற்றுக்கொண்டு இருந்தது வேறு விஷயம்.

ஜனவரி 20ஆம் தேதியன்று அமெரிக்க அதிபராக ஜோ பைடன் பதவியேற்றார். இந்நிலையில், கொரோனாவை கட்டுப்படுத்த பல்வேறு திட்டங்களை பைடன் வகுத்து வருகிறார். இதன் முதற்கட்டமாக, மக்களை மாஸ்க் போடுவதற்கு ஊக்கப்படுத்த திட்டமிட்டுள்ளார்.

ரஷ்ய அதிபரின் ரகசிய மாளிகை.. பிரம்மிக்கவைக்கும் விலை.. வெளியான சீக்ரட் வீடியோ!
அதாவது, 100 நாள் மாஸ்க் சேலஞ்சை பைடன் அறிமுகப்படுத்தியுள்ளார். இதில், அடுத்த 100 நாட்களுக்கு மக்கள் அனைவரும் மாஸ்க் அணியவேண்டுமென்பதுதான் சவால். மேலும், வெளிநாடுகளில் இருந்து அமெரிக்காவுக்கு வருவோர் அனைவரும் புறப்படுவதற்கு முன் கட்டாயமாக கொரோனா பரிசோதனை செய்துகொள்ள வேண்டும்.

அமெரிக்கா வந்தபிறகு அனைவரும் தனிமைப்படுத்திக்கொள்ள வேண்டுமென ஜோ பைடன் தெரிவித்துள்ளார். மேலும், விமானங்களில் மாஸ்க் கட்டாயமாக அணியவேண்டுமென அறிவுறுத்தப்பட்டுள்ளது. முந்தைய ட்ரம்ப் ஆட்சியில், விமானத்தில் மாஸ்க் அணிவது கட்டாயமில்லை.

80387198 Tamil News Spotபுதிய கொரோனாவுக்கு புதிய தடுப்பூசி… ஹேப்பி நியூஸ்!
பைடன் ஆட்சி பொறுப்பேற்று 100 நாட்களில் 5 கோடி பேருக்கு கொரோனா தடுப்பூசி போட இலக்கு நிர்ணயிக்கப்பட்டுள்ளது. போர்க்கால அடிப்படையில் தடுப்பூசி தட்டுப்பாடுகளை சரிசெய்து, உற்பத்தியை மேம்படுத்தப்போவதே தேசிய திட்டம் என பைடன் தெரிவித்துள்ளார்.

வெள்ளை மாளிகையில் பைடன் பேசியபோது, “போர்க்கால அடிப்படை என்று சொல்லும்போது, இதை போர்க்காலம் போலதான் எடுத்துக்கொள்ள வேண்டும். கடந்த இரவு வரை 4 லட்சம் அமெரிக்கர்கள் உயிரிழந்துள்ளனர். இந்த உயிர்பலி எண்ணிக்கை இரண்டாம் உலகப் போரை விட அதிகம். இதை போர்க்கால அடிப்படையில்தான் சமாளிக்க வேண்டும்” என்று தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *