Share on Social Media


ஹைலைட்ஸ்:

  • தடுப்பூசிக்கான மூலப் பொருட்கள் விநியோகம் தொடர்பாக பைடனுடன் விவாதித்தேன்
  • இரு நாடுகளின் கொரோனா நிலவரம் குறித்து விரிவாக பேசினோம்
  • அமெரிக்கா வழங்கும் உதவிக்கு நான் நன்றி தெரிவித்தேன்

நாடு முழுவதும் கொரோனா தொற்று அதிகரித்து வரும் சூழலில், ஆக்சிஜன் தேவையும் அதிகரித்துள்ளது. ஆக்ஸிஜன் தட்டுப்பாடு, படுக்கைகள் பற்றாக்குறையால் உயிரிழப்பவர்களின் எண்ணிக்கையும் அதிகமாகிக் கொண்டே வருகிறது. அதுதவிர தடுப்பூசி தட்டுப்பாடும் நிலவுவதாக கூறப்படுகிறது.

இதையடுத்து, கோவிஷீல்டு தடுப்பூசி உற்பத்திக்கு தேவையான மூலப்பொருட்களை அனுப்ப நடவடிக்கை எடுப்பதாக அமெரிக்கா தெரிவித்துள்ளது. அத்துடன் பல்வேறு மருத்துவ சாதனங்களையும் அனுப்பவும் அமெரிக்கா சம்மதித்துள்ளது. மேலும், அவசரநிலை அடிப்படையில் இந்தியாவுக்கு தேவையான ஆக்சிஜன் உற்பத்தி கருவிகளை ஏற்பாடு செய்யவும் வழிகளை கண்டறிந்து வருகிறோம் என்றும்அமெரிக்கா தெரிவித்துள்ளது.

இந்தியாவில் தயாரிக்கப்படும் கோவிஷீல்டு தடுப்பூசி மருந்துக்கு பெருமளவு மூலப்பொருட்கள் அமெரிக்காவிடம் இருந்துதான் வருகின்றன. ஆனால் உள்நாட்டு தேவையை கருதி வெளிநாடுகளுக்கு இதுபோன்ற பொருட்கள் ஏற்றுமதிக்கு அமெரிக்கா தடை விதித்திருந்ததால், கோவிஷீல்டு மருந்து தயாரிப்புக்கு மூலப்பொருள் கிடைக்காத நிலை உருவானது. இதனிடையேதான் அமெரிக்கா இதுபோன்று தெரிவித்துள்ளது.

இந்தியாவுக்கு 80 மெட்ரிக் டன் ஆக்சிஜன் அனுப்பும் சவுதி அரேபியா
மேலும், கொரோனாவுக்கு எதிராக போரிடும் இந்தியாவுக்கு உறுதுணையாக இருப்போம் என அமெரிக்க அதிபர் ஜோ பைடன் தெரிவித்துள்ளார். முதல்கட்டமாக 318 ஆக்ஸிஜன் செறிவூட்டிகள் டெல்லிக்கு வரத் தயாராக அமெரிக்க விமான நிலையத்தில் உள்ளது.

இந்த நிலையில், அமெரிக்க அதிபர் ஜோ பைடனுடன் பிரதமர் மோடி தொலைபேசியில் இன்று பேசினார். இந்தியாவில் கொரோனா பாதிப்பு சூழல் குறித்து இருநாட்டு தலைவர்களும் பேசியது முக்கியத்துவம் வாய்ந்ததாக பார்க்க்ப்பட்டது.

அதன் தொடர்ச்சியாக அமெரிக்க அதிபருடனான பேச்சுவார்த்தை ஆக்கப்பூர்வமாக இருந்தது என்று பிரதமர் மோடி தெரிவித்துள்ளார். இதுதொடர்பாக தனது ட்விட்டர் பக்கத்தில், “தடுப்பூசிக்கான மூலப் பொருட்கள் சப்ளை சுமூகமாக நடைபெற வேண்டியது அவசியம் என்பதால், தடுப்பூசிக்கான மூலப் பொருட்கள் விநியோகம் தொடர்பாக பைடனுடன் விவாதித்தேன். உலகளாவிய கொரோனா சவாலை இந்தியாவும், அமெரிக்காவும் இணைந்து வெல்ல முடியும். அமெரிக்க அதிபருடனான பேச்சுவார்த்தை ஆக்கப்பூர்வமாக இருந்தது. இரு நாடுகளின் கொரோனா நிலவரம் குறித்து விரிவாக பேசினோம். இந்தியாவுக்கு அமெரிக்கா வழங்கும் உதவிக்கு நான் நன்றி தெரிவித்தேன்” என்று பதிவிட்டுள்ளார்.



Source link

Share on Social Media

Leave a Reply

Your email address will not be published. Required fields are marked *