Share on Social Media


ஹைலைட்ஸ்:

  • போலியான கையில் தடுப்பூசி
  • வசமாக சிக்கிய சுகாதார ஊழியர்!

இத்தாலி நாட்டில் ஒரு நபர், உண்மையாக தடுப்பூசி செலுத்திக் கொள்ள விருப்பமின்றி, தன் போலி கையில் தடுப்பூசியைச் செலுத்திக் கொண்டு, தடுப்பூசி சான்றிதழ் பெற முயன்றதாக அந்நாட்டு அதிகாரிகள் தெரிவித்துள்ளனர்.

இந்தியா, அமெரிக்கா, இத்தாலி, பிரிட்டன், பிரான்ஸ் உள்ளிட்ட நாடுகளில், கொரோனா வைரஸ் தொற்றுக்கு எதிராக தடுப்பூசிகள் கண்டுபிடிக்கப்பட்டு பொது மக்களுக்கு செலுத்தப்பட்டு வருகின்றன. இந்நிலையில், ஐரோப்பா நாடான இத்தாலியைச் சேர்ந்த சுகாதார ஊழியர் ஒருவர், கொரோனா தடுப்பூசி சான்றிதழ் பெறுவதற்காக, தடுப்பூசி போட மருத்துவமனை ஒன்றுக்கு சென்றார். அப்போது அவர், தடுப்பூசி செலுத்தும் இடத்தில் சிலிக்கான் மோல்டால் மூடிச் சென்றுள்ளார். இது உண்மையான கரத்தைப் போன்றே தோற்றமளிக்கக் கூடிய செயற்கை தோல். இதனைக் காட்டி செவிலியரை ஏமாற்றி விடலாம் என அவர் நினைத்தார்.

தடுப்பூசி போடுவதற்காக தோலை தடவியதில், அது ரப்பர் போல இருந்ததால் சந்தேகப்பட்டு அந்த நபரிடம் செவிலியர் கேட்டார். அவரிடம் உண்மையைக் கூறிய அவர், இது தொடர்பாக வெளியில் தெரிவிக்க வேண்டாம் எனவும், ஊசி போடுமாறும் மிரட்டினார். ஆனால் சுதாரித்துக் கொண்ட அந்த செவிலியர் காவல் துறையினரிடம் இது குறித்து தெரிவித்தார்.
மீண்டும் லாக்டவுன்? – அரசு வெளியிட்ட பரபரப்பு தகவல்!
சம்பந்தப்பட்ட நபரை கையும் களவுமாக பிடித்த போலீசார் அவரிடம் விசாரணை நடத்தி வருகின்றனர். இதை அடுத்து மோசடியில் ஈடுபட்ட சுகாதார ஊழியரை பணியில் இருந்து சஸ்பெண்ட் செய்து அதிகாரிகள் நடவடிக்கை எடுத்தனர். சுகாதாரத் துறை ஊழியர் இது போன்ற மோசடியில் ஈடுபட்ட சம்பவம் பரபரப்பை ஏற்படுத்தி உள்ளது.



Source link

Share on Social Media

Leave a Reply

Your email address will not be published.