Share on Social Media


ரோல்ஸ் ராய்ஸ் கார் விவகாரத்தில் விஜய்க்கு ஆதரவாக குரல் கொடுத்துள்ளார் முன்னாள் துணை முதல்வர் ஓ. பன்னீர் செல்வத்தின் மகன் ஜெயபிரதீப்.

ரோல்ஸ் ராய்ஸ்

ரோல்ஸ் ராய்ஸ் காருக்கான நுழைவு வரியில் இருந்து விலக்கு கேட்ட நடிகர் விஜய்க்கு சென்னை உயர்நீதிமன்றம் ரூ. 1 லட்சம் அபராதம் விதித்தது. மேலும் நிஜ வாழ்க்கையிலும் ஹீரோவாக நடந்து கொள்ளுமாறு நீதிபதி கூறினார். இதையடுத்து ஆளாளுக்கு விஜய்யை விமர்சிக்கிறார்கள். இந்நிலையில் முன்னாள் துணை முதல்வர் ஓ. பன்னீர்செல்வத்தின் மகன் ஜெயபிரதீப் விஜய்க்கு ஆதரவாக அறிக்கை வெளியிட்டுள்ளார்.

ஜெயபிரதீப்

samayam tamil Tamil News Spot

ஜெயபிரதீப் தன் அறிக்கையில் கூறியிருப்பதாவது, உழைப்பால் உயர்ந்தவர்களை அனைவரும் மனதார பாராட்ட வேண்டும். நடிகர் விஜய் தனது ரோல்ஸ் ராய்ஸ் காருக்கு வரிவிலக்கு கோரியதற்கு சென்னை உயர் நீதிமன்றம் ரூ.1 லட்சம் அபராதம் விதித்திருப்பது தற்போது பேசு பொருளாக மாறியுள்ளது. சினிமா துறையில் தனது சொந்த உழைப்பால் உயர்ந்து, தான் வாங்கும் ஊதியத்திற்கு முறையாக வருமான வரியாக கோடிக்கணக்கான பணத்தை அரசிற்கு செலுத்தி வருபவர் நடிகர் விஜய். அந்த பணம் பல ஏழை மக்களின் வாழ்வாதாரத்திற்கு உதவிகரமாக இருந்துள்ளது என்றார்.

சச்சின் டெண்டுல்கர்

samayam tamil Tamil News Spot

எப்போதும் ஒரு மனிதரின் நிறைகளை குறைவாக பேசுவதும், சிறுசிறு குறைகளை மிகைப்படுத்தி பேசுவது மனித இயல்பாக இருக்கிறது. மேலும் இறக்குமதி செய்த வாகனங்களுக்கு வரிவிலக்கு கேட்பது அவரவரின் உரிமை சார்ந்தது. இந்த உரிமை நடிகர் விஜய்க்கும் உண்டு. சினிமா பிரபலம் என்றால் அவருக்கு பொருந்தாது என்றாகாது. இதே போல் 2012 ல் வரிவிலக்கு கேட்டு சச்சின் டெண்டுல்கர் உள்பட பலரும் கோரிக்கை வைத்தார்கள். இதில் சச்சினுக்கு சட்டத்திருத்தம் கொண்டு வந்து மத்திய அரசு ரூ 1.13 கோடி வரி விலக்கு அளித்தது என்பது குறிப்பிடத்தக்கது என ஜெயபிரதீப் தெரிவித்துள்ளார்.

விஜய்

samayam tamil Tamil News Spot

எனவே, சரிவர புரிந்து கொள்ளாமல் தவறான கருத்துகளை சமூகவலைதளங்களில் பதிவிடுவதை தவிர்க்க வேண்டும். எந்த மனிதராக இருந்தாலும் பல கஷ்டங்களையும் விருப்பு வெறுப்புகளையும் அவமானங்களையும் தாண்டிதான் உயர்நிலைக்கு வரமுடியும். அப்பேற்பட்டவர்களை பாராட்ட மனம் வரவில்லை என்றாலும் பரவாயில்லை குறைகள் கூறுவதை தவிர்க்க வேண்டும் என அன்புடன் கேட்டுக் கொள்கிறேன் என ஜெயபிரதீப் தன் அறிக்கையில் குறிப்பிட்டுள்ளார்.



Source link

Share on Social Media

Leave a Reply

Your email address will not be published. Required fields are marked *