Share on Social Media


தயாரிப்பாளர் போனி கபூரின் முதல் தாரத்து பிள்ளைகள் நடிகர் அர்ஜுன் கபூர், அன்ஷுலா கபூர். போனி கபூர் தன் மகள்கள் ஜான்வி மற்றும் குஷியுடன் தனியாக வசித்து வருகிறார்.

ஸ்ரீதேவி உயிருடன் இருந்தவரை அர்ஜுன் கபூரின் கோபத்தை நினைத்து தான் பயத்தில் இருந்தார். ஸ்ரீதேவி தன் அம்மாவின் வாழ்க்கையை நாசம் செய்துவிட்டதாக கோபத்தில் இருந்தார் அர்ஜுன். ஆனால் ஸ்ரீதேவி இறந்தபோது அவரின் இறுதிச்சடங்கில் தந்தைக்கு உதவியாக இருந்தார் அர்ஜுன்.

மேலும் ஸ்ரீதேவியின் மகள்களான ஜான்வி மற்றும் குஷியை தன் சொந்த தங்கைகளாகவே பார்க்கிறார். அர்ஜுனின் சகோதரியான அன்ஷுலாவும் ஜான்வி, குஷியுடன் நெருக்கமாகிவிட்டார்.

அன்ஷுலா கபூர் தன் அண்ணன் அர்ஜுனுடன் வசித்து வருகிறார். அர்ஜுன் தன் காதலியான நடிகை மலாய்கா அரோராவுடன் கோவாவுக்கு சென்றுள்ளார். இன்று அன்ஷுலாவின் பிறந்தநாள்.

அவர் வீட்டில் தனியாக இருப்பதை தெரிந்து கொண்ட ஜான்வியும், குஷியும் அக்காவின் பிறந்தநாளில் அவரை சந்தோஷப்படுத்த முடிவு செய்தனர்.

நள்ளிரவில் தன் தந்தையுடன் அன்ஷுலாவின் வீட்டிற்கு சென்று இன்ப அதிர்ச்சி கொடுத்துள்ளனர். வீட்டை அலங்கரித்து அன்ஷுலாவை கேக் வெட்டச் செய்துள்ளனர்.

ஜான்வி, குஷி செய்த அலங்காரத்தை வீடியோ எடுத்து இன்ஸ்டாகிராமில் வெளியிட்டு அன்ஷுலா கபூர் கூறியிருப்பதாவது,

இந்த ஆண்டு என் பிறந்தநாளை கொண்டாட விரும்பவில்லை. ஆனால் ஜான்வி மற்றும் குஷி என் வீட்டிற்கு சந்தோஷத்தை கொண்டு வந்துள்ளனர். இது என்னை சிரிக்க வைத்துள்ளது. நன்றி. எனக்கு சிறந்த தங்கைகள் கிடைத்துள்ளனர் என்று தெரிவித்துள்ளார்.

அன்ஷுலாவின் இன்ஸ்டாகிராம் போஸ்ட்டை பார்த்த ரசிகர்களோ, இதை எல்லாம் பார்க்க ஸ்ரீதேவி உயிருடன் இல்லையே. எந்த குடும்பத்தை நினைத்து அவர் பயந்தாரோ, அதே குடும்பம் தான் தற்போது ஜான்வி, குஷியை தங்களில் ஒருவராக ஏற்று பாசத்தை காட்டுகிறது என்று கூறியுள்ளனர்.

அன்ஷுலாவின் போஸ்ட்டை பார்த்த ஜான்வி ஹார்ட் எமோடிகானை போட்டுள்ளார். குஷியோ நீங்கள் தான் பெஸ்ட் என்று கமெண்ட் அடித்துள்ளார்.

இன்ஸ்டாகிராமில் அக்காவை ஓரங்கட்டிய ஸ்ரீதேவியின் இளைய மகள்





Source link

Share on Social Media

Leave a Reply

Your email address will not be published. Required fields are marked *