Share on Social Media


ஹைலைட்ஸ்:

  • ஜாக்கி பாக்னானி மீது மாடல் அழகி மீண்டும் புகார்
  • கொலை மிரட்டல் வருவதாக கூறும் மாடல் அழகி

பிரபல பாலிவுட் நடிகரும், தயாரிப்பாளருமான ஜாக்கி பாக்னானி, புகைப்படக் கலைஞர் கோல்ஸ்டன் ஜூலியன், டி சீரீஸின் க்ரிஷன் குமார் உள்ளிட்டோர் தன்னை பாலியல் பலாத்காரம் செய்ததாக மாடல் அழகியும், பாடலாசிரியையுமான 28 வயது அபர்ணா கடந்த மே மாதம் காவல் நிலையத்தில் புகார் அளித்தார்.

இந்நிலையில் அவர் சமூக வலைதளத்தில் கூறியிருப்பதாவது,

பெரிய இடத்து ஆண்கள் என்று சொல்லப்படும் அவர்கள் எனக்கு இன்னும் கொலை மிரட்டல் விடுத்துக் கொண்டிருக்கிறார்கள். இன்ஸ்டாகிராமில் மோசமான வீடியோக்களை அனுப்புகிறார்கள். நூற்றுக்கணக்கான போலி கணக்குகளை நான் பிளாக் செய்துவிட்டேன். இது குறித்து நான் போலீசாரிடம் தெரிவித்தேன். அவர்கள் என் வீட்டிற்கு அருகில் இருக்கும் காவல் நிலையத்திற்கு சென்று புகார் அளிக்குமாறு கூறினார்கள்.

முதல் புகாருக்கே 3 வாரங்களை அலைந்தேன். அதனால் மீண்டும் புகார் கொடுக்க எனக்கு பொறுமையோ, சக்தியோ இல்லை.

இறுதி தீர்ப்பு வருவதற்கு முன்போ, பின்போ எனக்கு ஏதாவது நடந்தால் அதர்கு குர்ப்ரீத் சிங், ஷீல் குப்தா, நிகில் காமத், குர்ஜோத் சிங், அஜித் தாகூர், க்ரிஷன் குமார், விஷ்ணு இந்தூரி, மொரானிகள், கோல்ஸ்டன் ஜூலியன், சுஹேல் சேத், ஜாக்கி பாக்னானி, அனிர்பன் ப்ளா ஆகியோர் தான் காரணம். இந்த உலகில் எனக்கு வேறு யாரும் எதிரிகள் இல்லை.

அவர்கள் என்னை கூட்டாக பின்தொடர்கிறார்கள், என் பெயரை கெடுத்தார்கள், மோசமாக திட்டினார்கள், என் உடலையும், மனதையும் தாக்கினார்கள். என் நலம் விரும்பிகள் போன்று நடித்து எனக்கு வேலை இல்லாமல் செய்தார்கள். இதை எல்லாம் புரிந்து கொள்ள எனக்கு பல ஆண்டுகள் ஆனது. இத்தனை ஆண்டுகளாக சந்தேகத்திலேயே வாழ்ந்தேன். தற்போது தான் எல்லாமே தெளிவாக புரிகிறது. அவர்கள் யாருடனும் நான் தொடர்பில் இல்லை என்பதை தெரிவித்துக் கொள்கிறேன். அவர்கள் போலீஸ் மற்றும் நீதிமன்றத்தை விலை கொடுத்து வாங்க முயற்சி செய்வது எனக்கு தெரியும் என தெரிவித்துள்ளார்.

தாத்தாவாகும் வயதில் 3வது மனைவியை தேடுகிறார்: நடிகரை விமர்சித்த பாஜக எம்.பி.



Source link

Share on Social Media

Leave a Reply

Your email address will not be published. Required fields are marked *